أحصل على ال MBA مجاناً

25 7٬537

ال MBA .. ماجستير إدارة الاعمال .. و اللى بدأنا كلام عنه من حوالى شهر و عن فرصتك انك تقطع تذكرة VIP لرحلة مش هتتكرر فى عالم الوظائف و ال business .. لانك ببساطة مبقتش مضطر تدفع مبالغ بتبدأ من 40.000 الف جنية و انت طالع .. او ينضحك عليك بشهادة مضروبة .. فى حالة انك قرأت الكلام ده قبل كده و لسه تايهه ف الكلام موجهه ليك عشان يجاوب على كل الاسئلة اللي في بالك و تعرف راسك من رجليك ^_^
اما فى حالة انك اول مره تقرأ ف لا تقلق ^_^ الكلام ده هيشمل الكلام القديم كله و بتوضيحات اكتر ^_^
– انا هاخد ال MBA #مجاناً و كمان بشهادة معتمدة .. انا محتاج افهم اكتر ؟؟!!
__
بداية 40.000 الف جنية دي لو هتاخد ال MBA من مصر ^_^ انما لو بتفكر تاخده من جامعة زي University of Pennsylvania ” The Wharton School” و بالمناسبة جامعة بنسيلفانيا هى واحدة من افضل 3 جامعات ع العالم بتدي MBA .. انما تكلفة البرنامج بتوصل ل 120.000 الف دولار ^_^ مش لازم تحولها بالجنية .. لانهم ببساطة عملوا حركة جدعنة ووفروا 4 كورسات الخاصيين بأول سنة مجاناً و وادي المشمش وفر ال 4 كورسات الباقية #مجاناً من جامعات تانية
كل اللى عليك انك هتفضي نفسك 4 ل 6 ساعات ف الاسبوع و تحضر المحاضرات مع الدكاترة الاجانب و انت ققاعد فى بيتك online و #مجاناً
__
– طيب انا كده هاخد شهادة معتمدة ازاى ؟
انت بعد ما بتخلص كل كورس بتتبعتلك شهادة حضور attendance على الايميل ببلاش ^_^ كفاية و مش لازم تشغل بالك بالشهادة ال verified اللي بتتباع ب 38 $ الا لو احتجتها مستقبلاً ” بتاع 250 جنية مش أزمة ”
__
– طيب يعني ال شهادة بتاعت الحضور ام بلاش كفاية و هينفع اشتغل بيها ؟ او بالبلدي الشركات هتقبل ابو بلاش و تسيب اللي دفع 120.000$ دولار … طب ده انا سمعت عن ال Mini Mba ب 7000 جنية هنا فى مصر فى كذا و معتمد تقريباً ؟
آه الشهادة كفاية و هتتقبل .. لان آخر بيان صحفي ل David Wilson المدير التنفيذي لل GMAT و ده Graduate Management Admission Council .. المعهد المسؤول عن اعتماد شهادات ال MBA و امتحانها .. قال ان ال MBA اتحولت من درجة ماجستير و شهادة ورق .. ل portfolio of courses & certificates .. يعني شوية كورسات على شوية شهادات 🙂 و الاهم انك تكون فاهم و تعدي ال interviews و اي اختبارات

و من ناحية فاهم وتعدي interviews .. ف في ” وادي المشمش ” هنعلمك ازاى تكتب الموضوع بشكل منسق بداية من ال CV و انك درست ال MBA ك Self Study .. بالاضافة لاننا قدمنا و بنقدم مقالات مترجمة هتساعدك تفهم ال كورسات اللى بتذاكرها و بالعربي .. يعني #ملكش_حجة
تقدر تتابع و تستفاد من المقالات دي عن طريق : http://goo.gl/yhydSr
كمان بنجهز لمحاضرات #مجانية فى القاهرة و الاسكندرية ان شاء الله .. عشان نظبط موضوع المذاكرة و الاستعدادات مش بس مقالات
__

اما بالنسبة لموضوع ال Mini Mba ف دي ف وسط الشركات يعتبر اللى واخدها مختوم على قفاه #لامؤخذة .. عشان اي سمك لبن تمر هندي و دفع فلوس عشان كلمة شهادة ^_^

__
لو حابب تعرف اكتر عن ال MBA و هتفيدك ازاى اياً كان مجالك او سنك ؟ .. أقرأ الكام موضوع دول
1- http://goo.gl/X056W0
2- http://goo.gl/AYXyrN

25 تعليقات
  1. ahmed K يقول

    السلام عليكم
    انا بدات الكورس ده لكن عندى سؤال .. دلوقتى فيه text book لازم اشتريه عشان اقدر اتابع الكورس مع الفيديوهات .. هل فيه حل بديل للكتاب ؟

    1. Star Moha يقول

      ازاي ابدأ الكورس

      1. Mohamed Nagy يقول

        أول كورس ممكن تبدأ هيكون فية بتاريخ 2/2/2015
        و تقدر تتابع الجروب عشان تعرف باقي المواعيد
        https://mshmshvalley.com/groups/%d9%85%d8%a7%d8%ac%d8%b3%d8%aa%d9%8a%d8%b1-%d8%a5%d8%af%d8%a7%d8%b1%d8%a9-%d8%a7%d9%84%d8%a3%d8%b9%d9%85%d8%a7%d9%84-mba/

