اغلبنا إتفرج على فيلم ” Iron man “ و تابع توني ستارك (روبرت داوني) العالم العبقري وصاحب أكبر شركة سلاح
اللى بعد ما اتصاب اصابة مميتة .. قدر ينقذ نفسة بطريقة ما من خلال البدلة اللى صممها .. بالعكس دة بقي اقوي
فعلياً الفكرة دي موجودة في معظم أفلام الخيال العلمي .. بدلة أو بيت او جهاز او حتى عربية خارقة و بتنفذ كل اللي بتطلبه منها ^_^
المهم إن ده كله مبقاش خيال علمي خلاص .. وإنما واقع عايشينه .. اه والله زمبئولك كده ^_^
عايز تتأكد من كلامي إدخل شوف الفيديو ده اللي لسه مارك (أيوه مارك بتاع الفيس) مشيره عن system سماه Jarvis على اسم المساعد الشخصي بتاع Iron Man اللي قدر يساعده انه يتحكم في أجهزة بيته كلها من خلال صوته وده المشروع اللي حب مارك ينهي بيه عام 2016 وكان بيشتغل فيه بقاله سنة
بص يا عم الناس اللي بتعرف تنهي السنة ^_^
https://www.facebook.com/zuck/videos/10103351034741311/?hc_ref=SEARCH
وهنا المقالة اللي كتبها عن تجربته في بناء جرفيس
https://www.facebook.com/notes/mark-zuckerberg/buildingjarvis/10154361492931634?hc_location=ufi
في المقالة إتكلم عن الحاجات اللي استخدمها في عمله واللي احتاج انه ٌذاكرها (اه والله مارك لسه بيذاكر يعني مش احنا لوحدنا ) ^_^ المقال يستحق القراءة ولو في مشكلة في الانجليزي ممكن نترجمهلكم ان شاء الله اطلبوا انتم بس ^_^
استخدم مارك اكتر من حاجة بس اللي dهمنا هنا حاجة اسمها الذكاء الاصطناعي (Artificial intelligence) او اخنصارا(AI)
بصراحة الكلام عن الذكاء الاصطناعي هيحتاج مننا اكتر من مقال لكن خلونا نبدأ بتعريف الذكاء الاصطناعي
الذكاء الاصطناعي : ببساطة إننا ” نعلم الآلة ” ازاي تحل المشاكل بنفسها عن طريق التعلم من اكتساب الخبرات السابقة أو من خلال تحليل الحلول الصحيحة و استنباط طريقة الحل منها أو حتى من التعلم من خلال الأمثلة.
عارف لما بتيجي تلعب Gamesو تقول هلاعب الكمبيوتر ” ده ابسط تطبيق للذكاء الاصطناعي ” AI
يعني من الأخر ٌا عم عايزن الكمبيوتر الغبي ده يبقى ذكي زينا كده ^_^
علم الذكاء الصناعي ده ليه فروع منها واللي يهمنا في المقال حاجة اسمها ” Machine Learning” التعلم الآلي
اللي هو (تطوير خوارزميات وتقنيات تسمح للحواسيب بامتلاك خاصية “التعلم” أي استخراج معلومات قيمة من البيانات من ثم إستغلالها.)
من الاخر كده “حاجة بعملها في الكمبيوتر علشان أخليه يعرف يتعلم .. احنا الحمد لله بنعرف نتعلم لوحدنا هو بقى ما بيعرفش ”
الموضوع ده بيستخدم في مجالات مثل : نظم التعرف على البصمة ونظم التعرف على الوجوه، ونظم التعرف على الصوت وغيره
نيجي بقى للمهم بما ان احنا في وادي المشمش مش بنحبك تقرأ المعلومة وخلاص
فـ حابين نعرفك ان في كورس هيبدأ يوم الاثنين الجاي 26/12 على coursera
الكورس ده بعنوان “ Machine Learning ” ومقدم من جامعة ستانفورد وهيستمر لمدة 11 أسبوع
الكورس ده بقى من اهم الكورسات في المجال ده وواخد تقييم 4.9/5 على كورسيرا ، غير ان اللي بيشرح واحد من أشهر الناس في مجال الذكاء الاصطناعي اسمه ( andrew ng ) وهو أحد مؤسسين موقع coursera ولو عايز تعرف أكتر ديه شوية معلومات عنه على
الويكبيديا :
https://ar.wikipedia.org/wiki/%D8%A3%D9%86%D8%AF%D8%B1%D9%88_%D9%86%D8%AC
بس خلي بالك الكورس ده ليه مواعيد لتقديم quizzes بتاعته فلو حابب تشتغل فيه ادخل من دلوقتي وسجل معاه من الاول علشان الأسابيع ماتتركمش عليك
ده لينك الكورس :
https://www.coursera.org/learn/machine-learning
ممكن يكون في دماغك دلوقتى شوية اسئلة تعال نرد عليهم:
هتقولي الشهادة بفلوس؟ الفكرة مش في الشهادة قد ماهي في المادة العلمٌة هتقولي cvهقولك الناس دلوقتي معدتش بتدور على الشهادات قد ما بتدور يا ترى انك عندك حقٌقي المعرفة ولا اهي شهادة مركونة على الرف
-هتقولي يا عم مالنا ومال مارك &جرفيس ده احنا في مصر؟ هقولك في شركات في مصر حالياً شغالة في الموضوع غير ان ده مناسب جدا لطلبة هندسة لأنهم ممكن يعملوا مشروع تخرجهم في الحاجات دي
-هتقولي داخلين على امتحانات هقولك الحق نفسك اليومين دول امشي فيه شوية وعوض اللي هيفوتك في نصف السنة وماتقوليش المذاكرة مقطعة بعضها دا احنا بتوع هندسة برضه وعارفٌن اللي فيها ^_^
من الآخر #ملكش_حجة ^_^