الكلام اللى جاي كأرقام و احصائيات هيدهشك .. لكن صراحة الهدف منه اكبر من كده بكتير .. ف حاول تركز جداً ^_^

ياتري تعرف ان عدد التطبيقات على Google Play وصل ل 1.8.00.000 “مليون و 800 الف تطبيق” فى نوفمبر 2015 .. مقارنة ب 16.000 تطبيق بس فى نوفمبر 2010 !!! الاهم ان متوقع فى 2016 تضاعف العدد دة .. و ان تاني اعلى معدلات نمو هى الشرق الاوسط و شمال افريقيا و بالأخص ” مصر ” ^_^

طب تعرف ان ارباح ناشرين التطبيقات دي فى 2015 هي 6 مليار دولار ( حوالى 48 مليار جنية مصري ) !! الأهم ان الارباح دي متوقع توصل ل 7.6 مليار دولار فى 2016 .. و فى 2018 ل 12 مليار دولار .

الكلام مش هيدهشك لو انت من الناس اللى واخدة بالها من انتشار استخدام ال android و كمية الموبايلات و التابلت اللى بقت فى كل بيت .. بجانب عشرات ال apps اللي على موبايل كل واحد منهم Uber ,instagram ,retrica , whatsapp ( فاكر whatsapp اتباع بكام ؟ دور كده لو مش عارف )

اللي ممكن متكنش واخد بالك منه ان ال android و تصميم تطبيقات لية هو المستقبل ^_^
.. و ممكن تكون واخد بالك لكن معتقد ان تصميم تطبيقات للاندرويد .. محتاج شركات عملاقة .. او صعب تتعلمة .. و للآسف الاعتقاد دة غلط 100% .. لكن منطقي لأن للآسف مشفناش كورس بيتعمل يغطي النقطة دي كاملة .. و الاسعار مبالغ فيها 2000 و 3000 جنية و ارقام غريبة !!

طيب بما ان المنطقي اننا نكون جزء من المستقبل دة و اننا نستشغل الفرص دي فلازم يكون فى حل !
بعد شوية تدوير و تجارب .. لقينا الكورس دة : The Complete Android Developer Course – Build 14 Apps

الكورس ده اتدرب من خلالة اكتر من : 322289 طالب .. بيبدأ معاك من الصفر لحد ما يوصل بيك انك تصمم تطبيقات بنفسك زي Uber و Instagram و 12 مثال تانيين بشكل عملي مش.. و من الصفر
عشان تطبق النظري اللى اتشرح

سيبك انت يكفي اللي بيشرحة : Rob Percival خريج جامعة كامبريدج Cambridge البريطانية ( الراجل دة اتعلم على ايدة اكتر من 355.000 .. 355 الف بني آدم على Udemy )

الكورس متقسم على 228 فيديو .. بأجمالى 32 ساعة .. كفيلين انهم يحولوك من مبتدأ ل محترف بمعني الكلمة
و كالعادة الأزمة هتكون تمن الكورس : 199$ ( حوالى 1600 جنية مصري ) فعلياً يستاهل أضعاف تمنه.. لكن هيفضل عقبة بالنسبة لأغلبنا !!

لكن فى Discount Code هيعملك خصم %92 ( الكورس هيبقي ب 15$ = حوالي 110 جنية مصري ) .. ارخص و اكبر و افضل من اى كورس android Development في مصر فعلياً ..#ملكش_حجة .. و كمان فى شهادة بعد ما تخلص ^_^

الكورس : http://goo.gl/wU5nDG

حاولوا تستغلوا الفرصة .. الكورس هيرجع لتمنة الطبيعي كمان 6 أيام ..

طيب فى حالة انك ممعكش visa او master card .. ؟
– فحاول تتصرف من اى حد حوليك .. هتلاقي كتير جداً حوليك ( اي فيزا او ماستر كارد من اى بنك تقدر تستخدمها
– او ممكن تروح اى فرع لبنك CIB .. و من غير ما تفتح حساب و بدون اى اوراق او ضمانات .. هتطلع بطاقه ” ترافيل تشويز” ” فيزا انترنت ” بـ 30 جنيه مصري .. دي ماستر كارد .. كأنها محفظه تحط فيها اي مبلغ انت عاوزة حتى لو 100 جنية او اقل .. وتسحب منه وتدفع منه عالنت من غير رسوم .. .. هاتطلع في 10 دقايق وانت واقف وبصورة البطاقه بس !

