بنسمع كتير عن ال web developers ( مطورين المواقع ) وقد ايه مطلوبين .. خاصة ك مستقلين على منصات ال Freelancing

وبما انه مجال مفتوح مش مرتبط بتخصص او كلية معينة بجانب انه مش محتاج غير كمبيوتر ونت ودماغ “الحمد لله التلاتة متوفرين^_^ ” في ناس كتير بتفكر تبدأ فيه اما كأفراد أو شركات على مستوى صغير وفي الحمد لله اللي بيكمل وينجح .. و في اللي بيكون فاكر ان هيتعلمله لغة برمجة وبعدين هيعمل مواقع “جامدة أوي ” و أول ما يبتدي يتلقى الدنيا مش وردي زي ماكان متصور فيحس بالاحباط وما يكملش
فاحنا هنحاول نوضح الصورة شوية علشان اللي حابب يشتغل في الموضوع يعرف الدنيا ماشية ازاي وايه اللي مفروض يتعلمه فما ينصدمش بعد كده ^_^

– يعني ايه مطور مواقع و اية هي مجالات شغله؟
المطور هو مبرمج بيعمل برامج وتطبيقات للشبكة العنكبوتية (WWW)بيكون قادر على انه يبني الموقع من العدم ويوصل بيه للشكل اللي بيحقق متطلبات العميل او الزبون اللي بيزور الموقع .
وعملية تطويرالمواقع ( web development ) بتتقسم ل 3مراحل  :
1-البرمجة من جهة العميل ( Client-side scripting ) : الكود اللي بيتنفذ على متصفح الويب (كروم ، فيرفوكس) وبيحدد ايه اللي الناس هتشوفه لما تدخل على الموقع بتاعك .وبنسميه “”front end
2-البرمجة من جهة الخادم ( Server-side scripting ) : الكود بيتنفذ على خادم الويب وبيحدد الموقع هيشتغل ازاي ؛ زي كده اللي بيحرك العرايس في مسرح العريس بيشتغل من ورا الكواليس لكنه بيتحكم في كل حاجة.””Back end
3-تكنولوجيا قواعد البيانات ( Database technology ) : علشان موقعك يشتغل بسلاسة يبقى محتاج قاعدة بيانات يحفظ فيها الكود ، الملفات ، الصور وباقي البيانات اللي ممكن يحتاجها.
 
على حسب انت هتشتغل في أي مرحلة هتحدد ايه اللغات اللي هتحتاج تتعلمها :
– (Client-side) : هنشرح شوية اللغات فيها بتعمل ايه لأن دي أول حاجة المبتدأ في المجال ممكن يدخل فيها والحلو انه مش بيكون محتاج انه يتربط بخادم علشان يشوف نتيجة شغله
1- لغة ” : “HTMLاول لغة بتبدي بيها وبتحط أساسات الموقع بتاعك ومحتوياته “ممكن نعتبره : مهندس مدني ” والاصدار المستخدم حاليا هو”HTML 5″
2- لغة ” CSS ” : عايز تخلي شكل الموقع لطيف وتظبط styleبتاعه “مهندس الديكور”
3- لغة ” JavaScript ” : عايز بقى تحط زراير في موقعك تقوم بمهمة معينة لما يضغط عليها او تعمل لعبة فلاش
يعني بتعمل حاجة بيتفاعل معاها المستخدم “مهندس ميكانيكا ”
4- وممكن طبعا تريح دماغك وبدل ما تبني الموقع من العدم تجيب حاجة جاهزة وتبدأ تظبطها زي ما انت عايز ومثال
على ده ” “WordPressعن طريق انها بتقدملك قوالب جاهزة اما مجانية او مدفوعة الثمن تاخدها وتعدل فيها
لغاية ما تعمل شكل الموقع اللي انت عايزه
بالنسبة للمرحلتين الباقين دي بعض اللغات المطلوبة فيها :
-(Ruby”،”python” ،”PHP” ، ” ASP.NET” : (Server-side”
– (Database): بقى هتحتاج حاجة تدير بيها بياناتك زي “”Apache” ، “MySQL” ، “Oracle
نيجي بقى للمصادر اللي ممكن تبتدي بيها علشان تدخل و تتعلم الليلة دي؟

