محدش يقدر ينكر إن الإنجليزى دلوقتى هو لغة العصر، ولو معاك إنجليزى هتقدر تدخل من اى باب إنت عايزه ف علم أو شغل، كمان متقدرش تاخد منحة ولا تشتغل فى الوظيفة اللى انت عاوزها او تتعمق ف علم إنت بتحبه إلا عن طريق الإنجليزى.

عشان كده، مهما كان عمرك ومستواك، ف الوضع دلوقتى اختلف عن زمان، دلوقتى بكل بساطة تقدر تتعلم إنجليزى وإنت قاعد ع كرسيك فى البيت، وببلاش من غير ما تروح كورسات، كل اللى إنت محتاجه وصلة نت، وتركز على الكام مصدر الجايين دول:

أولا: المبتدئين
ودول بيشتكوا دايما من قلة المحتوى العربي اللى بيساعدهم، أو عندهم صعوبة فى المحتوى المناسب لاحتياجاتهم,
لكن الحقيقة المحتوى الجيد موجود وبالعربى، ودى بعض نماذج لكورسات اونلاين هتساعدك كتير لو لسه بتبدأ:

1- كورس أكاديمية الدارين
عبارة عن 10 محاضرات، مدة المحاضرة ساعة واحدة بس، هتفيدك جدا ف إنك توصل لمستوى جيد بشرط الإلتزام والاستمرار
لينك الدورة:

https://www.youtube.com/watch?v=UUQU3u6ymNA&list=PLUmD5wQ2FYzm-peFk9l7W3HrhOpx8o_ew

2- موقع English for Arab
عبارة عن مقاطع صوتية، بطريقة مبسطة جدا، كمان هتلاقى فيه مجموعة من الألعاب التعليمية، وراديو إنجليزى، وفيه كمان قسم مخصص للأطفال، وأقسام تانية كتير.
لينك الموقع:

http://www.english4arab.net/

3- موقع Duolingo
وده يعتبر الخبير رقم 1 لاى حد لسه بيبدأ يتعلم أى لغة من البداية، طريقة العرض روعة، وتقدر تبدأ تتعلم إنجليزى أو أى لغة خطوة بخطوة بشكل ممتع، ده غير اعتماده على السائل البصرية اللى بتشد اللى بيتعلم وبتحفزه ع الاستمرار
كل اللى عليك إنك تسجل فى الموقع، أو تحمل ال App على تليفونك بنسخته العربي من الموقع:
https://ar.duolingo.com/

ثانياً: المستوى المتوسط
والحقيقة إنه المستوى الأهم بين المتعلمين، لأن الأغلب عنده خلفية كويسة نوعا ما سواء من اللى حصلوا عليه فى المدرسة أو الجامعة، أو من خلال الكوسات الأونلاين، أو الكورسات الخاصة. العيب فى المرحلة دى هو “الإكتفاء” وإنك متحاولش تتطور من نفسك لحد ما توصل لمرحلة الإحتراف فى اللغة. عشان كده فى المقال ده بنقدم مجموعة من الكورسات المهمة لأصحاب المستوى ده تحديدا:

1- كورس الجامعة الأمريكية في إسطنبول
وده واحد من اهم الكورسات فى مجال تعلم اللغة الإنجليزية، وبتقدمه الجامعة الأمريكية فى إسطنبول. الكورس متقسم ل 3 مستويات: المبتدئين، والمتوسط، والإحتراف. الكورس 80 حلقة، متوسط مدة الحلقة ساعة واحدة بس.
لو نظمت وقتك بحيث تاخد ساعة كل يوم مذاكرة للفيديو الواحد، هتخلص الكورس ف أقل من 3 شهور ويمكن أقل! إنت وشطارتك! طالما عندك الشغف للتعلم. ممكن تتابع حلقات الكورس من هنا:
https://www.youtube.com/user/englishforyoutv/playlists

2- كورس المحادثة مع Mr. Duncan
“الأستاذ المبهج” زى ما دايما بسميه، بيقدم 88 حلقة تعليمية مبسطة فى المحادثة باللغة الإنجليزية، متوسط مدة الحلقة 8 دقايق. وصل عدد مشاهدات الفيديوهات ع قناة مستر Duncan ل55 مليون مشاهدة، والحلقات هتلاقيها معروضة بشكل فكاهى بيقوم بيه مستر Duncan بشكل مميز.
لينك السلسلة هنا

https://www.youtube.com/playlist?list=PLF467B6C12B713A03

3- موقع BBC لتعلم اللغة الإنجليزية
الموقع بيقدم مقالات وأخبار باللغة العربية، وباللغة الإنجليزية مع إمكانية إنك تسمعها. والطريقة دى تحديدا فعالة جدا في التعلم
تقدروا تنطلقوا فى الموقع من هنا
http://www.bbc.com/arabic/learningenglish

