ساعات كتير بنلاقى نفسنا بنبص على المهام اللي علينا من بعيد كأن حد تاني المفروض يقوم بيها ^_^ ، و في حين اننا ممكن نتعامل مع بعض المهام التانية بحماسة ، إلا أن بعض المهام بتخلينا نحس كاننا في وضع الجمود بينما مواعيد انهاء المهام دي بتقرب او حتى عدت.

لو كل ده مألوف ليك فدي شوية أدوات ممكن تستخدمها في المهمة الجاية اللي هتلاقي نفسك هتسوف فيها .

خلي بالك من الكمال او “Perfectionism”
لو انت من المهووسين بفكرة الكمال هتلاقي المهام والمشاريع قعدة تكبر وميعادها يقرب وانت خايف من انك تبدأ فيها حتى ، فلو لقيت الموضوع ده بيخليك تسوف ساعتها ساعد نفسك من خلال تخفيف المعايير بتاعتك شوية . وجط تصور انك تعمل شغل “جيد بما فيه الكفاية” ولو عندك الوقت والطاقة وصله ل “رائع” .

وما تخليش هدف الكمال يمنعك من البدء!

وفي بعض الاحيان “Done is better than Perfect ”

ابعد”المهام السريعة” من الطريق

أحيانا قايمة المهام الطويلة هتخليك تسوف في انك تبدي اي مهمة في القايمة . لما تلاقي قدامك حاجات كتيرة محتاجة اهتمامك ده هيتستنزف الطاقة اللي محتاجها للبدء. علشان كده لاحظ طول المدة اللي محتاجها كل عنصر في القايمة لإكماله. و خذ أي عنصر يمكن إكماله في 5 دقائق أو أقل ، واعمله علطول.

وده هيخليك تختصر قايمة المهام بتاعتك بسرعة وكمان هيحفزك انك تكمل باقي القايمة

خطوات صغيرة

كسر المشاريع الجديرة بالمماطلة لخطوات أصغر هو تقنية معروفة وفعالة للقضاء على التسويف فكل ما تكمل خطوة ، هتشعر بالحيوية والحماس لإكمال المزيد.

قم بالأشياء السهلة أولا

لما نحس ان المهمة صعبة فغالبًا ما نشكك في قدرتنا على التعامل معاها.و إحدى الطرق لبناء الثقة بالنفس هي معالجة الأجزاء الأسهل من المهمة في الاول ، و ده هيديك دفعة انك تكملها لان بمجرد اكتمال الأجزاء السهلة من المهمة هتبقى بقية المهمة أصغر حجمًا و تبدو أسهل في التعامل معها وبكده هتزيد ثقتك بنفسك انك تقدر تنهيها

أو قم بالأشياء صعبة أولا

لو انت عارف ان المهمة تقدر تعملها وفي متناول ايدك ولكنك بتسوف علشان المهمة كبيرة فساعتها اتجنب شوية من الضغط واتعامل مع الأجزاء غير السارة أو الصعبة من الوظيفة أولاً. وساعتها هتبعد الجزء الأكتر إزعاج من المهمة عن الطريق ، وتخلص نفسك من كل مشقة بتغريك انك تسوف

ابحث عن المحفزات

في فمرة وانت بتسوف انك تبدا مشروع كبير او مهم بالنسبة ليك بالصدفة شوفت فيديو ، سمعت اغنية او قريت جزء من كتاب او قعدت مع واحد من صحابك حسيت ساعتها بطاقة كبيرة وانك عايز تبدا في المشروع ده حالا ، اهي الحاجات دي بدل ما تكون صدفة خليها المرة الجاية كدافع و وقود لك انك تبدا تشتغل في الحاجة اللي عايزها ، فمكن تعمل playlist للاناشيد ، او اقرا جزء من الكتاب ده كل يوم الصبح ، او قرب من صاحبك اللي بيشجعك وابعد عن رفقة السوء اللي مودياك في داهية دي ^_^

استخدم طاقتك بحكمة

هل سبق ولاحظت ان طاقتك بتكون عالية في أوقات معينة من اليوم؟ حاول انك تستغل الاوقات والطاقة دي في انجاز المهام اللي بتمثل تحدي كبير بالنسبة ليك وسيب المهام السهلة لما تكون منهك في اخر اليوم

