معاً نصنع المُستقبل

إزاي تقدر تعمل خطة تسويق “marketing plan” فعالة

Amna Omar

خطة التسويق مش دايما بتكون من ضمن أولويات صاحب أي مشروع جديد ودة خطأ نوعاً ما لإن الخطة دي مهمة ولازم تؤخذ في الإعتبار من البداية. زي ما الخطة التجارية اللي حطتها من البداية بتحدد اتجاهات شركتك وبتساعدك توجهها صح في كل مرحلة كمان خطة التسويق مهمة علشان تفهم إزاي هتوصَّل شركتك للمكانة اللي مخططها ليها من البداية ودة عن طريق وضع خطوات تفصيلية مهم تساعك في تكوين علاقات قوية بين العملاء وبين شركتك.

 

بروفيسور روبرت توماس أستاذ في مادة التسويق في كلية ماكدونوف للتجارة بجامعة جورج تاون صرح ب “فيه خطوة واحدة مهمة جداً في الخطة التجارية لأي مشروع بسيط هي إنك تضمَّن فيها خطة تسويق. ودة نتيجته إنك هتقدر تقدر وتفهم العملاء والمنافسين في مجالك بشكل أوضح.”

مش شرط خطة التسويق تكون شكلية أو لأ ولكنها في أقل تقدير بتحدد ليك نوعية العملاء بتوعك وإزاي يقدروا يجيبوا أي معلومات عن شركتك وازاي تقدري توصلهم.

بروفيسور توماس قال إن تطوير وتحسين اي خطة تسويقية يتطلب 4 مهام محددة:

  • وضع تصور مبدأي واضح ومحدد عن الأسباب اللي ممكن تدفع أي من العملاء للتعامل مع شركتك أو مشروعك. بشكل محدد أكتر إنك تجاوب علي سؤال زي: إيه الإحتياجات اللي ممكن المنتج أو الخدمة بتاعتك تغطيها؟ هل هيساعد العملاء إنهم يعيشوا حياتهم بطريقة أسهل؟ أو إنهم يشتغلوا بطريقة أكتر كفاءة في وظائفهم؟ أو يكسبوا إحترام وإعجاب أصدقاءهم والمحيطين بيهم؟ لازم العرض بتاعك للعملاء يكون مُصَمَّم إنه يغطي إحتياجات العملاء بشكل أفضل من المنافسين ليك.

 

  • حدد شريحة العملاء المستهدفة من مشروعك. فيه عملاء بأعداد مهولة وبشكل متنوع في كل المجالات. ولكن علشان تنجح بطريقة أسرع وأفضل لازم تدرس السوق كويس من ناحية المجال اللي يخص مشروعك حتي لو كان مشروع صغير علشان تقرر إيه أفضل فئة مستهدفة من المشروع بتاعك. لازم توصف العميل المستهدف بتاعك بشكل دقيق ويالتفاصيل. في الحالة دي هيتحدد ليك طبيعة المبيعات والإيرادات المالية المتوقعة.

 

 

  • حدد المنافسين ليك في مجالك و اللي كمان بينافسوك في الحصول علي نفس العميل المستهدف الخاص بيك. من المعروف أن أي شئ فيه منافسة. أوعي في يوم تقع في فخ إفتراض إن مفيش حد بينافسك. وبالنسبة للمشاريع الصغيرة نادراً لما بتاخد خطوة دراسة السوق والمنافسين. ولكن إنت لازم تفهم من البداية إن ليك منافسين أياً كان مجالك وبالتالي لازم تحددهم وتعرف إيه فوايد منافستهم ليك وعائد دة عليك وإزاي هما ممكن يردوا علي أي عرض هتنزله يعني اسبقهم دايماً بخطوة في حاجات زي (تخفيض الأسعار ، زيادة التواصل مع العملاء ، …إلخ)

 

  • حدد العلامة التجارية اللي هتميزك عند العميل المستهدف الخاص بيك. أقوي شئ هيميزك في المنافسة هي العلامة التجارية واللي عايز توصله للعملاء من خلالها. لازم تكتب جملة إعلانية بسيطة تأكد فيها علي إحتياجات العملاء اللي ممكن تغطيها وتكسب فيها المنافسة في السوق. أفضل جملة للعلامة التجارية هي الجملة اللي بتركز علي هدف واحد محدد وهو تغطية إحتياجات العملاء.

