فى حالة انك طالب جامعي .. و أياً كانت كليتك او تخصصك اية ^_^ فـ ركز معايا كده يا برنس .. دي منحه اسمها SUSI
مدتها 5 اسابيع فى الولايات المتحدة الأمريكية .. هتبقي فى اجازة صيف 2017 يعنى مش هتعطلك عن الدراسه
وكل المصاريف عليهم سكن اكل تذاكر سفر مواصلات و هتاخد مصروفك هناك منهم كمان #ملكش_حجة .. مش مطلوب منك اكتر من شنطة سفرك ^_^
المنحة عباره عن اربع برامج تختار منهم واحد
Religious Pluralism – Social Entrepreneurship- Civic Engagement – Women’s Leadership

ازاى تقدم فى المنحة ؟

اهم شرط فى المنحه انك تكون طالب فى جامعه ومتكونش فى اخر سنه فى الكليه

– تروح لشئون الطلبه تطلع بيان درجات للسنين اللى فاتت باللغه الانجليزيه من الكليه وهسلم المنحه الصوره مش الاصل .. لو طلعهولك بالعربى تروح تترجمه لانجليزى من اى مكتب ترجمه معتمد ..

– هتروح الامديست تعمل امتحان تحديد مستوى ب 90 جنيه للغه الانجليزية وبتطلع نتيجته بعدها بيوم ذاكرله شوية جرامر وكلمات
– مش لازم تبقى معدى فى الانجلش ولا تبقى Native ولا Fluent المهم يا برنس تبقى بتفهم اللى بيتقال كويس قدامك وتعرف تعبر عن نفسك وتتكلم مع الناس انجليزى كتر سماع الانجليزى وتجرب تتكلمه هيظبط معاك كتير

– الابلكيشن اهم حاجه وانت بتملاها متسيبش سؤال فاضى وخليها مترتبه ومنظمه وتهتم بال الانشطه والتطوع فى الكتابه
الابليكيشن : _SUSI_Students

– ال Personal Statement اهم اهم حاجه فى التقديم كله شوف هو عاوزك تكتب ايه بالظبط واكتبها وخلى كذا واحد يراجعهالك علشان تطلع حاجه زى الفل

– صورتك الجميله هتحطها فى الابلكيشن روح اتصور صوره كويسه بخلفيه بيضاء وتحطها فى الابلكيشن صوره عاديه 4*6 مثلا

– nomination Letter من الاخر تخلى دكتور جامعه يكتبهولك ويمضيه
طيب الدكتور مرضيش .. !! يبقى تكتبه انت وتروح لدكتور فى الجامعه يمضيهولك من كليتك D:

– Recommendation Letter هتطلب من دكتور يكتبلك خطاب توصيه او تكتبه انت برضه وتششوف حد يمضيه:) بس ده ممكن يمضيه دكتور ,معيد , رئيسك فى الشغل او رئيسك فى نشاط طلابى مثلا لو دكتور يبقى فل قوى
كل حاجه بتتكتب على ال Word الامضاء بس هو اللى بيكون بخط اليد

– هتعمل Scan لصورة الباسبور او صورة البطاقه

بعد ما تخلص كل حاجه .. هتطبع الابلكيشن وتكمل كل حاجه وتروح تسلمها بنفسك فى مقر السفاره الامريكيه جنب ميدان التحرير مفيش اى حاجه بتتعمل بخط اليد غير الامضاء بس اى حاجه تانيه بتتكتب بالكمبيوتر

– اخر ميعاد للتقديم 22 ديسمبر

كده انت عملت اللي عليك و هم هيكلموا (بعض) الناس اللى الابلكيشن بتاعتهم مميزه وكويسه ويعملولهم (انترفيو) فى السفاره ^_^

كمان تقدروا تتواصلوا معاهم عن طريق : CairoSUSIStudents@state.gov

الاعلان الاصلى من هنا : http://egypt.usembassy.gov/pa/xchgs.html

‫#‏share_فى_الخير‬ متعرفش مين حياته ممكن تتغير بسببك ^_^

اية رأيك لو تكمل دراستك فى أمريكا | USA لمدة سنة .. كمان المنحة هتتكفل بـ تكاليف السفر من وإلى الولايات المتحدة و الرسوم الدراسية والسكن والطعام والتأمين الصحي والكتب المطلوبة وراتب شهري ^_^ #ملكش_حجة
كل المطلوب انك تكون طالب جامعي ” أياً كانت جامعتك .. و أياً كان مجال دراستك ” .. و سنك من 18 لـ 25 سنة .. و مستواك فى ال English يكون جيد

المنحة دي جزء من برنامج (Global UGRAD) .. و ده عبارة عن برنامج تبادل تعليمي و ثقافي على مستوي العالم .. كمشارك هتاخذ دورات دراسية و تدريب على المهارات الأكاديمية ودورات في مجال دراستك .. بالأضافة لتعريفك بالنظام التعليمي في الولايات المتحدة وتعزيز المعرفة والمهارات الشخصية الخاصة بيك

شروط التقديم :
• مقيم في مصر
• طالب في مرحلة البكالوريس
• لغتك الانجليزية جيدة
• السن من 18 : 25 سنة

كيفية التقديم :

هتملي الابليكيشن دي و توقعها
http://exchangeprograms.worldlearning.org/index.cfm?FuseAction=Students.Apply&Program_ID=21369

اثناء التقديم هيطلب منك كتابة بيان يوضح اسباب التقديم ( بحد اقصى 450 كلمة)

هتحتاج اثناء التقديم صورة من :
1- الشهادات وكشوف الدرجات الخاصة بيك
2- جواز السفر

فى حالة وجود اي استفسارات تقدر تراسلهم :
CairoGUGRAD@state.gov
Phone: 202-833-7522