 
1- لو عايز كورسات .. فـ أرشحلك كورس “The Complete Web Developer Course” على Udemy
بعيدا عن ان الكورس من اكتر الكورسات اللي محققة مبيعات وريتنج بجانب ” ” 843311 طالب مشتركين في الكورس
انا اللي عجبني فيه المنهج بتاعه انه ماشي معاك باللغات اللي ممكن تحتاجها في المراحل التلاته يعني كده من (الالف لغاية الـ ي)
بجانب انه بيديك مهارة عن طريق المشاريع اللي بتشتغالها بايدك وبيستضيف موقعك مجانا لمدة سنة فبيسهل عليك تشتغل في
تاني مرحلتين . الكورس حاليا عليه خصم 90% ( 15$ فقط بدل 200$ ) عن تجربة يستحقهم و زيادة

لينك الكورس :

https://www.udemy.com/the-complete-web-developer-course-2
2-اما لو نفسك تدخل على موقع تتعلم فيه أي لغة يبقى خليك في الموقع ده :
/http://www.w3schools.com

3-لو عايز تطبيقات تنزلها على موبايلك سواء (android,ios, winphone )و تتعلم عليها شوية من لغات البرمجة اللي فوق يبقى ادخل هنا : /http://mshmshvalley.com/sololearn
من الاخر #ملكش_حجة ^_^
ملاحظة:
1- خلي بالك كلامنا هنا عن web developerمش web designerاللي بيحتاج حاجات تانية زي فوتوشوب وغيرها
2- المصادر اللي فوق دي على سبيل المثال والتجربة مش الحصر وبالتالي اي مصدر شايف انه مفيد ونفعك ممكن تشاركنا بيه

طبعاً أغلبكم ميعرفش مين دول !! ^_^

لكن أغلبكم يعرف يحسب (450,000 × $59 ) = حوالى 26 مليون دولار ( يعني .. 450 مليون جنية مصري .. !!

اية دول بقي ؟! ..
هقـولـك ^_^ بس خلينا نحسب حسبة ابسط ( ,40049 × 59$ ) = حوالى 3 مليون دولار ( 50 مليون جنية مصري )

بالترتيب دي مبيعات محمد حارس من باكستان على ايديك اليمين .. و فؤاد بدوي من مصر على ايديك الشمال .. من Themes الوردبريس اللي بيطوروها

رقم 59$ دة متوسط تمن ال Theme و الرقم اللى بنضرب فية دة عدد مرات البيع طبعاً بيتخصم من المبلغ دة نسبة موقع Envato و اللى بتوصل ل 40%

بدأنا الكلام المكلكع ! -_-

بداية Themes : نقصد بيها فى كلامنا ( شكل و الوان و طريقة عرض اي موقع ” Website ” بتستخدمة و ليكن : فتكات – يلا كورة – … )

ال WordPress : دة اشهر نظام ادارة محتوي بتستخدمة 21% من مواقع الانترنت كلها .. و نقصد بنظام ادارة محتوي .. من اسمه كده البرنامج اللى بتستخدمة من غير ما يكون عندك اى فكرة عن البرمجة او التصميم عشان تصمم تدير موقعك بسهولة
و النسبة دي فى ازدياد بشكل يومي خاصة و ان كل “دقيقة ” بيتم انشاء 570 موقع جديد ” أيون بالظبط كده .. كل دقيقة ” ^_^

طيب ما الموضوع سهل اهه ^_^ و مش محتاج معرفة بالبرمجة او التصميم عشان استخدم WordPress او أدير موقعي ؟؟

انت صح .. ^_^ لكن الموضوع عشان يبقي بالسهولة دي .. فى ناس فى الكواليس و تحديداً الـ Web Developers
( زي محمد حارس .. و فؤاد بدوي ) و اللي دخلهم بيمثل 70% من اجمالى المدفوع عشان اى موقع يظهر للنور و يبقي اونلاين
يكفي انك تعرف ان حجم ال Industry الخاصة بتصميم المواقع و تطويرها ” مش حجم التجارة عليها او ارباحها ^_^ تصميمها و تطويرها بس ” فى امريكا ” مش العالم كله ” كانت 25 مليار دولار فى 2016 !! ( 400 مليار جنية مصري )..
عشان كده فى حالة انك مهتم ب تصميم المواقع و بأنك تبقي Web Developer.. أستأذنك تركز جداً

لكن فى البداية خلينا متفقين ان فؤاد و محمد محققوش دة بين يوم و ليلة و انه نتيجة تعب و تعلم على مدار سنين كتير … و عشان توصل لنفس المستوي انت قدامك حل من اتنين !

