معاً نصنع المُستقبل

ياتري احنا عايشين لوحدنا فى الكون دة ؟ Imagining Other Earths

0 423

ياتري احنا عايشين لوحدنا فى الكون دة ؟
السؤال اللي مدوخ ناسا وبتصرف عليه معظم فلوسها  ^_^ .. نفس  السؤال بيطرحه كورس ” Imagining Other Earths ” وبيقدم فيه دكتور “ديفيد سبيرجل” المفاهيم الأساسية في علم الفلك ،وعلم الأحياء وعلوم الكواكب اللي هتمكن الطالب من التكهن علميا بإجابة السؤال ده .
الكورس بيغطي نقط كتير( على مدار 24 اسبوع  ^_^) زي :
1- تكوين هيكل نظامنا الشمسي وأقرب النجوم لينا، وبعدين بيخرج بره للمجرة بتاعتنا والتعرف على الأكوان المرئية
اللي حوالينا .
2- وعلشان نعرف نبحث عن وجود حياة تانية ، يبقى لازم نفهم النهج المختلفة لتحديد الحياة ،علشان كده هيشرح
المكونات الأساسية للكيمياء الحيوية ، وبيناقش الجهود المبذولة لبحث وجود حياة على سطح المريخ .
3- التعرف على بعض خصائص كوكب عطارد اللي مع انه كوكب حار جدا الا ان في جليد متكون على أقطابه،وكوكب الزهرة وغلافه الجوي اللي بيخلي سطح الكوكب غير قابل للسكن ، وكوكب المريخ اللي ممكن يكون الكوكب التاني في نظامنا الشمسي اللي يحتمل وجود حياة عليه ، وهيناقش أقمار كوكب المشترى وزحل وان ممكن يكون بعضها صالح للسكن من قبل بعض أشكال الحياة
4- هيشرح المذنبات والكويكبات اللي اتبقت من تكوين نظامنا الشمسى وازاي ان تصادمها مع الأرض شكل تاريخ الأرض
5- نظرية اينشتاين للنسبية العامة بتقولنا ان الكتلة بتحنى الفضاء حولها وبتخلي الضوء ينحرف (فاكرين فيلم  ^_^ interstellar )
ازاي بنستخدم النظرية دي للكشف عن الكواكب الموجودة في النجوم البعيدة عننا ،
و”الكواكب اليتيمة” اللي الشمس بتاعتها طردتها وقاعدة تتجول في المجرة ^_^ ، وبعد كده هيسيب الكواكب ويبدأ يشرح في النجوم وكيفية تكونها ومكوناتها
6- وبعدين هيدخل على الأرض ومراحل تطور الحياة عليها ، وهيشرح ” Extremophiles ” اللي هي أشكال الحياة اللي ممكن تعيش في البيئات القاسية (المناطق اللي درجة حرارتها عالية أو منخفضة جدا، والمناطق ذات الحمضية العالية او النشاط الاشعاعي الشديد)

و أمثلة وجودها على الأرض ، وهيدخل في الانقراض اللي حصل على الأرض وان مالا يقل عن 5انقراضات جماعية حصلت في تاريخ الأرض وأكترها شهرة هو انقراض “الديناصورات” لما ضرب كويكب يوكتان الأرض ، وان احنا ممكن نكون في خضم “الانقراض السادس ^_^ ” بسبب التغيرات الكتير اللي بنعملها في البيئة من حوالينا .
7- وهينهي الكورس بمناقشة “مفارقة فيرمي | Fermi Paradox ” اللي بتقول ان الحياة التكنولوجية المتقدمة هي
شائعة ومنتشرة من فترة في مجرتنا ولو ده صحيح يبقى “ليه لسه ماحدش منهم جه يزورنا ؟؟؟؟؟” why aren’t they here

الكورس دسم ومهم جداً لأي واحد بيحب علوم الفلك ، او بيفكر يسيب الأرض كلها ويهج ^_^ ،وبتقدمه واحدة من أشهر الجامعات الأمريكية ” جامعة برنستو ن”على منصة كورسيرا وهيبدأ يوم 4 سبتمبر  :
https://www.coursera.org/learn/life-on-other-planets

تعليقات
Loading...