اكيد كلنا عارفين اهمية اللغة الإنجليزية وازاي ان اللغة بتفرق جداً في شغلك او دراستك او حتي سفرك لأي بلد أجنبية.
طب أبدأ أتعلم أزاي وفين؟

أكيد السؤال ده بيدور في رأس ناس كتير خصوصاً الأيام دي ، بسبب انتشار مراكز التعلم الكتيرة وبأسعار مبالغ فيها ، ولو كنت بتفكر في حاجة مجانية وتكون أونلاين مش هتلاقي الجودة المطلوبة او المعلومات الكافية. بس في مقال النهارده هقدملك مصدر مجاني ومحترف في تعليم اللغة الإنجليزية وبمناهج مناسبة للمبتدئين في اللغة والمتقدمين في نفس الوقت.

ليه أنت محتاج تتعلم إنجليزي؟

صراحة ده سؤال غير منطقي فى وقتنا الحاضر ، لأن اللغة الإنجليزية بقت جزء أساسي من حياتنا الشخصية والعملية ، فمعظم المجالات الدراسية مصدرها الأساسي اللغة الإنجليزية ، فـ لو كنت حابب تتعلم مهارة جديدة او لغة جديدة علي سبيل المثال فمعرفتك باللغة الإنجليزية هيسهل عليك البحث والتعلم وهتكون محترف في مجال دراستك أو شغلك لأنك قدرت توصل للمصادر الأصلية عن طريق اللغة الإنجليزية..ده كان جزء صغير ذكرته من مميزات كتيرة وكبيرة تقدر تستغلها لما تكون عارف إنجليزي كويس.

طب خلاص أنا قررت أتعلم إنجليزي أبدأ أزاي ومنين؟

طبعاً مصادر تعلم اللغات علي الإنترنت كتيرة خصوصاً اللغة الإنجليزية ، بس علي الرغم من توافر كورسات تعليم الإنجليزي أونلاين ، فمعظم الكورسات دي بتكون مدفوعة وثمنها بيكون غالي إلي حد ما بالنسبة لينا كـ عرب ومصريين .. أما لو كنت بتدور علي كورسات مجانية فالمحتوي التعليمي مش هيكون بالمستوي المطلوب ..

طب الحل إيه إذا كنت عايز أتعلم إنجليزي بشكل مجاني وبمحتوي تعليمي كويس؟
الحل موجود وتوفر بشكل مجاني وبمحتوي تعليمي ممتاز ومعتمد من جامعات عاليمية زي جامعة كامبيريدج.
موقع Perfectly Spoken هو موقع إلكتروني متخصص في تدريس اللغة الإنجليزية بعدد طلاب بيوصل ل 400 الف طالب ، وكورسات مؤهلة بتغطي كل المستويات بشكل مثالي ومدرسين للغة بخبرة أكتر من 20 سنة في مجال تدريس اللغة الإنجليزية والأهم من كل ده إنه مجاني!!

ليه Perfectly Spoken ؟

أولاً الموقع باللغة الإنجليزية (اللغة إللي أنت عاوز تتعلمها) واللغة المستخدمة في الشرح هي اللغة الإنجليزية..طب وهي دي ميزة ؟ طبعاً ميزة وقد تكون الأهم..عمرك شوفت بائع تحف وإكسسوارات في مكان سياحي ؟ لو ماشوفتش أنا أقولك..البائع في الأماكن السياحية مابيكونش معاه شهادة إبتدائية وبيتكلم إنجليزي أحسن من أي مدرس إنجليزي في مصر! ببساطة لأنه إختلط بالمتحدثين الأصليين للغة (native speakers) وده إللي خلاه بيتكلم إنجليزي أحسن من أي مدرس إنجليزي بالرغم من إنه ممكن مايكونش بيعرف يكتب إسمه بالإنجليزي..عشان كده أنا دايما أقول لو حابب تتعلم أي لغة حاول تتعلمها من الأصل.

ثانياً موقع Perfectly Spoken بيقدم كورسات اونلاين لكل المستويات من اول مستوي c1 إللي هو المستوي المبتدأ لحد a2 المستوي المتقدم في اللغة..ومن غير اي تقيد لوقتك ، يعني تقدر تخلص الكورس الواحد في المدة الزمنية المناسبة ليك ، لأن بيكون ليك صلاحية الدخول علي محتويات الكورسات مدي الحياة.
المعلمين القائمين علي التدريس بيكونوا أصحاب خبرة كبيرة في مجال التدريس والأهم بتكون اللغة الإنجليزية هي لغتهم الأم ، يعني لو بتهتم بالأكسنت مش هتشيل همها.