  2. Omar Elmnakhly يقول

    انا لسه شايف الكلام ده حالا 🙁 بتاريخ 10 أكتوبر .. أقدر أكمل معاكوا ال MBA وازاى اقدر أراجع اللى فاتنى
    أرجوا الإهتمام أنا حلم حياتى إنى أحصل على MBA

    Omar Elmnakhly

    1. Mohamed Nagy يقول

      طبعاً تقدر تكمل معانا .. ^_^

    2. Roula يقول

      كيف يمكنني بدء كورس mba حالا

  3. Bassant Badr يقول

    طب انا لسه شايفه الكلام دا دلوقتى بتاريخ 29/11 بردو 🙁 ينفع اكمل معاكم وبالنسبه للفاتنى هتصرف فيه ازاى ؟؟

  4. sally ali يقول

    طيب دلوقت انا لسه متعرفه عى الوادي من امبارح و كنت فعلا محتاجه اخد MBA اعمل اي دلوقت و هل اقدر اتواصل مع القائمين على الوادي لشان اسئلهم في شويه حاجات تنور لي الطريق علشان الاقي شغل مناسب لي ف الفتره دي مع العلم ان مجال دراستي غير طبعا مجال اختصاصي

  5. maha mohamed يقول
  6. alshimaa abdelkader يقول

    انا لسه شايفه الكلام ده دلوقتى وهمووووووووت والله واخدها اعمل ايه ياريت حد يفيدنى

  7. ahmedkhodier يقول

    السلام عليكم
    انا لسه متعرف عليكم وعايز ابدأ الكورس ازاى وامتى يعنى لو ينفع ايه رابط المحاضرات
    وشكرا

  8. Abdo Ali يقول

    انا لسه عارف الكلام ده دلوقتى 27-12 ازى اقدر اخد الكورس ده ؟

  9. Mahmoud Rabie يقول

    انا لسه عارف الدبلومه دى دلوقتى بتاريخ 28/12/2014 ازاى اقدر اخد الكورس ده ضرورى؟؟؟
    وبعدين مش عارف اسجل في الموقع بيوقل عليك الاتصال بالمسئول الموقع ياريت تحلو المشكله برراك الله في حضراتكم

  10. mahmoudrabie يقول

    انا لسه عارف بالدبلومه دى دلوقتى بتاريخ30/12 وعايز اخدها ضرورى اعمل ايه

  11. ahmed mostafa يقول

    انا لسه عارف انهاردا و عاوز اخدها يا ريت الرد

  12. waleedibrahim يقول

    شكرا على المجهود الرائع دة
    أنا لسة عارف وادى المشمش اليوم و شفت الجروبات وشدتنى الأفكار
    لو فى إمكانية إنى اتعلم ماجستير إدارة الأعمال MBA
    بداية من دلوقتى اليوم 2 يناير 2015
    يا ريت تفيدنى بالطريقة و أكون شاكر جدا لمجهودك

  13. ahmed Hossam يقول

    في كورسين المفروض خلصوا
    ازاي اقدر اخدهم تاني انا سجلت في الثالث
    ومحتاج الاتنين اللي في الاول اعمل ايه ؟

  14. samar يقول

    السلام عليكم انا لسه شايفة الكلام دا بتاريخ 12/2 اقدر اتابع ولاكدا الوقت فات خلاص ؟؟

  15. Hamdi يقول

    أتمنى لكم التوفيق

  16. Dr Ahmed ElGalily يقول

    هو لسه الmba ممكن ابدا في دراستها معاكم ولا لا والناس اللي بدأت من الاول ايه رأيها في التجربة.

  17. احمد فاروق يقول

    اولا شكرا جزيلا علي المجهود الرائع ..
    ثانيا عاوز اعرف ازاي اقدر احصل علي الكورس MBA مجانا .. لو ممكن رابط الجامعه او شرح او اي شئ …
    مع الشكر .

  18. walid hassan يقول

    اولا شكرا جزيلا علي المجهود الرائع ..
    ثانيا عاوز اعرف ازاي اقدر احصل علي الكورس MBA مجانا .. لو ممكن رابط الجامعه او شرح او اي شئ …
    مع الشكر .

  19. ahmed khater يقول

    لو سمحت انا ممكن أبدء الدراسة امتى كيف .

  20. awad يقول

    السلام عليكم
    انا من السودان ازاى ممكن ادرس الmba ؟

  21. Sherif Nasr يقول

    السلام عليكم
    اولا: أحب اشكركم على مجهوداتكم الرائعة وتعاونكم الهايل كفريق عمل مع كل متابعينكم
    ثانيا: انا لسه متابع جديد ليكم واتمنالكم التوفيق واني برضه اكتسب خبرات منكم
    ثالثا: حابب اعرف ازاي اخد الMBA ? وهل ليها رابط ؟ ولو في مواعيد معينة ممكن اعرفها؟
    شكرا ليكم

اترك رد

لن يتم نشر عنوان بريدك الإلكتروني.