معاً نصنع المُستقبل

افضل 9 مصادر تعليمية لمطوري الويب

0 146

تطوير الويب من المجالات اللي محتاجة ان يكون اللي شغال فيها  عنده معرفة بمهارات كتير زي البرمجة
وتصميم المواقع وتجربة المستخدم ” “UXوغيرها ، وعلشان كده بيكون في استثمار كبير للوقت للشغالين في المجال ده انهم
يحطوا ايدهم على مصادر بتوفر نصايح وبرامج مفيدة وموارد تعليمية للمهارات دي

عشان كده فى حالة انكم مهتمين بتطوير الويب و بدل ما تلفوا كتير دي مجموعة من اهم المواقع هتختصر عليكم الوقت لما تحتاجوا تدوروا على معلومة معينة :
SitePoint -1
الموقع ده مصدر كبير للمعلومات لكل من مطوري الويب والمصممين ، الموقع بيقدم اقسام مختلفة فيها ابحاث
ومقالات ودروس في الويب ديزاين بجانب شوية نصايح في ، CSS, HTMLوهتلاقي كمان شوية كورسات سواء مجانا او
مدفوعة التمن ومجتمع من المطورين الللي تقدر تستفيد من خبراتهم https://www.sitepoint.com

DZone -2
الموقع ده يعتبر كمنتدى لمطوري الويب وبتوع IT بيشاركوا فيه الروابط المهمة ، بجانب انك هتلقى برده دروس ونصايح
غير البحوث واخر الاخبار في مجال التطوير https://dzone.com

CSS Tricks -3
الموقع باين من عنوانه ، يعتبر مستودع كبير من الحيل العملية والنصايح للمطورين والمصممين ، بجانب انها بتوفر كمية
ضخمة من دروس CSS المفيدة واجزاء من اكواد جاهزة ممكن تستخدمها علطول ، بجانب ان معظم بوستاتهم بتكون استجابة
لاحدث الترندات في بناء المواقع https://css-tricks.com

Tuts+ -4
لو انت مبتدا في البرمجة هتلاقي في الموقع ده دروس صغيرة تتعلم منها في وقت قليل ، بجانب انها بتعلمك ازاي تبتدي
تشتغل في مجالات مختلفة منها تصميم وتطوير الويب https://tutsplus.com

Scotch -5
موقع بينمو بسرعة وبيقدم مجموعة كبيرة من الدروس اللي بتمشي معاك خطوة بخطوة بجانب المقالات المفيدة ونصايح وخدع
البرمجة ، الموقع ممكن يكون مصدر لا نهائي للالهام ^_^ اللي شغالين ب JavaScriptو Bootstrapو nodeوغيرها
من الادوات الحديثة https://scotch.io

Code Project -6
الموقع ده مشهور بمقالاته الموجهة للمطورين وبيكتبها مطورين ، هو عامل كده زي مجتمع ممكن تسال فيه سؤال سريع
وتلاقي اجابة ليه https://www.codeproject.com

بالنسبة للي 3مصادر اللي جاين هتلاقي اي مطور لازم يكون عدى عليهم ، لانهم يعتبروا بمثابة جزيرة الكنز للمطورين
اللي عايزين يحسنوا مهاراتهم ويتلقوا المجتمعات اللي بتشترك معاهم في نفس الشغف :

GitHub -7
الموقع ده يعتبر اكبر مجتمع لمطوري الويب والتطبيقات اللي بيساعدهم على رفع مستواهم ، بجانب انك هتلاقي عليه طن من
الاكواد البرمجية الجاهزة اللي ممكن تستخدمها علطول كنقطة انطلاق لمشاريع التطوير بتاعتك /https://github.com

W3Schools -8
الموقع مصدر رئيسي للبحث عن معظم المعاير standardsبتاعت الويب ، بجانب توفيرها لاحدث وافضل المصادر لتعلم
وبناء المواقعHTML, CSS, XML, JavaScript اساسيات  http://www.w3schools.com
Stack Overflow -9
الموقع عبارة عن مجتمع من مطوري الويب والمبرمجين وهواة تصميم مواقع الويب اللي موجدين علشان يساعدوا بعضهم في
اي مشاكل ممكن تقابلهم في عملية بناء الموقع ، كل اللي بتعمله انك بتكتب سؤالك وتبدا تدور على الاجابة جوا المجتمع ،
بجانب انك هتلاقي ركن خاص بالوظايف ممكن تتلقى عليه شغلانة ^_^ https://stackoverflow.com

تعليقات
Loading...