من المتوقع ان بنهاية 2021 .. توصل ايرادات الواقع الافتراضي Virtual Reality (VR) حوالي 25 مليار دولار في جميع أنحاء العالم
و ان مرتبات وظائف VR هتبدأ من 75الف دولار في السنة وممكن توصل ل 200 الف ^_^
دي مجرد مقتطفات من احصائيات عن مستقبل صناعة الواقع الافتراضي في السنين الجاية
و اللى تقدر تعرف عنه اكتر بالرجوع للمقال دة :
https://mshmshvalley.com/virtual-reality
لكن اللي هنتكلم عنه النهاردة هو مجموعة كورسات Virtual Reality (VR) App Development اللي بتقدمهم جامعة San Diego الامريكية على منصة edX واللي بيحل المشكلة اللي قابلتنا قبل كده وهي عدم وجود MOOCS كفاية عن الـ VR
قبل ما نتكلم عن الكورسات مهم جداً تكون عارف ان الواقع الافتراضي من الصناعات التكنولوجية اللي داخلة بقوة في عالم الترفيه الفترة الجاية ، و ان ملاين من اجهزة الواقع الافتراضي اتباعت في أمريكا لوحدها ، والموضوع مابقاش مقتصر على العاب الكمبيوتر بس ، لا بدأ ينتشر في الأبليكشنز الخاصة بأجهزة الموبايل ، لكن مازال مطورين البرمجيات مافيش عندهم التدريب والخبرة اللازمة في المجال ده .. وده اللي خلى منصةedx و جامعة San Diego يقدموا البرنامج اللي هيغطي معاك النقط دي بالكامل :
1- ازاي تكنولوجيا VRبتشتغل وايه أجهزة VR اللي موجودة
2- ازاي ممكن تكتب برنامج خاصة بالتكنولوجيا دي وغالبا بيتسمى VR experiences
3- تقنيات 3D الفعالة والمستخدمة في تطبيقات VR
4- ازاي تكتب تطبيقات VRفي WebVR و Unity 3D و ايه المميزات اللي تخلي التطبيقات دي ناجحة
5- بجانب انهم هيعلموك شوية الرياضيات اللي ممكن تحتاجها في الموضوع ده
6- والكورس النهائي في البرنامج هتاخد اللي اتعلمته كله وتطبقه انك تعمل تطبيق VR خاص بيك ^_^
البرنامج مكون من 3 كورسات كل كورس بمتوسط من 6-4 أسابيع وكل أسبوع هياخد من 8 ل 10 ساعات
ده لينك البرنامج :
https://www.edx.org/professional-certificate/virtual-reality-vr-app-development
ودي الكورسات الموجودة في البرنامج لو عايز تاخد اي واحد منهم لوحده :
How Virtual Reality (VR) Works
في الكورس هتتعلم ازاي التكنولوجيا دي شغالة عن طريق كتابتك لبرامج VRبسيطة باستخدام WebVR
https://www.edx.org/course/how-virtual-reality-vr-works-uc-san-diegox-cse165x
Computer Graphics
فى الكورس ده هتتعلم اساسيات 3D graphics و أساسيات برمجة الجرافيكس باستخدام OpenGLوGLSL
https://www.edx.org/course/computer-graphics-uc-san-diegox-cse167x-2
Creating Virtual Reality (VR) Apps
الكورس هيبدأ يوم 2سبتمبر ، وهتتعلم فيه الأدوات والتقنيات اللي محتاجها علشان تعمل تطبيق VRبتاعك في Unity 3D
https://www.edx.org/course/creating-virtual-reality-vr-apps-uc-san-diegox-cse190x
صراحة البرنامج اكتر من مهم ولما تدخل على صفحته هتلاقي في شركات كبيرة كاتبة انها مستعدة تشغل اللي هياخدوه، وبالتالي هو مهم لأي مطور عايز يدخل في صناعة لسه ماتنتشرتش اوي لكن متوقع ليها مستقبل مبهر الفترة الجاية