ياتري سمعت عن رازبيري باي ( Raspberry Pi ) ؟

3 1٬366

ياتري سمعت عن رازبيري باي ( Raspberry Pi ) ؟

عشان مطولش عليك Raspberry Pi يا سيدي دة كومبيوتر كامل متكامل فى حجم بطاقتك الشخصية ( ايوة اللى فيها صورة عجيبة دي ) كل المطلوب منك توصله بأي شاشة و keyboard وممكن تبقي قاعد بتقرا ال post دة منه دلوقتي ^_^ و سعره حوالى 25$ ( أقل من 200 جنية مصري ) ..
Raspberry Pi تم تصميمه في جامعة كامبريدج عشان يبقي وسيلة تسهل على طلبة علوم الحاسب الدراسة .. بحيث يدمج ما بين أنظمة لينكس وعلم البرمجة والإلكترونيات وأنظمة التحكم الذكية في ذات الوقت .. يعني أية الكلام المكلكع دة ؟ ^_^

يعني زي ما ممكن تستخدم Raspberry Pi كأي كومبيوتر تقليدي لتصفح الانترنت وارسال البريد الالكتروني وحتى تحرير الملفات والوثائق عبر حزمة “Libreoffice” المكتبية، أيضاً تستطيع تحويل أي تلفاز عندك إلى نظام ترفيه منزلي متصل بالإنترنت .. كمان تقدر تعمل مشاريع تحكم إلكترونية مذهله ب Raspberry Pi زي :

1. تصميم نظم التحكم الخاصة بالمنازل الذكية Smart Home Automation
2. صناعة الروبوتات والغواصات وكذلك الطائرات بدون طيار Robots، ROV and UAV
3. تطبيقات المراقبة مثل عمل كاميرات لبث الفيديو والصور عن بعد Camera Streamers
4. المراقبة البيئية مثل عمل نظام لمراقبة درجات الحرارة والرطوبة عن بعد Remote Monitor
5. التلفاز الذكي Smart TV

فى مصادر كتير تقدر تتعلم منها اكتر .. و من افضل المصادر دي مجلة اسمها ” MagPi ” دي متخصص فى اخبار و تطورات و شروحات Raspberry Pi
المجلة دي سعرها £2.99 ( حوالى 30 جنية مصري ) .. لكن بما اننا اتفقنا ان #2015_مش_هتعدي_بالساهل ^_^ و ان دورنا هيكون توفير كل التسهيلات ليكم .. فحضراتكم تقدروا تستفادوا من ال 30 عدد الخاصين بالمجلة #مجاناً و بشكل رسمي ^_^

مستني اية : https://www.raspberrypi.org/blog/digital-free-forever-the-first-30-issues-of-the-magpi/
فى تطبيق لل Android و ال IOS #ملكش_حجة

ان شاء الله هنجهز موضوع تاني .. هنشرح فية بالتفصيل للمهتمين ازاى يشتروا Raspberry Pi و يشحنوه ل مصر ^_^

‫#‏share_فى_الخير‬ متعرفش مين حياته ممكن تتغير بسببك ^_^

3 تعليقات
  1. محمد عباس يقول

    ازاي اقدر اتابع باقي التفصيل وهل فى وقت معيناً لشرح طريقة الشراء لو امكن

  2. ahmed aamer يقول

    اذا كان موجود فى مصر منافذ بيعه فين وكيفيه الحصول عليه لو مش موجود فى مصر

  3. حسام يقول

    مستنى الحلقة اللى جاية ازاى هتشترية وتحشنة مصر

رد على محمد عباس
إلغاء الرد

لن يتم نشر عنوان بريدك الإلكتروني.