5 أفلام وثائقية تستحق المشاهدة

0 3٬049

كتير مننا بتستهويه مجالات تانية بعيدا عن دراسته أو شغله .. و بتلاقي نفسك عايز تعرف أكتر عن المجال ده .. مقال تقراه، بوست على الفيس يوقع تحت ايدك .. او بالصدفة تلاقي فيلم بتدور أحداثه عن المجال اللي بتحبه .. ومع ان بيكون افضل حل انك تقرا علشان تشبع شغفك بالحاجة اللي بتحبها .. لكن للاسف بتلاقي معظمنا بيمل من القراية او أساسا مش بيحبها ^_^

علشان كده كان الحل في “الافلام الوثائقية” واللي ممكن تلاقي فيلم واحد منهم بيقدملك مجموعة هايلة من المعلومات ، بجانب طبعا الجو المثير للاحداث بتاعت الفيلم والاصوات والصور اللي بتشجعك اكتر ان تتفرج عليه والل ممكن ما يخدش من وقتك اكتر من ساعة او اتنين .

واحنا في الوادي هنحاول بين فترة والتانية نرشحلكم مجموعة من الافلام في مجالات كتير (فلك ، حياة برية ، تاريخ ، تكنولوجيا …الخ ) النهاردة هنبدأهم ب 5 أفلام وثائقية تستحق المشاهدة :

المواطن الرابع “Citizenfour”

الفيلم انتاج 2014 وبتدور أحداثه حول “إدوارد سنودن” الموظف السابق في وكالة الاستخبارات الأمريكية واللي قدر انه يسرب مجموعة من الوثائق السرية جدا للصحافة ومنها برنامج “بريسم” واللي بيشرح فيه التنصت العالمي اللي بتقوم بيه وكالة الأمن القومي وشركاءها على المواطنين الأجانب والأمريكان .

رحلــة إلى حافة الكـــون

 

الفيلم اصدار 2008 عبارة عن رحلة افتراضية بتنطلق من الأرض وعبر مجرتنا وصولا إلى مركز الكون ، لمحبين علوم الفلك هيمدهم الفيلم بمعلومات كتير غير العجائب اللي هتتفرج عليها ، لينك الفيلم :

المــوميــاء الغامضــة

 

مومياء ترجع ل 3000 سنة ، اكتشفت في مخبأ سري مع بعض أشهر فراعنة مصر ، لكن المشكلة انها متحملش أي اسم ومافيش على التابوت أي نقوش أو اشارات تدل على صاحبها غير نظرة الرعب الموجودة على وش المومياء ، فيلم حلو للي بيحبوا التاريخ المصري القديم وغموضه :

متع ذهنك، أبهر نفسك

 

الفيلم بيبدأ بسؤال “هل تعتقد أنّك تتحكّم في عقلك ؟” وبيوريك على مدار الفيلم قد ايه انت ممكن تكون غلطان ، لو انت زي من متابعين “ألعاب العقل” على ناشونال جيوغرافي يبقى الفيلم ده هيعجبك

هجرات عظمى

سلسلة أفلام بتدور حول الحيوانات المهاجرة بداية من اصغر الفراشات لأكبر أنواع حيوانات النو الأفريقي ، مجموعة من الحكايات المدهشة عن الميلاد والموت والكفاح اللي أنتجت على مدار تلت سنين واتصورت في أنحاء العالم ، ودي أول حكاية فيهم

اترك رد

لن يتم نشر عنوان بريدك الإلكتروني.