– يا تبدأ من الصفر و تستهلك وقت و مجهود
– او .. تستفيد من خبرات اللى بدأوا و تتعلم منهم .. و تبدأ تنفذ و تطبق و تشتغل و تحقق ارباح $$ اثناء ما انت بتطور من مستواك .. و تقلل الوقت و المجهود الضايعين بدون مقابل
خلينا نركز ع الحل التاني :
فى البداية أنت محتاج تكون مُلم بالمواضيع دي :
HTML, JS, CSS, PHP, MySQL, Bootstrap, WordPress

و اللى بيغطيها الكورس دة The Complete Web Developer Course 2.0
من الصفر للاحتراف من خلال شرح نظري و بعدين تطبيق عملى هتصمم فية 25 موقع بأيدك

الكورس ده اتدرب من خلالة اكتر من : 183,483 طالب ( 183 الف واحد ) .. الكورس تقييمة 4.6 من 5 .. و متصنف كواحد من أفضل 3 كورسات على Udemy

سيبك انت يكفي اللي بيشرحة : Rob Percival خريج جامعة Cambridge ^_^

الكورس متقسم على 306 فيديو .. بأجمالى 31 ساعة .. كفيلين انهم يحولوك من مبتدأ ل محترف بمعني الكلمة

و كالعادة الأزمة هتكون تمن الكورس : 199$ ( حوالى 3600 جنية مصري ) فعلياً يستاهل .. لكن هيفضل عقبة بالنسبة لأغلبنا

لكن فى Discount Code هيوفرلك خصم 90% .. ( الكورس هيبقي ب 10$ = حوالي 180 جنية مصري ) .. ارخص و افضل من اى كورس Web Development فيكي يا مصر #ملكش_حجة

الكورس بعد الخصم تقدر توصلة من هنا :
https://mshmshvalley.com/complete-web-developer-course-90off

كمان بمجرد شرائك الكورس هستسفاد ب Web hosting هدية ^_^ .. هتعرف يعني اية لما تبدأ الكورس ” تمنها الاصلي 200$ .. و طبعاً حضرتك هتستفاد منها ببلاش
_______

الخطوة الجاية انك تتخصص فى تصميم Themes لل WordPress ..

النقطة دي بيغطيها كورس Brad Hussey بدون منافس ^_^
الكورس عبارة عن 12 ساعة .. بيقدمة Brad Hussey ال Web developer العبقري .. و اللى بيميزة اسلوبة البسيط و كمية الحماس اللى بتشع منه و هو بيشرح .. الكورس لية Subtitles هتستهل عليك المتابعة و الفهم ” عشان متتحججش بال English ”

و كالعادة ” كلاكيت تاني مرة ” الأزمة هتكون تمن الكورس : 180$ ( حوالى 3600 جنية مصري ) فعلياً يستاهل .. لكن هيفضل عقبة بالنسبة لأغلبنا
لكن فى Discount Code هيوفرلك خصم 94% .. ( الكورس هيبقي ب 10$ = حوالي 180 جنية مصري ) ..

الكورس بعد الخصم تقدر توصلة من هنا :
https://mshmshvalley.com/bootstrap-to-wordpress-90-off

حاولوا تستغلوا الفرصة .. الكورسات هيرجع لتمنة الطبيعي كمان 5 أيام .. لو ممعكش Visa او MasterCard من اى بنك .. اتصرف من اى حد حوليك ..” و لا عزاء للي هيكسلوا ”

للتوضيح : بمجرد ما تاخد الكورس فهو متاح ليك مدي الحياة و فى اى وقت .. و تقدر تقسمه اجزاء و مراحل زي ما انت عاوز عشان تستفيد بأقصي درجة ..