كتير مننا نفسه يتعلم برمجة اما للدراسة او الشغل او حتي من باب الفضول مش اكتر ^_^
لكن الأغلبية بتحتار أبدأ بلغة إيه وخصوصا لو لسه داخل عالم البرمجة ومافيش عندك أي خلفية يعني ايه أساسا برمجة وايه هي قواعدها ؟
ساعتها نصيحتي ليك اتعلم بايثون ” python ” و تعالي نعرف ليه:
1- البايثون بتتعرف على أنها “A general purpose, high-level language” :
يعني بالعامية كده البايثون جامدة اوي و بتاعت كله ( ألعاب ، مواقع ، قواعد البيانات ، برمجة الألات ، كمان ممكن تدخلمعك في تطبيقات الموبايل ) و بالتالى لو لسه مش محدد المجال اللي حابب تبرمج فيه ابدأ بالبايثون وهتلاقيها بعد كده تدوس معاك تقريبا في اي مجال .
2- بجانب انها “An interpreted language” :
اي لغة برمجة “high-level” انت بتكتبها الكمبيوتر مش بيفهمها علطول ولازم تتحول لحاجة اسمها لغة الالة ” language machine ” واللي هي عبارة عن “صفر /واحد” وبالتالي بنكون بحاجة لوسيط يحول لغة البرمجة لـ لغة الألة ..
الوسيط ده بقى اما ” compiler ” في حالة لغات برمجة زي (++)C,Cواللي هي ليلة كده مش لذيذة وبتحتاج تنزلها برامج تانية علشان تشغل الكود بتاعك
او المترجم “interpreted” في حالة البايثون وبالتالي كل اللي بتحتاجه هنا حاجة اسمها ” IDE ” بتنزلها
تكتب كود البرنامج وتضغط ” run ” الكود اشتغل ،غير ان النقطة دي بتدي البايثون ميزة جامدة اوي انه ” cross platform” يعني انت بتكتب كودك ويشتغل على أي نظام (win/mac/linux)
3- نيجي بقى لأكتر حاجة بحبها في البايثون “Readability”
سهل جدا انك تقرأ كود مكتوب بالبايثون وتفهم هو بيعمل ايه حتى لو ما تعرفش حاجة عن البرمجة لانك هتلاقي معظم اوامر
اللغة هي كلمات الانجليزي العادية من غير الكلاكيع اللي بتلاقيها في اللغات التانية ^_^؛ مثال عايز تكتب “وادي المشمش”
على الشاشة الأمراللي تكتبه (“وادي المشمش ” )print
4- لو عايزني اوصفلك البايثون بكلمة “^_^ ” It’s just fun
تعرف ان ” جويدو فان ُ رزوم ” المبرمج الهولندي اللي عمل البايثون سماها على اسم فرقة مسرحية كوميدية مشهورة جدا في بريطانيا اسمها ” مونتي بايثون ” بجانب ان الرجل ده والمسئولين عن مؤسسة بايثون للبرمجة من ضمن أهدافهم المهمة ان البايثون تبقى سهلة وممتعة في الاستخدام . وده اتثبت من خلال مقارنة اتعملت بين لغات البرمجة زي ( ,Python, Java, C ) فكتبوا كود برنامج واحد باستخدام اللغات دي كلها و لاقوا ان البايثون بياخد “وقت اقل ،عدد سطور اقل ، قواعد أقل محتاج تتعلمها علشان توصل للهدف المطلوب من البرنامج”
لو كل الرغي ده شجعك تتعلم بايثون ^_^ يبقى خليك في الكورسين دول اللي حلو فيهم انهم ببلاش 😉 و مش محتاجين يكون عندك أي معرفة بالبرمجة لانه بيشرحلك قواعد البرمجة وهو بيعلمك البايثون يعني بيضربلك عصفورين بحجر ^_^:
1- كورس ” Introduction to Computer Science and Programming Using Python” و اللى بيقدمة معهد
ماشينتوس للتقنية (MIT) الكورس بدأ يوم 11 يناير وهيستمر لمدة 9اسابيع بمعدل 15ساعة الأسبوع
بجانب انك هتلاقيك بتخلص فيديو من هنا و quizداخل عليك من هنا وده بيخلي استيعابك للمعلومة اكتر غير انه بيعلمك
أساسيات في (computer science) واللي بتكون حاجة كويسة لطلبة هندسة وحاسبات وده لينك الكورس:
https://www.edx.org/course/introduction-computer-science-mitx-6-00-1x-9
2- كورس ” Programming for Everybody (Getting Started with Python” و اللى بتقدمه جامعة ميشيغان واللي بدأ يوم 9 يناير وهيستمر لمدة 11 أسبوع بمعدل 4-2 اسبوعياً
اكتر حاجة عجبتني في الكورس ان الدكتور”تشارلز”اللي بيدي الكورس دمه خفيف وبيحاول يفهمك البرمجة بأسلوب بسيط وسهل وده بيشجعك تكمل ،وده لينك
الكورس :
https://www.coursera.org/learn/python
ايضاً لا تفوت قراءة هذا المقال و الذي يعد دليل شامل عن تعلم البرمجة
و الاجابة النموئجية لسؤال “أريد تعلم البرمجة لكنني لا أعرف من أين أبدأ!”
شكرا جدا ع مجهودك ونتمني المزيد
شكرا جزيلا لك مقالك ممتع و مفيد و أعطيتينا الخطوة الأولى للتعلم، أعتقد إني ببدا بالكورسين تمني لي التوفيق ^^.