مسألتش نفسك ليه ممكن تعقد قدام لعبة بالساعات ؟ ولو كملت ساعة على بعضها قدام كتاب تحس انك بقيت اينشتين  ^_^

وليه أطفالنا علشان تفهمهم مسألة رياضة ممكن تقعد تشرحلهم لحد ما يجيلك الضغط ؟ ونفس الطفل لو سبته يلعب لعبتك المفضلة ممكن تلاقيه بعد شوية بقى حريف عنك فيها ^_^
عارف ليه لأن الألعاب بتجذبنا وتحفزنا ان احنا نكملها أكتر من اننا نذاكر او نشتغل ولأن عقلك بيميل أكتر انه يستوعب المعلومة اللي بيستمتع بيها ويبدأ مخك يفرز أحد هرمونات السعادة وهو “الدوبامين”
ومن هنا بدأت فكرة الـ ” gamification ”  او .. مزج التعليم ،العمل ، الرياضة او “اي حاجة بتستتقل انك تعملها” مع الألعاب
عن طريق انه ياخد الحاجات اللي بتشجعك على اللعب زي “النقط االي بتاخدها في اللعبة ،المهمات اللي لازم تخلصهاعلشان تنتقل لمرحلة تانية ، انك تتحدى أصحابك .. ” ويدخلها في أي مجال تاني فيخلي المجالات دي ممتعة ويحفزك أكتر انك تكمل
فيها ويزود انتاجيتك
الفكرة دي اللي بدأها مبرمج بريطاني اسمه نيك بيلينج سنة  2002ولكن المصطلح متعرفش عالميا الا فى 2010 .. ومع ذلك متوقع ان السوق بتاعه هيوصل ل”  11.1 مليار دولار” سنة  2020.. ممكن تتفرج على الفيديو ده هتشوف ليه ادخال التسلية في اي حاجة بيشجعك تعملها :

 
وبدأت بعض الشركات تستخدم الموضوع ده علشان تحمس الموظفين في الشغل وتخلق بينهم جو من التنافس او انها تعمل
تسويق لمنتجاتها زي شركة Nikeمن خلال جهاز Nike Plus Accelerometer
و اللي بتضيفه لحذائك فيوصلك بنظام “التلعيب” الخاص بNike ، واللي يحفزك لممارسة الرياضة عن طريق تحقيقك لإنجازات والحصول على كؤوس وأوسمة
مكافئة لك، والجري بشكل أكبرو طبعا “هتشتري أحذية أكتر ” وممكن دي أحد سلبيات التلعيب انه هيكون احد اكتر وسائل التسويق تأثير في الفترة الجاية وبالتالي هيخليك تشتري حاجات مش محتاجها علشان تكسب نقط او تاخد كاس  ^_^
اما بالنسبة لمجال التعليم فالفكرة دخلت بقوة وخاصة عن طريق التطبيقات أمثلة على كده :
1- تعلم اللغات .. تطبيق “دوولينجو ” و اللي بلغت عدد تحميلاته 50مليون على جوجل بلاي  :

https://play.google.com/store/apps/details?id=com.duolingo&hl=ar

2- تعلم البرمجة .. “sololearn “عملت وده الي كلمنا عنه قبل كده في المقال ده:

/http://mshmshvalley.com/sololearn
3- بعض المدارس اللي بدأت تستخدم تطبيق زي  classDojoوعن طريقه المدرس بيدي الطلبة بتوعه نقط وجوايزعلى سلوكهم داخل الفصل بجانب ان أولياء الأمور ممكن يدخلوا ويشوفوا مستويات أولادهم وده لينكه:
https://play.google.com/store/apps/details?id=com.classdojo.android&hl=ar

4- أكاديمية خان اللي جمعت بين الأسلوب الممتع في تقديم المعلومة والتلعيب في تحفيز الطلبة على انهاء دروسهم والي تأثرت بيها ” أكاديمية التحرير ”