 

 

تعتبر المهام الأربعة دي نقطة بداية مهمة لأي مشروع. في نفس الوقت لازم الشركات الكبيرة تدمج مصادر متعددة في خطة التسويق الخاصة بيها. أهم وأشهر مصادر التسويق الموجودة حالياً في مجال التجارة هي:

التسويق من خلال مواقع التواصل الإجتماعي

مواقع التواصل الاجتماعي بقت جزء مهم وأساسي في أي خطة تسويق. مهمة خصوصاً في المواقعع اللي بتحتوي علي فرص تساعد علي نجاح المشروع زي فيسبوك وتويتر و جوجل بلس ولينكد إن وشبكات تواصل أخري. علي الرغم من إن مبدأ التسويق من خلال مواقع التواصل الإجتماعي ممكن يساعد في هزيمة بعض أصحاب المشاريع الصغيرة ولكن بردة مش شرط تكون تحدي وعنصر منافسة دايماً ودة بسبب إن فيه شركات وخدمات كتير بتظهر فجأة وبشكل متكرر علي مواقع التواصل فقط فبالتالي مش معيار لوحده علي النجاح.

بريت فارميلو مؤسس شركة تسويق علي شبكة الإنترنت اسمها “Markitors”  نصح الشركات المبتدئة علي مواقع التواصل الإجتماعي إنهم يتعرفوا علي العملاء بتوعهم ويتواصلوا معاهم بشكل كافي خصوصاً في البداية. وفي تصريح لصحيفة بيزنس نيوز اقترح بردة علي أصحاب المشاريع إنهم يحاولوا يكتشفوا منصات علي الإنترنت اللي بيقضي فيها العملاء أغلب وقتهم. مهم إنك تضع خطة المحتوي اللي ممكن تنفذه داخلياً ومن ثم نتفيذ الخطة دي عن طريق نشر المحتوي علي المنصات اللي وقع إختيارك عليها. وبرغم إن كل الخطوات دي مهمة ولكن الأهم هو إنك تتأكد إن العملاء المستهدفين بتوعك موجودين بالفعل علي المنصات دي.

 

التسويق عبر البريد الإلكتروني

علي الرغم إن إستخدام البريد الإلكتروني في التسويق  مش جديد زي إستخدام مواقع التواصل ولكنه في نفس الوقت إختيار مشهور وفعال لكتير من أصحاب المشاريع الصغيرة. أي شركة تقدر تنفذ خطوة التسويق عن طريق البريد في عدد من الخطوات البسيطة بما في ذلك خطابات الأخبار والحملات الإعلانية وخطابات المعاملات التجارية. شركات زي “MailChimp”  أو “Constant Contact”  بيساعدوا الشركات الأخري إنهم يقوموا بحملات إعلانية عن طريق البريد الإلكتروني.

أوضح مارفيلو إلي إن الشركات تقدر توفر مجهود التسويق عبر البريد الإلكتروني عن طريق تجزئة أسواقها. وقال كمان إن مش كل العملاء أو المشتركين عايزين يحصلوا علي نفس الضجة اللي بتعملها أغلب الشركات في الحملات الإعلانية. المسوقين الأذكياء عن طريق الإنترنت بياخدوا وقت في الحكم علي العملاء في البداية لحد ما يشوفوا مدي نشاطهم وتفاعلهم مع الشركة. وبرغم تقسيم العملاء لفئات بتضطر الشركات في وقت إنها تقلل عدد المشتركين الغير فعالين وتزود من معدل نشاطها علي الإنترنت وأهم شئ إنها تبدأ تاخد خطوات أكتر بخصوص أي إميل تم إرساله (وللمقارنة جنباً إلي جنب بين أهم وأفضل خدمات التسويق عن طريق مواقع البريد الإلكتروني زور موقع Top Ten Reviews  .

