معاً نصنع المُستقبل

مدخل الى ” انترنت الأشياء ” The Internet of Things

تخيل ان التلاجة و الغسالة بيدخلوا ع الانترنت ^_^ طيب اية رأيك لو الـ هدوم و shoes اللى بتلبسهم ممكن يدخلوا ع النت ^_^ اقولك 🙂 .. اية رأيك لو نوصل الحيوانات بالانترنت ؟!
حاول متتخيلش ^_^ .. لان دي حقيقة اسمها “The Internet of Things ” او ” انترنت الاشياء ”
الهدف منه ان كل حاجة ” بمعني الكلمة .. كل حاجة ” تقدر توصلها بالانترنت بحيث تستقبل و ترسل بيانات .. بهدف تحسين أدائها وكفائتها .. او سهولة استخدامها , و بالفعل جزء من تطبيقاتها بقي منتشر بشكل كبير فى حياتنا زي التليفزيونات .. و الساعات الذكية .

طيب اية لزمة توصيل الانترنت بالتلاجة ؟

و أنت في الطريق مروح البيت .. تفتح ال App الخاص بالتلاجة و تتأكد فى بيض كفاية و لا لأ فيها .. و البيض قرب يبوظ و لا لسه ^_^ عشان متروحش و يبعتوك تجيب طلبات

طيب اية لزمة توصيل الانترنت بالحيوانات ؟

على سبيل المثال الكثير من مزارع الأبقار بدأت توصل أجساد الأبقار إلى الإنترنت لمراقبة وضعها الصحي و خصوبتها و نسبة بعض الهرمونات في جسدها و التي “تدل على أفضل وقت لحلبها مما يساهم في إتخاذ قرارات دقيقة لتحسين عملية الإنتاج ” ! ^_^

طب و ال Shoes ؟!

قالك ممكن لو انت شخص رياضي تستغله فى تقييم و تطوير ادائك .. و لو انت أب تقدر تعرف تحركات اولادك و راح امتي و جة امتي ؟
__

و عدد لانهائي من التطبيقات و الأفكار .. اللي اصبح ” انترنت الاشياء ” IOT بسببها ” الثورة الصناعية الرابعة ”
و حسب معدلات النمو .. مؤسسة gartner توقعت وصول عدد الأشياء المتصلة بالإنترنت لـ 35 مليار جهاز !! في عام 2020
__

لو استوعبت الكلام اللى فات دة كله هتعرف ان العالم الفترة الجاية مش هيدور على واحد معاه ICDL ! او بيعرف يـسرش ع النت !
و هتعرف انك لازم تبدأ تعرف اكتر عن ” انترنت الاشياء ” اياً كان مجالك اية ^_^
دة كورس #مجاني تقدر تبدأ فيه أونلاين من جامعة King’s College
البريطانية :

https://www.futurelearn.com/courses/internet-of-things

الكورس مدتة 4 أسابيع .. و مش هتحتاج اكتر من ساعتين فى الاسبوع #ملكش_حجة
هيعرفك أكتر بطريقة عمل الـ Internet of Things
و ازاى ممكن تبدأ فى تطوير تطبيقات جديدة لية #الجامعة_مش_كفاية #واكب

مؤسس وادي المشمش .. طالب بعد الضهر .. ريادي أعمال .. مُحرض على ترك الوظيفة و الدخل الثابت و البدء فى المشاريع الخاصة ..

تواصل معي : http://www.facebook.com/nagy.kid

10

التعليقات على مدخل الى ” انترنت الأشياء ” The Internet of Things

  • المواعيد امتى وأيام ايه وال ساعه كام وهاعرف ازاى

    ahmedeltaweel نوفمبر 20, 2015 3:30 م رد
  • مواعيد الكورس امتى وازاى نشترك؟ !

    laila فبراير 20, 2016 8:21 م رد

أضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
Loading...