ثالثاً الموقع بيقدم اختبار تحديد مستوي مجاناً عشان تقدر تحدد الكورس المناسب لمستواك في اللغة اللي لازم تبدأ منه.
واذا كنت داخل علي امتحان IELTS ، الموقع بيوفر لك كورس إعداد وتأهيل لتأهيلك لإمتحان ال IELTS.
والأهم من كل ده ان الموقع بيقدم لك كل المميزات دي بدون أي مقابل ، لكن لو حابب تزود بعض المميزات زي التواصل المباشر مع المدرس عن طريق البث المباشر او تنضم للجروبات التفاعلية الموجودة علي الموقع ، هتضطر تدفع اشتراك رمزي كل شهر.

طريقة الإشتراك في الموقع:

التسجيل في الموقع مش بيحتاج منك أكتر من بعض البيانات الأساسية من غير ما تحتاج لفيزا او حساب بنكي زي أسمك والبريد الإلكتروني وكلمة السر..وبمجرد تسجيلك في الموقع بتكون ليك الصلاحية للدخول علي كل محتويات الموقع من اختبار تحديد المستوي ومشاهدة فيديوهات التعلم لكل المستويات من غير أي قيود.

لينك موقع Perfectly Spoken : https://perfectlyspoken.com

إحنا كشعب مصري  بنعاني من مشاكل كتیرة جداً ، بس من ضمن المشاكل والعیوب كلها ، في عیبین موجودین عند أي مواطن مصري أصیل .. لكن الجميل  انك تقدر تستغلهم بداية من النهاردة فى تحقيق دخل مادي  شهریًا وأنت قاعد في بیتك بساعتین شغل كل یوم عن طریق جهاز الكمبیوتر او السمارت فون الخاص بیك.

العیب الأول هو الحكم علي كل شئ وأي شئ غیر مألوف ..  أو حتي مألوف معندناش مشكلة ^_^ و دي اول مهارة مطلوب لفرصة النهاردة

العیب الثاني هو إدمان مواقع التواصل الإجتماعي ، وده مایقلش أهمیة عن العیب الأول ، لأن
الوظیفة اللي هنعرضها في مقال الیوم بتعتمد بشكل أساسي علي التقییم وتصفح السوشیال میدیا
الوظیفة هي مقیم لمواقع التواصل الإجتماعي عن طریق موقع Appen

شركة Appen هي شركة تقنیة استرالیة بتعمل على مساعدة الشركات الكبرى في المهام اللي بتحتاج فیها لمهارات بشریة أو الحس البشري كتقییم لنتائج البحث أو عرض رأي بخصوص طریقة عرض الإعلانات ، الترجمة ، التفریغ الصوتي ، ومهام تانیة مشابهة.

معظم عملاء Appen شركات عملاقة زي جوجل Google و فیسبوك Facebook و آبل Apple و في معظم الأحیان بتستعمل الشركات دي المدخلات البشریة .. المهام اللي الشخص بیقوم بیها .. لتغذیة برامج تعلیم الآلة Machine Learningالخاصة بهم.
بحیث تمتلك برامجهم مع مرور الوقت حس شبیه بالحس البشري من حیث فهم وتقییم المهام ومعالجتها وتمییز الاختلافات بینها.

طریقة عمل موقع Appen :

في Appen أنت بتشتغل كمتعاقد مستقل  Independant Contractor یعني  شغلك مع الموقع مش معناه انك موظف دائم.
أنت فرد مستقل قمت بالتعاقد مع شركة Appen عشان تقوم بمهام محددة في مشروعات محددة ولعدد ساعات محددة في الیوم وفي الأسبوع.
بتضم بنود التعاقد عدد الساعات الأسبوعي والیومي المسموح لیك العمل بها ، واللي لا یسمح لیك في معظم المشاریع تخطیها أو التقصیر فیها ، مع العلم أن معظم المشاریع بتتیح ٢٠ساعة شغل أسبوعًیا بعدد ٤ساعات یومًیا لخمسة أیام في الأسبوع مع إمكانیة إتاحة ساعات إضافیة أحیانًا ، حسب احتیاجات المشروع. و كمان بیكون في مشاریع بتتیح ساعة واحدة یومًیا كل یوم. وبعض المشاریع تضع حد أقصى دون حد أدني ، بحیث تقدر تشتغل أي عدد من الساعات بشرط أنه ما یتخطاش ال ٢٠ساعة أسبوعًیا مثًلا. و بعض المشاریع بتضع حد أدني وحد أقصى زي مث ًلا لا تقل عن ١٥ساعة ولا تزید عن ٣٠ساعة كل أسبوع.

