منحة ELC لدراسة اللغة الانجليزية فى جامعة دانفر الامريكية

4 14٬464

فى حالة انك مهتم بالتطوير من مستواك فى ال English  .. أستأذنك تركز جداً لان حضرتك قدامك فرصة تسافر ” امريكا ” تتعلم English هناك .. فى منحة مدفوعة التكاليف بالكامل ^_^ #ملكش_حجة
مش بس كده انت كمان هتكون جاهز لـ تدريس الانجليزي كمهنة

مركز اللغة الإنجليزية   ELC” The English Language Center  “في جامعة دانفر في الولايات المتحدة بيقدملك تجربة تعليمية جديدة وفريدة من نوعها ازاي بقى ؟
المركز مقدم مسابقة جايزتها منحة دراسية كاملة لدراسة اللغة الانجليزية في برنامج انجليزي مكثف ، بجانب انه موفر
مصاريف المعيشة .
طيب ايه الأوراق المطلوبة ؟
“الشهادة بس”

ان كانت الثانوية “علشان بتوع ثانوي مايزعلوش ^_^” أوالشهادة الجامعية
ومش محتاج حتى تترجمها ، خد منها صورة وابعتهلهم بجانب انك لما تدخل على الموقع الخاص بالتقديم هتلاقي المطلوب منك كالتالي :
1.أسئلة اختياري مدتها 8دقائق (الاسئلة عبارة عن اختياري وبتدور مثلا عن المركز بتتكون الدراسة فيه من كام
مستوى واتأسس امتى ، اسئلة عن جامعة دنفر والمركز اللي بتاخده بين الجامعات “يعني كده شوية معلومات عامة
بس بيحط ليك في كل سؤال لينك يدخلك على الجامعة ممكن تعرف منه المعلومات دي” ، أسئلة عن ولاية
دنفر)فممكن تعمل اكونت مختلف و تدخل تشوف اللينكات و تجمع شوية معلومات عن الجامعة والمركز وبعدين
تتدخل تمتحن  ^_^
2.سؤال مقالي عن ازاي تعلمت انجليزي وفي فترة قد ايه وياترى سافرت قبل كده لدولة لغتها الانجليزي،وقد ايه
بتستخدم الانجليزي في حياتك اليومية
3.كلمهم عن نفسك وخلفيتك واهتماماتك وهواياتك ونفسك تعمل ايه في المستقبل (سؤال مقالي(
4.ازاي دراستك للمنحة دي هتفيدك في المستقبل في مهنتك كمدرس (سؤال مقالي(
5.ارفع شهادتك التعليمية ” ثانوية أو جامعية ”
6.نموذج بتملي فيه بياناتك الشخصية
السؤال الأول “الاختياري” مسموحلك تدخله مرة واحدة بس لكن باقي الأسئلة المقالية ممكن تدخل تعدل فيها
” Perfect English is not the most important, your PASSION is” وبيحطلك جملة حلوة في نهاية الاسئلة
طيب ايه مواصفات الناس اللي عايزينهم :
1.شغوف بتعلم الانجليزي
2.محتاج يحسن مهارته في الانجليزي
3.عايز تتعمق في الثقافة الأمريكية
4.بتخطط انك تشتغل في مهنة تدريس الانجليزي في المستقبل
5.هتقدم حاجة مختلفة للELC
رابط التقديم :

https://sqore.com/opportunity/future-english-instructors-competition

آخر موعد للتقديم : 15 فبراير 2017

4 تعليقات
  1. كرم الضبع السيد ابراهيم يقول

    حاجه جميله خالص تعلم الانجليزية وتطوير مستواك فيها

  2. كريم يقول

    لو سمحت هو الكل بيتقبل .. ولا فى مسابقه .. واعلان النتيجه امتا .. المنحه مجانيه وشامله كل حاجه ؟؟ شكراا

  3. Hamad alsiddeg يقول

    I want speak English fluently and I
    stduy

  4. مصطفى يقول

    لو سمحتم اريد منحه لدراسة اللغه الانجليزيه للحصول على تويفل ؟؟

اترك رد

لن يتم نشر عنوان بريدك الإلكتروني.