ثالثا : مستوى الاحتراف
إذا خلصت كل الكورسات الخاصة بالمستوى المبتدئ والمتوسط، أو لو مستواك واصل لـ حد الاحتراف، ومحتاج كورسات أكثر ، فـ دى بعض الكورسات اللى تهمك كواحد من المحترفين.

1- كورس تدريس الإنجليزى كلغة تانية
https://alison.com/courses/Teaching-English-as-a-Second-Language

2- كورس التحدث والكتابة بالإنجليزى من موقع “أليسون”
https://alison.com/courses/Using-English-Effectively

3- كورس المهارات الإجتماعية بالإنجليزى
https://alison.com/courses/Improving-Your-Social-English-Language-Skills

الخلاصة وببساطة
إن صفحات الويب مليانة بمئات أو حقيقةً آلاف الكورسات، والمواقع الخاصة بتعلم اللغات . كل اللى محتاجه حضرتك إنك ف ثواني معدودة تقدر تكون قدام صفحة من الصفحات دى، أو أمام مدرس أجنبي يعلمك كل مهارات اللغة.

ومتنساش
أن تعلّم لغة جديدة –فوق إنه بيساعدك في الشغل أو الدراسة – كمان بيفتح لك مجالات كتير: علمية، وثقافية، ومجتمعية، فوق كده وكده المتعة اللى هتعيشها وكم السعادة اللى هتحسها لما تتعلم لغة تانية جنب لغتك الام.

التعليم فى الصغر كالنقش على الحجر .. عشان كده فى حالة انك مهتم بتأسيس اطفالك , اخواتك , الطلبة بتوعك فى ال English الكلام الجاي دة بمثابة الكنز ليك ^_^
لان ال British council ” المجلس الثقافي البريطاني ” .. بيقدم كورس ” مجاني ” اسمه English in Early Childhood: Language Learning and Development
بأختصار شديد الهدف من الكورس دة هو مساعدة الطفل فى تعلم ال English كـ لغة تانية اثناء ماهو بيتعلم لغتة الام بمراحلها المختلفة .. بجانب شرح دورك و مهمتك انت فى تحقيق دة

مظنش ان فى داعي نتكلم عن اية اهمية تعلم ال English ك لغة تانية فى وقتنا الحالى و السنوات القادمة .. و عن مكانة ال british council وسط اهم الاماكن اللى ممكن تعلم من خلالها English
الكورس هيبدأ يوم : 20 مارس .. على منصة FutureLearn و هيستمر لمدة 6 أسابيع .. بمعدل ساعتين فقط اسبوعياً #ملكش_حجة
الكورس: https://www.futurelearn.com/courses/english-in-early-childhood

المميز فى الكورس انه بيغطي نقط مهمة زي .. ازاى اصلاً الاطفال بيتعلموا ؟ و لية التعلم من خلال اللعب و التطبيق هو افضل وسيلة .. ازاى الطفل يتعلم English تحديداً كـ لغة تانية ..

اما فى حالة انك انت شخصياً اللى متعقد من ال English .. فتقدر تستفاد من المقالات اللى تم نشرها مسبقاً بخصوص النقطة دي :
http://mshmshvalley.com/?q=english

#اتعلموا_سوا
#share_فى_الخير متعرفش مين حياته ممكن تتغير بسببك ^_^

مبقاش ينفع في الوقت دا إن حد يكتفي بلغة واحدة ابداً , سواء في مجال دراستك أو شُغلك , إنت محتاج تطوّر نفسك طول الوقت , لان كل حاجة حواليك بتتحرك بسرعة و لازم تلحق لك مكان و متنامش في السكة .. أصلاً #الجامعة_مش_كفاية ^_^

احنا حاولنا نجمّع لكم تقريباً اهم مواقع تعليم اللغات المعروفة .. أكيد مجربتهاش كلها لكننا جربنا قطاع كبير منها و نقدر اقول انهم تقريباً كلهم مُمتازين ..