بتتیح شركة Appen الفرص كتیرة حول العالم ، وتختلف مجالات العمل بین تقییم محركات البحث وتقییم وسائل التواصل الاجتماعي ، والتفریغ الصوتي ، وإضافة الترجمات أو التفریغ الصوتي لملفات الفیدیو ، وجمع البیانات وغیرها. لكن بالنسبة لمصر و العالم العربي .. بتنحصر الفرص المتاحة في تقییم محركات البحث وشبكات التواصل الاجتماعي.

العمل كمقیم لشبكات التواصل الاجتماعي :
مقیم شبكات التواصل الاجتماعي هي ببساطة شدیدة عبارة عن وظیفة مستقلة ، یقوم فیها المقیم مع موقع Appenبتقییم جودة وأهمیة المعلومات والبیانات الموجودة علي مواقع التواصل الاجتماعي في منطقته أو البلد المقیم فیها زي موجز الأخبار ، الإعلانات ، او نتائج البحث.
الشركات المتعاقدة مع موقع Appenبتحتاج المعلومات اللي بیجمعها المقیم لتحسین فاعلیة وملاءمة الخدمات اللي بتقدمها الشركات دي.

ممیزات العمل لدي موقع  Appen :

● نظام عمل مرن، بحیث تقدر تشتغل في أي وقت وأي مكان تریده ولأي مدة طالما التزمت بعدد الساعات المحدد لكل یوم
ولكل أسبوع.
● مش هتحتاج لأي خبرات مسبقة أو مهارات تقنیة متقدمة
● العائد مجزي بالنسبة لشغل بدوام جزئي وأنت في بیتك. العائد بیكون حسب كل مشروع ، بعض المشاریع بیكون العائد علي كل ساعة شغل $4وبعض المشاریع بیوصل العائد ل $20دولار علي كل ساعة شغل.
● عمل حقیقي على الإنترنت لدى شركة معروفة عالمًیا وموثوقة.
● تحویلات مالیة منتظمة.
● مسئولون المشروعات متعاونون جداً وبیردوا على أي إستفسار بسرعة.
● معظم المهام تكراریة ومتشابهة ، یعني مع الوقت هتتعود وهیكون تنفیذ المهام أسهل بالنسبة لك.

التسجیل بالموقع واستلام الأرباح :
التسجیل في موقع Appen سهل وروتیني زي التسجیل في أي موقع عادي ، أثناء التسجیل هیطلب منك الموقع ال CVبتاعك.
https://appen.com/careers
طریقة سحب الأرباح من الموقع بتكون في یوم 14من كل شهر عن طریق بنك البایونییر الإلكتروني ، تقدر تفتح حساب في بنك .. البایونییر بكل سهولة وتطلب فیزا البنك وتوصلك لحد باب بیتك تقدر تسحب بیها أرباحك.

العقل البشري يومياً بيعالج متوسط 70,000 الف فكرة .. اوما يعادل 2.5 مليون جيجابايت ! لكن على الرغم من قوة العقل الجبارة .. الا ان ” الذاكرة ” مش بنفس القوة للآسف .. و بعد 24 ساعة بالظبط بتتعرض لخسارة 70% من اي معلومات جديدة بتكتسبتها و خلال شهر بتكون فقدت متوسط 90% من المعلومات دي ! الا لو استخدمتها

خسارة المعلومات الجديدة مع مرور الوقت .. قدر يوصفها عالم النفس الالمانى ” Hermann Ebbinghaus ” سنة 1885 من خلال  الـ Forgetting Curves او ” منحنيات النسيان ”

اية هي الـ Forgetting Curves او ” منحنيات النسيان ” ؟
بأختصار شديد هي معادلة رياضية بين قدرتك على استرجاع المعلومات و بين الوقت اللى مضي على تعلمك ليها .. و باتقانك للتعامل مع ذاكرتك هتقدر تحافظ على المعلومات و تسترجعها بشكل افضل .. خاصة اثناء محاولتك تعلم  لغة جديدة

