دليلك عن ” طب الأسنان ” من جامعة Sheffield البريطانية

0 552

فى حالة انك طالب ثانوي و تحديداً ” علمي علوم ” .. فأستأذنك تركز جداً .. خاصة لو كان شغفك وهدفك هو ” طب الاسنان ” لان الكلام اللى جاي دة يهمك جداً .. و يهم كل اللى ملحقش طب اسنان بسبب التنسيق .. و يهم اللى فى كلية طب اسنان هو كمان ^_^

جامعة Sheffield البريطانية و اللى بتصنف حالياً كواحدة من افضل 100 جامعة عالمية .. بدأت فى تقديم كورس مجانى على منصه futurelearn
كورس ” Discover Dentistry ” .. الكورس مستمر لمدة 6 اسابيع بمعدل 3 ساعات فقط اسبوعياً .. بأسلوب بسيط و مسلي عشان يوصلك اهمية طب الاسنان و تأثيرة فى حياتنا
بجانب تغطيته لـ تشريح الاسنان و نموها و امراضها aspects of tooth anatomy, morphology, development and disease
كمان بيستعرض تخصصات طب الأسنان ..أمراض الأسنان ، طب أسنان الأطفال، اللثة، الجراحة الفموية.
و تصميم وتصنيع ترميم الأسنان والأطراف الصناعية و ازاى تطورت بشكل ملحوظ جداً فى اخر 5 سنوات ..
و بينتهي الكورس بجولة سريعة فى اهم الابحاث اللى شغالين عليها في جامعة شيفيلد .. و توجهات طب الاسنان حالياً فى المجتمعات الحديثة و المتقدمة
عشان كده قولنالكم ان الكورس مناسب لطالب الثانوي اللى محتاج جرعة حماس .. و للى ملحقش طب اسنان بسبب التنسيق لكن منسيش هدفه و شغفه .. و طبيب الاسنان هو كمان .. لان دوره منتهاش بلقب دكتور و مهم انه يطور من نفسه ديماً
تقدر تنضم للكورس من خلال الرابط ده :

https://www.futurelearn.com/courses/discover-dentistry

كل اللى عليك تعمل Join Course .. وتستعد لرحلتك مع بروفيسور Christopher Stokes على مدار ال6 اسابيع الجايين ^_^

#share_في_الخير متعرفش مين حياته ممكن تتغيير بسببك ^_^

اترك رد

لن يتم نشر عنوان بريدك الإلكتروني.