شوية نصايح ع السريع :
-اسمع كتير و كرّر كتير و استخدم الكلمات و الجمل الجديدة اللي بتسمعها و بتدرسها, متكتفيش بالقواعد بس , وسّع إطاراتك و اسمع ع اليوتيوب

-حطّ لنفسك Target هتحقق في وقت معين , لو مقدرتش , فعلى الاقل متوقّفش إطلاقاً إنك تتعلم كل يوم ولو كلمة جديدة .. إمنح نفسك كل يوم فرصة إنك تتعلم و تشوف حاجات جديدة , هتصل إلى قمة النشوة و إنت بتكسر كل الحواجز اللي اتربينا عليها : اللغات صعبة , مستحيلة , مش هتعرف تتعلمها لوحدك , محتاج كورس برّا ب ××× جنية ^_^

Duolingo :https://www.duolingo.com
( أسلوبة ممتاز جداً جداً .. الاختيار رقم واحد لتعليم ال English و الفرنساوي و الايطالي )
Livemocha : http://livemocha.com

Busuu : http://www.busuu.com/enc/?destination=/home

Babbel :http://www.babbel.com/?locale=ene

my language exchange : http://www.mylanguageexchange.com/default.asp

) بتتواصل فيه مع ناس من كل مكان في العالم , يدربك إزاي تكتب و تتكلم و تسمع )

دي مواقع تانية بتجمع تقريباً كل لغات العالم المعروفة ^_^

Hello Mylo : http://www.hellomylo.com

Innovative language : http://www.innovativelanguage.com

free language : http://freelanguage.org

المعلومات دي وصلتلنا عن طريق : حضرة الصول سلمي

طب انا مش عايز كل دا و مش عايز افضل ادوّر في كل دول , و عايز لغة معينة ..
حاضر يا سيدي و يا ستّي , طلباتكم أوامر المهم تتعلموا و متبطلوش تتطوروا من نفسكم ..
في بوستات جاية , هحط لكم اكتر من مصدر و موقع متخصص و قنوات تعليمية علي اليوتيوب لأكتر من لغة ,

هنبدأ المرة الجاية إن شاء الله بـ : الالماني – الاسباني – الفرنسي – الايطالي
و بعده بإذن الله : العبري – التركي – الفارسي
و بعده بإذن الله : روسي – صيني – ياباني – كوري
و بعده بإذن الله: اليوناني – البرتغالي – الهولندي

#share_فى_الخير متعرفش مين حياته ممكن تتغير بسببك ^_^

اياً كان مستواك ف الانجليزي عامل اية .. و اياً كنت بعيد او قريب من الجامعة الامريكية فى القاهرة AUC .. تقدر تستفيد من كورسEnglish for you من الجامعة الأمريكية … ^_^

الكورس عبارة عن 80 ساعة و متقسم لـ 3 مستويات :

المستوي الأول : 30 ساعة
المستوي التاني : 30 ساعة
المستوي التالت : 20 ساعة

كل مستوي بيدرسه دكتور او دكتورة مختلفة . الجميل في الكورس انه الشرح بالانجليزي ، يعني هتشرحلك القاعدة و طريقة النطق مثلا باللغة الانجليزية ودي افضل طريقة لكورسات اللغة عموما . هيبدأ معاك في اول حلقة من اول الحروف وطريقة نطقها وازاي تكون جملة الي ان تستطيع التحدث بشكل متقن وبدون اخطاء. الأسلوب سهل جدا ( عن تجربة شخصية ) وتقدر تكتب وانت بتسمع وفي تمارين اثناء الشرح 80 حلقة _الحلقة ساعة تقريبا _ .. يعني لو سمعت حلقتين كل يوم في اقل من شهرين هتكون باذن الله وصلت الي مستوي جيد جدا فى الانجليزي .. #ملكش_حجة

ده لينك الـ 3 مستويات : https://www.youtube.com/user/englishforyoutv/playlists

#share_فى_الخير متعرفش مين حياته ممكن تتغير بسببك ^_^

كفاية انتخة وحاول تستغل الاجازة دي ^_^ .. شوية ارداة بس وتصميم

اما لو انت من الناس اللي هتتحجج بان الاجازة لسه طويلة و ان الدنيا حر … !
اسلم طريقة تجبلك قيمة 3 بطيخات وتقعد تخلص الفيديوهات
اثناء استمتاعك بالبطيخ الفيديوهات كلها مدتها قصيرة

وادي المشمش | معاً نصنع المُستقبل