السؤال الأهم دلوقتى ! ازاى تحافظ على المعلومات لمدة اطول و تسترجعها بشكل اسهل :

1- التكرار ثم التكرار ثم التكرار

التكرار هو السر الاول للحفاظ على المعلومة و حسب الابحاث اللى اتبنت بناء على نظرية  Hermann Ebbinghaus
فـ من الافضل انك تكرر مراجعة المعلومات اللى اكتسبتها بعد ساعتين من حصولك عليها .. و تحاول تسترجعها من ذاكرتك بعد 24 ساعة .. وبعد اسبوع حاول تربطها بمعلومات جديدة

على سبيل المثال لو بتتعلم لغة جديدة .. حاول تلخص الكلمات او القواعد اللى اتعلمتها فى ورقة و بعد ساعتين ارجع راجع عليها
و تانى يوم حاول تستخدم الكلمات الجديدة اللى اتعلمتها مع نفسك او مع اى شخص حوليك بيتقن اللغة دي
و بعد اسبوع حاول تتعلم جمل بتحتوي على الكلمات دي

2- حول المعلومة لـ صورة اوضح

دي تعتبر النقطة الاهم .. عشان كده حاول ديماً انك تحول اى معلومة لـ رسمة او diagram و بالتالى هتكون اسهل انك تتذكرها من انك تاخد المعلومة مباشرة من مرجع او بحث

ياتري اية العامل المشترك ؟ بين :
1- آيلون ماسك : العبقري صاحب الانجازات الممتدة من الارض للفضاء حرفياً ( مؤسس سبيس أكس و تسلا ) و اللى ثروتة تقدر حالياً ب 19 مليار دولار

2- وارن بافيت : المستثمر الاشهر و ثالث اغني رجل فى العالم انطلاقاً من 40 دولار ل ثروة حالية و اللى تقدر بـ 85 مليون دولار

3-  ساندر بتشاي : المدير التنفيذي لشركة جوجل حالياً .. المهاجر الهندي .. و اللى صافي ثروتة وصل لـ 1.2 مليار دولار

حقيقةً  فى عشرات الصفات الشخصية المشتركة اللى قادتهم لطريق النجاح  .. لكن واحد من العوامل اللى ساعدتهم فى الوصول للمرحلة الحالية من النجاح .. و هي مرجعيتهم العلمية و تحديداً دراستهم فى كلية ادارة الاعمال بجامعة بنسلفانيا الامريكية
Wharton School of the University of Pennsylvania

و اللى تكلفة الدراسة فيها لمدة سنتين هتكلفك ما يقارب ال 240 الف دولار !
لكن لحسن الحظ فى الوقت الحالى .. انت تقدر تستفيد باغلب الكورسات اللى بتقدمها الجامعة مجاناً و انت قاعد فى بيتكم  ^_^ من خلال منصة Coursera  و Edx

عدد الكورسات المتاحة حالياً هو ( 58 ) كورس .. هتلاقوا list كاملة بيهم و reviews  من طلبة استفادوا بالفعل من الكورسات دي قبل كده من خلال موقع classcentral :
https://www.classcentral.com/university/penn?subject=business

لكن ترشيحنا ليكم كـ وادي المشمش ف ال 4 كورسات دي لا غني عنهم و يعتبروا الاهم وفقاً لتجربتنا و لـ اغلب المراجعات

Entrepreneurship 1: Developing the Opportunity
https://www.coursera.org/learn/wharton-entrepreneurship-opportunity

Entrepreneurship 2: Launching your Start-Up

https://www.coursera.org/learn/wharton-launching-startup?specialization=wharton-entrepreneurship

Entrepreneurship 3: Growth Strategies

https://www.coursera.org/learn/growth-strategy?specialization=wharton-entrepreneurship

Entrepreneurship 4: Financing and Profitability

https://www.coursera.org/learn/wharton-entrepreneurship-financing-profitabilty

كل المجالات حاليًا بتطلب المواكبة والإطلاع على كل ما هو جديد في المجال عشان تقدر تنافس في السوق. التفكير بشكل مميز وغير تقليدي هو جزء لا يتجزأ من إبداعك في الشغل. بعد تقرير أجرته Adobe اكتشفوا ان 82% من كبرى الشركات في مجال ريادة الأعمال مؤمنين ان الإبداع ليه علاقة قوية بالنتائج والأرقام والأرباح السنوية للشركة. ووفقاً للتقرير، الشركات اللي بتشجع وتعزز التفكير الإبداعي عند موظفيها بتتفوق على المنافسين ليها في نمو الإيرادات وحصة السوق والقيادة التنافسية في السوق.

