كمل تعليم فى الجامعة رقم #1 على مستوي العالم ‏مجاناً

4 7٬668

يا تري تعرف ترتيب جامعتك على مستوي العالم كام ؟ ^_^
فى حالة انك فى جامعة مصرية فمنصحكش تشغل بالك ^_^ لأنك لو حتي فى الجامعة الامريكية فـ ترتيبك هو ( 345 ) ع العالم .. علطول يجي بعدها جامعة القاهرة خارج ترتيب أفضل 500 جامعة اصلاً 🙂 فى المركز ( 522 ) !!!

لكن ممكن تشغل بالك بأنك تطور من نفسك و تكمل تعليم من الجامعة رقم#1 على مستوي العالم MIT ^_^
( Massachusetts Institute of Technology )

و قبل ما أسئلة كتير تشغل بالك .. فـ حضرتك ممكن تكمل تعليم فى ال MIT ( ‫#‏مجاناً ) و اياً كان تخصصك ^_^

لأ بقولك اية انا مش فاهم حاجة ازاى جامعة فى امريكا و ازاى مجاناً ؟!

طب اية رأيك ان الجامعة هي اللى هتجيلك لحد عندك مش انت اللى هتسافر , معهد ماساتشوستس للتقنية الامريكي .. اقتنع يا صديقي ان العلم مش محصور على الطلبة اللى جوة حرم جامعتهم بس ! و قرر يقدم نفس الكورسات بنفس الدكاترة اللى بتتشرح .. لحضرتك و انت قاعد فى مكانك
1

كل اللى عليك انك تحدد التخصص بتاعك من هنا : http://ocw.mit.edu/courses/find-by-topic

و خدمة MIT OpenCourseWare من معهد Massachusett هتعرضلك كل الكورسات بتدرس عندهم لحد اللخظة دي
بأجمالى 2260 كورس في اكتر من 11 تخصص أساسي .. و اكتر من 160 تخصص فرعي ^_^ مجاناً
2
طيب بفرض انك عاوز تدرس حاجة بشكل أكاديمي و مواعيد و فى الآخر يبقي معاك شهادة معتمدة من MIT .. فى الحالة دي هتبدأ عن طريق (MITx ) ودي تعاون ما بين (MIT ) و منصة (edx )

https://www.edx.org/school/mitx

المهم نبقي متفقين انك مش شرط تدرس حاجة ليها علاقة بمجال دراستك او مجموع الثانوية العامة .. #‏الجامعة_مش_كفاية‬ ^_^

4 تعليقات
  1. احمد حلمي يقول

    طيب وبالنسبة للشهادات حضرتك هل في شهادات ولو في مجانا برضو ولا ايه واخر حاجة هناخد الشهادة ازاي

  2. حسن يقول

    ممتاز …. و لكن ما ينقص هو العمل التطبيقي-الميداني- كالمخابر و الأدوات مثلاا فيكون تعلمك محصورا في الجانب النظري فقط .

  3. طارق محمد يقول

    لا حلو ممتاز

  4. Hossam يقول

    مش فاهم حاجه والحمدلله

رد على Hossam
إلغاء الرد

لن يتم نشر عنوان بريدك الإلكتروني.