معاً نصنع المُستقبل

أزاى تشتري كورس من Udemy ؟ ياتري الموضوع يستحق !

تدنى مستوي التعليم فى مجتمعنا .. بجانب نسب البطالة اللي بتتزايد يومياً !! خلق الحاجة لأيجاد حلول بديلة و عملية للكابوس دة !
و فى واقع الأمر ^_^ الحلول دي موجودة بالفعل .. كل اللى عليا و عليك اننا نستغلها صح ! و اللى بتتمثل فى ال Online courses و ال MOOCs
و عشان الصورة تبقي أوضح :
1- الـ MOOCs مختصر ( Massive Open Online Courses ) بتوفرلك الجانب الأكاديمي فى نفس مجال دراستك من أفضل جامعات العالم .. بواسطة نفس الدكاترة و الاساتذة اللي بيشرحوا المادة العلمية مباشرة للطلبة فى الجامعات دي .. عن طريق منصات كتير زي Coursera و edx .
2- ال Online Courses .. و دي بتوفرلك الجانب العملي و التطبيقي .. بجانب خبرة الناس المتميزة و اللى أشتغلت بالفعل فى المجال اللى انت مهتم .. سواء كان ليه علاقة بمجال دارستك .. أو .. شغفك زي ( Web Devekopment , Graphic Design , Marketing , … ) , و اللي بتكون متاحة على منصات زي Udemy و Lynda .

طيب اية الأفضل ؟
أنت أكتر واحد ممكن يحدد هو محتاج اية فى الوقت الحالي ..

سواء تستفيد من ال MOOCs و تعمل Update لمعلوماتك اللي درستها فى الكلية و اللى فى الغالب أقدم 30 .. 40 سنة عن اللى بيدرس فى جامعات تانية بره !

أو .. تستفيد من ال Online Courses .. لأنك محتاج الخبرة العملية اكتر ؟ خاصة و ان نسبة كبيرة من اللى بيقدموا الكورسات دي هم خريجين افضل جامعات العالم ^_^
و يمكن اصلاً شغفك بعيد تماماً عن الطريق اللى اترسملك بعد مجموع الثانوية ! .. فأنت بردو محتاج تتعلم من الصفر و تاخد خبرة توفر عليك وقت كبير .. بحيث تبقي جاهز تشتغل

و بما ان الـ Online Courses بتمثل حل لشريحة اكبر فتركيزنا كله هيكون عليها من خلال المقال دة ..
لازم تفهم فى البداية ان Udemy و Lynda هم اشهر و افضل منصتين للتعلم عبر الانترنت .. لكن كل واحدة فيهم بتمثل نموذج مختلف :

1- Lynda : بتقدم كورساتها بطريقة واحدة و اسلوب واحد .. بيبدأ من اختيارهم ل Instructor و يبدأوا يسجلوا الكورس و يراجعوا المحتوي و يقدموة بشكل عبقري ^_^ لكن الازمة ان اساليب الكورسات نمطها واحد و اللى ممكن ميكنش مناسب ليك .. بجانب انك محتاج تدفع اشتراك شهري لاستخدام المنصة .. ووقت ما تقرر متجددش الاشتراك الشهري .. الكورسات اللى بدأت فيها مش هتكون متاحة ليك تاني !

2- Udemy :
– كل كورس اسلوبة مختلف عن التاني .. لان اللى بيقدمة Instructor مستقل بذاته و بطريقتة الخاصة

– قبل الموافقة على نشر اي كورس .. بيتم مراجعتة عن طريق Udemy بداية من الصوت و جودة الفيديو وصولاً للمحتوي و المادة اللى بيقدمها .. بحيث يضمنولك اعلى استفادة ممكنة

– Udemy قايم على نظام التقييم .. بمعني ان كل اللى استفادوا من الكورس قبلك بيقيموا الكورس برقم من 5 و بيكتبوا رأيهم كامل فى الكورس و اللي بيشرح الكورس .. و دة اللي هيسهلك عليك اختيار انسب كورس ليك من كل الجوانب

