اية رأيك لو تستخرج الحمض النووي من فاكهة أو خضار ^_^

احنا صراحة حسينا اننا دوشناك بكورسات البرمجة واللغات .. فقولنا نخليك تجرب حاجة مختلفة

فى حالة انك نفسك تعمل تجارب و تطلع العالم الي جواك بس مش لاقي فرصتك
ايه رأيك تشمر كمامك وتبدأ تفكر كعالم عن طريق تجارب تعملها في البيت و تاخد ملاحظاتك عليها
تستخرج الحمض النووي من فاكهة أو خضار ، تراقب التناضح (osmosis) وهو بيحصل ،و تعرف كمية الميه اللي بيحتوي عليها أكلك .. كل ده وأكتر ممكن تعمله مع كورس Basic Science: Understanding Experiments
االلي بتقدمه  “The Open University ” على منصة “future learn”  الكورس بدأ يوم الاتنين 9 يناير
وهيستمر لمدة أربع أسابيع بمعدل 3ساعات في الأسبوع :
https://www.futurelearn.com/courses/science-experiments

هتتعلم في الكورس ده ازاي تقوم بالتجربة و تخطط للأدوات و تكتب خطوات العمل و تسجل نتائجها .
و في قائمة شوبينج كده حاول تحضرها قبل ما تبتدي التجارب بجانب الادوات اللي هتحتاجها واللي هتلاقي معظمها موجودة عندكم في” المطبخ ”
بس خلي بالك في حالة حدوث أضرار جانبية وبدأت الست الوالدة تدعي عليك احنا منعرفكش  ^_^
ولو حابب تدخل على موقع لذيذ ولطيف وتجاربه بسيطة يبقى خليك في science bob
https://sciencebob.com
الحلو في المدارس بره انهم بيعودوا الأطفال من صغرهم انهم يفكروا بطريقة علمية ويعملوا تجاربهم ومشاريعهم الخاصة .. عن طريق معرض العلوم “Science fair ”  وفيه بيقدم الأطفال من حضانة لغاية ثانوي مشارعيهم العلمية وبالتالي بيشجع الطفل من صغره لو عنده شغف بالابتكار والعلوم انه ينميه وبما ان مدارس أم الدنيا عندها حاجات أهم من كده تعلمها لأطفالنا ^_^  فالموضوع في ايدك انك تظبط الموضوع مع ابنك أو أخوك الصغير .. دة موقع فيه أمثلة للمشاريع على اختلاف المراحل العمرية

http://www.education.com/science-fair
بجانب ان في شوية apps بتقدمها gameviaهتكون حلوة علشان تعمل التجارب على الموبايل كأنها العاب وده أبليكشن
منهم :
https://play.google.com/store/apps/details?id=com.gameiva.KidsScienceAmazingExperiment

لو سايق عربية وفجأة لقيت حاجة ظهرت قدامك فجأة فكل اللى بتعمله انك بتدوس على الفرامل مش كدة .. طيب ليه العربية بتفضل ماشية شوية بعد كدة وليه جسمك كله بيندفع لقدام ؟ وليه اطارات العربية بتعمل صوت احتكاك عالى كل اللى فى شارع بينتبهوا ليه..

بلاش كدة .. ليه احيانا بتحس ان الوقت بيمر بسرعة جدا لدرجة انك مش لاحق تخلص الحاجات اللى وراك .. وليه احيانا تانية بتلاقى ان الوقت بيمر ببطء شديد
ليه بننزل السلم اسرع واسهل من لما بنطلعه رغم انه نفس عدد درجات السلم مفيش حاجة اتغيرت ..
اجابة كل الاسئلة دى بيجاوبنا عليها علم الفيزياء .. استنى متتخضش من الكلمة لاننا المرة دى جبنلكم مجموعة فيديوهات متنوعة وبسيطة تقدر تشوفها وانت فى الموصلات وتعرف بيها اجابات الاسئلة دى بعيدا عن الطرق التقليدية لتدريس العلم ده سواء فى المدرسة او الكلية لو انت دخلت كلية علمية
مش لازم تبقى خبير فى الفيزياء عشان تفهم تفسير القوانين اللى ماشى بيها الكون …لكن اكيد بعد ما تتفرج على الفيديوهات دى هتغير وجهة نظرك عن علم من أهم العلوم اللى تقريبا داخلة فى كل شىء فى حياتنا
كمان هتكسر الحاجز اللى بينك وبين العلم ده …متخليش حاجة توقفك عن التعلم

قنوات باللغة العربية على اليوتيوب

ناصر اللحياتى-الفيزياء

https://www.youtube.com/user/phys4arab

أسرار فيزياء الكم

سلسلة محاضرات فى أساسيات الفيزياء

https://www.youtube.com/user/aljm3iah

قنوات باللغة الانجليزية على اليوتيوب

The Science Channel

https://www.youtube.com/user/ScienceChannel

CERN :دى قناة على اليوتيوب للمركز البحثى اللى تم ذكره فى رواية ملائكة وشياطين للروائى العالمى دان براون

https://www.youtube.com/user/CERNTV

ScienceTV

https://www.youtube.com/user/ScienceTV

Smart Learning for All

https://www.youtube.com/user/Smartlearningforall

Science and Technology Facilities council

https://www.youtube.com/user/SciTechUK
Crashcourse

https://www.youtube.com/user/crashcourse

Interesting Physics

https://www.youtube.com/user/minutephysics