معاً نصنع المُستقبل

أفضل 7 مصادر مجانية لتعليم ال photoshop

0 824

ال Photoshop واحد من اشهر برامج ال graphic design .. و اللى هيفيدك جداً فى انك تنجز حاجات كتير خاصة بشغلك و دراستك .. و ممكن يكون هو شغلك اصلاً .. زي ما حكينا فى البوست اللى فات عن Kris و Patricia : http://goo.gl/hQ1r8e

و اختصاراً لكلام كتير دي أفضل مصادر هتساعدك فى تعلم و احتراف ال photoshop اياً كان مستواك .. و كلها مجانية #ملكش_حجة

بس قبل ما اقولك ع المصادر هحاول اديك الزتونة من تجربتي مع الفوتوشوب على مدار ال 7 سنين اللى فاتوا .. فى 2007 مكنش فى كمية المصادر المتاحة دي عشان تتعلم فوتوشوب .. كانت العملية انك بتشوف حاجة و تحاول تقلدها و تدور على اى شرح عشان تعرف كل Tool بتعمل اية بالظبط و تاخد trick جديدة منها .. ف نصيحتي ليك عشان متحتفظش ب لنك البوست دة و تركنة زي اللى اتركنوا قبلة 🙂 او تلاقي انك مش عارف تطبق و الموضوع مكلكع فتتعقد فى حين انه اسهل ما يمكن 🙂

أولاً : استخدم نسخة قديمة من الفوتوشوب و متفرحش بال tools الكتير ف 2014 .. اتعود تشغل دماغك و تفكر ازاى تطلع اللى انت عاوزة ب tools بسيطة مش خطوات و شغل بصمجية .. كمان النسخة القديمة هتساعدك تخبط فيها و تجرب كل حاجة ” انصحك ب Photoshop CS .. النسخة اللى مشهورة ب فوتوشوب 8 ”

ثانياً : متعودش نفسك تنفذ ال tutorials اللى فى المواقع زي ما هي .. جرب تغيير كل حاجة وشوف اية النتيجة علم نفسك بنفسك 🙂

نرجع بقي لأفضل مصادر هتساعدك فى تعلم و احتراف ال photoshop ” قائمة .. دول 7 مواقع مترتبين بما هو انسب للمبتدأين حتى مستوي الاحتراف .. :

1. Adobe Tutorials
دي شوية شروحات لاساسيات الفوتوشوب من الموقع الرسمي للشركة المنتجة لل photoshop على هيئة فيديوهات بسيطة .. ” مناسب جداً للمبتدئين ”
http://tv.adobe.com/product/photoshop/

2- Good Tutorials
الموقع دة بيهتم اكتر بالشروحات الخاصة بال effects اللى على الصور او ال text ” مناسب جداً للمبتدأين و المحترفين ”
http://www.good-tutorials.com/tutorials/photoshop

3- Design stacks
نفس محتوي الموقع السابق لكن بمستوي مناسب اكثر للمحترفين
http://designstacks.net/adobe-photoshop

4- Photoshop Essentials
سواء كنت ناوي تكمل ك graphic designer او web Designer او حتي photographer مش هتلاقي انسب من Photoshop Essentials اللي بيقدم شروحات جديدة و افكار ملهمة بشكل دوري
http://www.photoshopessentials.com/

5- PSD Learning
موقع بيديرة المصمم المشهور Ross Aitken و فية شروحات مناسبة لكل المستويات
http://psdlearning.com/category/photo-effects/

6- Tutorial9
مصدر ممتع و ملهم جداً بس هيحتاج منك انك تكون عندك خلفية كويسة عن الphotoshop
http://www.tutorial9.net/category/tutorials/photoshop-tutorials/

7- tuts+
واحد من المواقع اللى هتلخبطك بعد ما تحس انك بقيت مُحترف .. هتلاقيها بيعلمك حاجات جديدة .. و بيضيفلك افكار ملهمة
http://www.design.tutsplus.com

تعليقات
Loading...