– انت مش محتاج تدفع اشتراك شهري .. انت بتشتري الكورس اللى انت محتاجة .. و بيفضل متاح ليك مدي الحياة
– بجانب ان الكورس بيفضل متاح ليك مدي الحياة و من اى جهاز .. ف انت بيكون ليك الحق تسأل ال Instructor في اي وقت عن اي حاجة مش واضحة بالنسبة ليك .. كمن متاح ليك زي مجتمع خاص بكل كورس .. بيجمع كل الناس اللي بتاخد الكورس دة بحيث تتوالوا مع بعض و تستفسروا من بعض

– الموضوع الواحد بيغطية اكتر من كورس و اكتر من instructor .. فـ بالتالي فى منافسة ديماً بينهم .. مين هيكون الافضل و يقدم الكورس الافضل و اللى بيغطي نقط اكتر من التانى .. و يحدث و يزود محتوي الكورس بشكل دوري بدون ما تدفع حاجة زيادة ..
و اللى بيصب فى مصلحتنا احنا كمتعملين بالتالي ^_^

نيجي للمشكلة فى Udemy .. و هي ثمن الكورسات و اللى بيكون مرتفع نوعاً ما ما بين 99$ ل 299$ .. و ان كانت الكورسات دي تستحق اضعاف المبالغ دي .. لكنها هتمثل ازمة لكتير مننا للآسف !

و دي ليها حل لان Discounts و Offers .. بتوصل ل 85% و  90% .. و بالتالي ثمن الكورس بيوصل ل 19$ ( حوالى 140 جنية مصري ^_^ ) #ملكش_حجة

للتوضيح فى 2015 كان التخفيضات بتوصل ل 15$ لكن حالياً افضل تخفيض هو : 19$ و هينتهي قريباً #استغلوا_الفرصة

حالياً فى Offer متاح من 4-3-2016 لــ 7-3-2016 و اي كورس على Udemy هيكون تمنة 19$ بس ( أقل من 140 جنية مصري ) .. متاح لأكتر من 35.000 كورس .. فـ حاولوا تستغلوا الفرصة ..

ال offer :
http://goo.gl/zZhGd2

أزاى تشتري كورس من Udemy ؟

بعد ما تحدد الكورس المناسب ليك .. هتدوس على Take This Course اللي فى المربع الأخضر
udemy-1
هيطلب منك بيانات الدفع .. و اللى متاحة عن طريق Paypal او Creidt Card ( اي فيزا او ماستر كارد من اي بنك ) و دة الاختيار الانسب
لأغلبنا ..
udemy-2
فـ هتدوس على Credit Card فهيطلب منك البيانات دي
udemy-3

Name on Card : هتدخل الاسم اللى مكتوب ع الكارت بالظبط .. ” او زي ما كتبتة فى ال Application بتاعت الطلب فى البنك ”
Card Number : هتدخل ال 16 رقم المكتوبين على وش الكارت
MM/YY : هتدخل ناريخ انتهاء البطاقة زي ما مكتوب على وش الكارت
CVC : دول 3 ارقام هتلاقيهم فى ضهر الكارت .. جنب الشريط الابيض
Postal Code : دة رقمك البريدي ” عبارة عن 5 ارقام .. ملهمش اى قيمة حالياً ف لو مش متأكد ممكن تكتب اى 5 ارقام و ليكن 11398 )

مبروك الكورس متاح ليك مدي الحياة .. و تقدر تستفيد منه عدد لا نهائي من المرات ^_^

طيب فى حالة انك ممعكش visa او master card ..
– فحاول تتصرف من اى حد حوليك 🙂 هتلاقي كتير
– او ممكن تروح اى فرع لبنك CIB .. و من غير ما تفتح حساب و بدون اى اوراق او ضمانات .. هتطلع بطاقه ” ترافيل تشويز” ” فيزا انترنت ” بـ 30 جنيه مصري .. دي ماستر كارد .. كأنها محفظه تحط فيها اي مبلغ انت عاوزة حتى لو 100 جنية او اقل .. وتسحب منه وتدفع منه عالنت من غير رسوم .. .. هاتطلع في 10 دقايق وانت واقف وبصورة البطاقه بس ! ^_^

مؤسس وادي المشمش .. طالب بعد الضهر .. ريادي أعمال .. مُحرض على ترك الوظيفة و الدخل الثابت و البدء فى المشاريع الخاصة ..

تواصل معي : http://www.facebook.com/nagy.kid

3

أضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
Loading...