بعد ماكانت الـ robots مجرد جزء من أفلام الخيال العلمي .. بقت واقع بنعيشه و أصبح مستقبل بتتنافس الشركات على الشغل فيه .. و مثال على كده “جوجل” اللي من سنة 2013 استحوذت على سبع شركات شغالة في المجال ده من اهمهم شركة Boston Dynamics المتخصصة في بناء الروبوتات و اللي تعتبر من اهم الشركات اللي ليها مشاريع مع وزارة الدفاع الامريكية، بجانب ان في دراسة تعملت فى 2016 قالت ان في2015 كان الاستثمار في مجال الروبوتس 71 مليار دولار ومتوقع فى 2019 يوصل لأكتر من 135.4 مليار دولار
وعلشان كده كان لازم يكون هناك علم خاص بالموضوع ده وهو علم (Robotics)
لكن يعني إيه (Robotics) ؟
الروبوتكس باختصار شديد هو علم دراسة وتصميم وصناعة الروبوت .. والعلم ده بيجمع تلت مجالات :
-
الميكانيكا : مسئول عن الجزء الميكانيكي في الروبوت وهو الجزء الأصعب في تصنيعه
-
الألكترونيات : مسئول عن الجزء الكهربي والالكتروني الموجود في الروبوتس
-
البرمجة : واللي بنتحكم عن طريقها في الروبوت واللي تعتبر عقل الروبوت
ولان المجال ده أصبح من مجالات الشغل الجديدة واللي هتزيد فرصها في الأيام الجاية
بجانب المسابقات اللي موجودة في مجال الروبوتس زي مسابقة ” World Robot Olympiad” واللي هتلاقي الفرق المصرية بتتشغل بصورة ممتازة فيها ، وده لينك صفحة مصر الخاصة بالمسابقة : https://www.facebook.com/WROEgypt/
حبينا نبلغك ان في تخصص اسمه “Learn the Building Blocks for a Career in Robotics “ على كورسيرا ، واللي بيقدمه سبع محاضرين من جامعة بنسلفانيا ، التخصص متكون من 6 كورسات أول خمس كورسات بيتكون كل واحد منهم من أربع أسابيع بمعدل من 2- 5 ساعات بالأسبوع ، والكورس الأخير عبارة عن مشروع بتنفذه وبتختار اما تنفذه software عن طريق simulation تعمله باستخدام Matlab ، أو تجيب المكونات ( rover kit, raspberry pi, pi camera, IMU) وتشتغل فيه hardware والكورس بيستمر 6 أسابيع
https://www.coursera.org/specializations/robotics
طبعا التخصصات دي بفلوس لكنك ممكن تستخدم المساعدات المالية واللي اتكلمنا عنها هنا
عشان تستفاد بيه مجاناً
او ممكن تاخد كل كورس لوحده مجانا بس من غير الشهادة عن طريق انك تاخد اي كورس من التخصص وتعمل عليه بحث في كورسيرا زي مثلا الكورس الأول : https://www.coursera.org/learn/robotics-flight
وبعد ما تضغط على Enroll هيظهرلك رسالة هتلاقي فيها من تحت كلمة ” audit” اضغط عليها .
أما لو عايز حاجة خفيفة يبقى خليك في الكورس ده ” Begin Robotics” الكورس بتقدمه منصة futurelearn
https://www.futurelearn.com/courses/begin-robotics