 

التسويق عن طريق الهاتف المحمول

طبعاً من بعد شهرة السمارت فون والتابلت دة ساعد جداً الشركات إنها تحدد توجهها في التسويق والعملاء المستهدفين بتوعها. ونتيجة لدة بتطمح شركات كتير إنها تنفذ بعض الخطط التسويقية اللي تقدر توصل لأجهزة العملاء.

مينفعش نعتبر إن التسويق عن طريق الهاتف المحمول مجرد إمتداد للتسويق علي الإنترنت أو بالبريد الإلكتروني. توفر الهواتف المحمولة مع العملاء أغلب الوقت بيأكد إن التسويق دة هيوصله في رسالة علي الهاتف أو بالإشعارات.

وصرح مارفيلو إن التسويق عن طريق الإنترنت يعتبر عائق. ودة بسبب قوة المسوق إنه يترك المستهلك يقرر بنفسه إزاي وامتي يستلم مواد التسويق. وبسبب دة كل التطبيقات تقريبا أصبحت ملحقة بإختيار تشغيل أو إيقاف الإشعارات. لازم المستهلك يكون عنده القدرة والإمكانية إنه يتحكم في التسويق اللي بيوصله عن طريق جهازه.

وعلشان مش يزعج المستهلك وجود وسيلة التسويق دي عن طريق جهازه خلي بالك دايماً من تحديد كيفية وتوقيت وصولك للمستهلكين. توقع امتي وليه ممكن يستخدموا هواتفهم واعرض عليهم ما يناسب حالتهم في الوقت دة.

 

خطوات أخيرة

بمجرد تعرف كل نوع من أنواع طرق التسويق المختلفة دي علي كل الخطط اللي فاتت لازم تحدد ساعتها خطتك الأنسب وطريقتك المفضلة للتسويق. عندك إستعداد تقضي وقت أد ايه في كل نوع من دول؟ إيه النتايج اللي تتوقعها؟ وإيه المهام اللي محتاج تنجزها في كل خطوة علشان تحقق هدفك؟

حاول تحط قايمة محددة بالميزانية والأهداف وبالمنتجات وتأثيرها علي الناس وإختيار مجموعة الموظفين المختصين في كل مهمة. كل دة هيساعد خطة التسويق بتاعتك إنها تتحول لحقيقة.

كمان مهم إنك تقرر من البداية إزاي هتقدر تقيس نجاحك. هل تتمني تشوف زيادة في المبيعات أو الحصول علي طرق التواصل مع عملاء جدد؟ هل هتحدد 6 شهور كمقياس لنجاح كل نوع وتقارن النتايج مع المجهود اللي بذلته والنتيجة اللي توقعتها؟ لو حصل ولقيت نوع خذل توقعاتك راجع النتايج علشان تتجنب فيما بعد الأخطاء وتضيف موارد أكتر تساعد علي النجاح. لو ضاع كل مجهودك وحسيت بإحباط كنتيجة لفشلك في فهم الجمهور إرجع للأساس مكان ما بدأت. أطلب من العملاء بتوعك إنهم يشاركوا في استطلاع عن طريق البريد الإلكتروني عن عاداتهم في مواقع التواصل الإجتماعي مقابل كوبون أو خصم تقدمه ليهم يساعدهم إنهم يكتشفوا العلاقة ما بين تفاعل المستهلك ومجهودك في التسويق.

Amna Omar
آمنة عمر طالبة بقسم ترجمة إنجليزي فوري بكلية لغات وترجمة جامعة الأزهر | النواة #701 مترجمين
1

التعليقات على إزاي تقدر تعمل خطة تسويق “marketing plan” فعالة

  • معلومات قيمه فعلا

    mohammed أبريل 13, 2016 8:34 ص رد

أضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
Loading...