كتير بنحتاج كتب عادية , مراجع , كتب دراسية بس مش بنقدر نجيبهم يا إما علشان مش متوفرين أو سعرهم الضخم ( في مراجع سعرها بيوصل 15000 جنيه )

أنسب حل للموضوع دا هو library genesis واحدة من أكبر المكتبات علي الأنترنت ( حاليا عليها اكتر من 2,006,000 كتاب و اللي تقدر تنزل منها أي كتاب بشكل مجاني في أي مجال و سواء كان كتاب دراسي , مرجع او كتاب عادي

http://gen.lib.rus.ec

الموضوع كله أنك بتدخل علي الموقع و تكتب أسم الكتاب , هتظهرلك النتائج ( خد بالك الكتاب ممكن يكون بأكثر من صيغة زي pdf , epub و غيرها ) . بتختار الصيغة اللي تناسبك و تضغط علي عنوان الكتاب , هيظهرلك صفحة فيها صورة الكتاب لما تضغط عليها الكتاب هينزل

مميزات الموقع أنه مجاني تماما مفيش حتي فيه أي إعلانات , الكتب فيه لكل حاجة ( طب , هندسة , صيدلة , …. ) , تحضير إمتحانات زي التويفل و الأيلتس , كتب عادية للقراءة و غيره

كمان علشان تقدر تلاقي الكتاب بسهولة أكتر ادخل على موقع أمازون وابحث عن الكتاب وشوف نبذة عنه علشان تتأكد منه قبل ماتحمله ولو هو الكتاب يبقى تاخد اسمه Copy وPaste في الموقع اللي في البوست هاتلاقي نفس الكتاب مهما كان ثمنه على موقع أمازون

و للمصريين فـ ” احمد سامح ” فكرنا بمصدر رائع و مجاني ايضاً ” بنك المعرفة المصري ”

https://www.ekb.eg/ar

فى حالة انك غاوي قراءة و بتستمتع بـ الكتب الورق .. أكتر من ال Pdf ” بأعتبار ان اللي بيحب ال pdf هيعرف يقرا وسط قطع الكهربا ده كله ”
أكيد الميزانية معاك بتخرب أول ب أول ^_^ عشان كده لازم تركز فى البوست ده لانه فايتك كتير
تعرف ان ف مكتبة مصر العامة ” حكومية ^_^ ” تقدر تستعير منها اى كتاب طول السنة .. بأشتراك مره واحدة 32 جنية فى السنة (أقل من تمن كتاب واحد )
و لا تقلق ^_^ عندهم كل الكتب الجديدة و الروايات كمان .. و فى كتب متنوعة هتفيدك ” اسامي مجعلصة مكنتش تعرف عنها حاجة ”
للاشتراك مش هتحتاج اكتر من صورة بطاقة و 2 صورة شخصية ..
بالمناسبة عندهم wifi و مسموح تدخل باللاب توب معاك عادي .. لو حابب تقعد تقرا هناك مش تستعير بس ^_^
مواعيد المكتبة من 10 صباحاً ل 7 مساءً .. و عندهم انشطة كتيرة و التصميم المعماري و الديكورات مش هتقتنع ان المكان حكومي

فروع المكتبة :

القاهرة :
1- فرع الزيتون
العنوان : 4 شارع عمر المختار – أمام مركز شباب الأميرية – تليفون 22820340

2- فرع الزاويه الحمراء
___

مكتبة بورسعيد
العنوان: شارع عاطف السادات – طرح البحر- أمام فندق القوات المسلحة

___

مكتبة المنصورة :
العنوان: 6 ش. الجمهورية – أمام مبنى المحافظة

___

مكتبة دمياط
العنوان: شارع كورنيش النيل – الأعصر – بجوار مبني كلية التربية بمحافظة دمياط

___

مكتبة الأقصر :
مواعيد العمل: تعمل المكتبة من الساعة 10-9 مساءً والراحة الأسبوعية يوم الثلاثاء.

___

مكتبة دمنهور (البحيرة) :
العنوان: شارع الجمهورية – دمنهور

___

مكتبة الإسماعيلية :
العنوان: ميدان عثمان أحمدعثمان – الشيخ زايد.

___

مكتبة الزقازيق – الشرقية:
العنوان: 2 شارع أبو بكر الصديق-تقسيم المعلمين – أمام جامعة الزقازيق

___

مكتبة بنها: القليوبية
العنوان: شارع 8 – منطقة الفيلات – كورنيش النيل – بنها