ده موقعهم : http://tahriracademy.org
بجانب التطبيقات اللي بتحفزك انك تداوم على عادة كويسة او تتخلى عن عادة تعباك او تساعدك على التركيز ومثال على كده

تطبيق  Forest: Stay focusedواللي بتساعدك انك تقلل ادمانك للموبايل وتركز اهتمامك على حاجة تانية
https://play.google.com/store/apps/details?id=cc.forestapp&hl=ar
الموضوع دخل دماغك وعايز تعرف عنه أكتر وازاي تستخدمه .. يبقي لازم تستغل الكورس ده على كورسيرا واللي بدأ يوم 2 يناير :
https://www.coursera.org/learn/gamification

اللعبكة اللي فى حياتك بشكل عام و خاصة فى التعليم و الشغل حلها ” اللعبنة ” !! ايوة اللعبنة او الـ Gamification يا صديقي ^_^
و اللى الهدف منه دمج فكر و تصميم الالعاب فى حياتك العملية و العلمية ؟

لية .. وازاى ؟

خلينا نبدأ بـ ” لية ” ؟ لأن دي الحقيقة ^_^ اغلبنا عندة القدرة يقعد قدام لعبة Game بالـ 10 ساعات من غير ما يزهق .. و الأهم انك ممكن تقعد ال 10 ساعات دول عشان تعدي Level او تجيب score اعلي من اللي جبتة ال 10 ساعات اللى فاتوا ^_^ حالة الادمان و التحدي دي .. ياتري بتحسها تجاة شغلك او مذاكرتك ؟! طب باقي مهماتك اليومية فى الحياة ؟
مظنش ! ^_^
عشان كده جة واحد اسمه Nick Pelling و حط مصطلح ال Gamification لاول مرة سنة 2003 و بدأ يتكلم عنه .. لكن تقدر تقول ان مش كتير اللى اهتموا بكلامة و لا اقتنعوا بية ! و بداية من 2010 بدأت الشركات و المؤسسات تدي اهتمام اكبر لل Gamification و من وقتها بقت اى حاجة ناجحة ال Gamification جزء من نظام ادارتها .

نيجي لـ ” ازاى ” ؟
الـ Gamification بيقوم على اضافة بُعد التسلية و التشجيع لأي مهمة مطلوبة منك ..
عن طريق عناصر زي الحصول على النقاط و الأوسمة .. الترقي لمستويات Levels جديدة.. الهدايا و المسابقات.
و دي استراتيجية بسيطة لإشراك الناس من خلال تحفيز تفكيرهم و إثارة فضولهم .. أو رغبتهم في المنافسة .. لإبقائهم منشغلين بالعمل المطلوب كما تجعلهم أكثر إنتماءاً و ارتباطاً بالنشاط المقدم.

طبعاً الـ Gamification لية قواعد و نظريات مختلفة .. من افضل اللى اتكلموا عنها هو (Kevin Werbach ) صاحب كتاب (How Game Thinking Can Revolutionize Your Business ) و اللى هيبدأ فى كورس عن ال Gamification على موقع coursera

الكورس : https://www.coursera.org/learn/gamification

الكورس مجاني .. و اللى حجتهم ال English فـ الكورس لية (Subtitles) يعني هتسمع و تقرا اللى مفهمتوش عشان تترجمة ..
كمان ممكن تاخد شهادة معتمدة من جامعة Pennsylvania الامريكية بحصولك على الكورس دة بحوالي 70 $ .. و ممكن تاخدها ببلاش بردو #ملكش_حجة #الجامعة_مش_كفاية .. بالطريقة دي :
http://mshmshvalley.com/%d8%a3%d8%ad%d8%b5%d9%84-%d8%b9%d9%84%d9%89-%d8%b4%d9%87%d8%a7%d8%af%d8%a7%d8%aa-%d9%85%d8%b9%d8%aa%d9%85%d8%af%d8%a9-%d9%85%d9%86-%d8%a7%d9%81%d8%b6%d9%84-%d8%ac%d8%a7%d9%85%d8%b9%d8%a7%d8%aa-%d8%a7/