للتوضيح :
– بمجرد ما تاخد الكورس فهو متاح ليك مدي الحياة و عدد لا نهائي من المرات اللى ممكن تذاكروا فيها .. و تقدر تقسمه اجزاء و مراحل زي ما انت عاوز عشان تستفيد بأقصي درجة

كمان :
– الكورس فية اكتر من 12 Quiz ” عشان تختبر نفسك .. و تشوف فهمت و لا لأ ” هتطلعلك النتيجة و الاجابات الصح لو فى غلطات متقلقش

– عمرك سألت نفسك و انت ماسك موبايلك او التابلت اللى شغال بـ #android اية كمية البرامج و الالعاب اللى موجودة على Play store دي .. و ياتري الناس اللى بيبرمجوا الحاجات دي و يتعبوا فيها بيستفادو اية ؟؟!!

طيب تعرف ان Facebook استحوذ على برنامج Whats app ايوة اللى انت حملتى من ال play store ده بـ 19 مليار دولار = ( 130 مليار جنية مصري .. ايوة 130,000,000,000 جنية ^_^ ”

طيب تعرف ان يومياً ان يومياً فى اكتر من 750,000 الف جهاز جديد بيتباعوا يومياً معتمدين على ال android

– انت عاوز تقول اية ؟؟

– انا عاوز اقولك ببساطة يا صديقى … انك قدام فرصة ممكن تخلق لنفسك بيها مليون فرصة ف سوق مفتوح زي ال android .. و ركز كده عشان انت تقدر تتعلم برمجة تطبيقات android فى 8 اسابيع #مجاناً من جامعة Maryland الامريكية و كمان تاخد شهادة معتمدة .. يعني من الآخر #ملكش_حجة

الدورة : https://class.coursera.org/android-001/lecture/preview

– اتعلمت برمجة android و بعدين ؟؟
دلوقتى انت تقدر تبرمج تطبيق و ترفعه على ال play store و لو قدرت تحقق نجاح .. ممكن تنزل نسخة مدفوعة منه زي ما بتشوف تطبيقات كتير ” تخيل 1$ × مليون تحميل = 1000,000 مليون دولار ” خلال سنة فى سوق كبير و مفتوح زي ده ..

الحل التانى انك تسب الابليكيشن مجاني .. وتعتمد انك تنزل اعلانات و دي مربحة جداً فى حالة ان تطبيقك لقي اقبال من المستخدمين .. ” تعرف ان لعبة flappy bird كانت بتحقق 14,000 الف دولار فى اليوم = بتاع 100,000 جنية يومياً بس !!

– طب افرض انى عملت لعبة و معجبتش حد ؟
اعمل واحدة تانية ^_^ اقولك اعمل واحدة تالتة يا سلام ! ^_^ هو مين فهمك ان النجاح بالساهل #كفاية_انتخة .. خدها قاعدة هتتعب ربنا هيكرمك و هتوصل ان شاء الله

الدورة المقدمة من جامعة ميريلاند عن طريق موقع Coursera مدتها 8 أسابيع بمعدل 3-6 ساعات كل أسبوع وهي بالطبع ستكون باللغة الإنجليزية مع إتاحة ترجمة إنجليزية أيضا .. عبارة عن محاضرات فيديو مسجلة مع تقديم الأكود البرمجية للعمل عليها وكذلك ستشمل إمتحانات و أمثله تطبيقيه خلال مراحل الدورة المختلفة .

تنبية : الدورة حالياً متاحة من غير شهادة اتعلم و أبدأ .. و لو احتجت الشهادة هتستني للفترة من 26 سبتمبر ل 21 نوفمبر ..

مش بس كده لو حاسس ان الانجليزي بتاعك بعافية تقدر تتعلم برمجة تصطبيقات اندرويد من موقع المبرمج عبدالله عيد :
http://www.abdullaheid.net/
باللغة العربية و أسلوب سهل للغاية و هو واحد من أفضل مواقع تعليم البرمجة باللغة العربية في الوقت الحالي.

كمان اشهر المبرمجين بينصحوا انك تتابع مركز التطوير الرسمي من شركة آندرويد والى تقدر تدخل علبه من هنا :
http://developer.android.com واللى هتلاقي عليى دروس تساعدك تفهم آلية عمل التطبيقات وكيفية بنائها.

بعد الدخول إلى الموقع،هتروح على Develop ومنها هتختار Training هتظهرلك سلسلة من الدروس الرسمية واللي بيتم تحديثها باستمرار لتواكب آخر نسخ آندرويد .