و في كتاب Too Fast to Think: How to Reclaim Your Creativity in a Hyper-connected Work Culture بيقدم Chris Lewis نصايح تساعد كل فرد في مجال الأعمال على فهم الإبداع وكيفية تطبيقه في الشغل.

1. الهدوء – الإبداع يحتاج إلى التركيز

مهم تحدد بعض الوقت للتفكير كل يوم، بعيداً عن الضوضاء والفوضى. الخطوة دي بتساعد على انتاج افكار جديدة وحلول لمشاكلك الشخصية والعملية. بالإضافة إلا انها بتساعد على ترتيب حاجات كتير في حياتك. If you are always stressed, creativity will never come

2. الانخراط – الإبداع يحتاج إلى التركيز والالتزام.

اسمع لكل شخص ممكن يقدم ليك حاجة مفيدة وركز معاه زي عملائك وزملائك في فريق العمل ورئيسك في العمل. الأهم من دة كله انك تسمع لنفسك ولأفكارك وتؤمن بيها. واجه مخاوفك وتحدياتك وفكر ازاي تتغلب عليها عشان لما يواجهك التحديات الأكبر في المستقبل تكون مستعد ليها.

3. الحلم – الإبداع يحتاج إلى الخيال والتفكير الحر.

طرحت العديد من الأبحاث بل وأكدت وجود روابط قوية بين الأحلام والإبداع. ناقشت الأبحاث دي فكرة إن الصور الغريبة والغير مفهومة داخل الأحلام وترتيب الأحداث الغير منطقي نموذج للتفكير الحر اللي بيسبق الإبداع والابتكار.

4. الاسترخاء – الإبداع يتطلب الصبر ولا يمكن اجباره على الخروج.

استعجال كل شئ ممكن يؤدي إلى انتاجه وخروجه بشكل سئ. كل شئ محتاج وقت وصبر. الأفكار الجديدة غير مرتبطة بجدول زمني ومواعيد محددة لذلك ملهاش معاد. حاول تمرن نفسك على تهدئة اعصابك اثناء انتظار أي شئ بشكل عام في الحياة.

5. التغذية – عرّض عقلك للأعمال الإبداعية

مرتبط دايمًا في أذهاننا علاقة الإبداع بالفنون ودة فعلًا حقيقي لإن اكتر المستفيدين من الإبداع هم الفنانين زي المؤلف والشاعر والكاتب والملحن والرسام والمصمم. تعرّض عقلك للأعمال الفنية -حسب ميولك- بيشغّل الجانب الأيمن في دماغك ويحفزه على الإبداع والإنتاج.

6. التكرار – المفتاح في التجربة والتكرار

أكد العلماء إن أفضل النتائج تأتي من التجارب، بمعنى إن مع كل تجربة بيتم تغيير عامل أو أكثر مع التكرار، للوصول في النهاية لحل أو نتيجة. وطبعًا أشهر مثال لتوماس اديسون إلى وصل ل 1000 تجربة عشان يقدر ينور لنا أول مصباح كهربائي!

7. اللعب – المتعة تُحفِز الإبداع

حدد إيه الحاجات اللي بتخليك تستمتع حتى لو كانت العاب سواء العاب بدنية ورياضية أو إلكترونية زي البلاي ستيشين وال X-box. أي حاجة هتبسطك هتساعدك تبدع لإن الإبداع والحزن don’t mix.

8. التعلُّم – تعلُّم أشياء جديدة بيولّد الإبداع.

مفيش أدنى شك إن اكتر حاجة بتشغل دماغك هي انك تتعلم اي حاجة جديدة واكيد هتلاقي دايمًا حاجات محتاج تتعلمها في مجالك وخارج مجالك. فمثلًا من الحاجات اللي أصبح لا غنى عنها هي تعلُّم اللغات. اتعلم لغة جديدة او اشتغل على ممارسة لغة اتعلمتها بالفعل.

الخطوات دي هتساعدك تبقى مبدع في وجود حلول مبتكرة لمشاكلك الشخصية وحتى في مجال الدراسة والشغل ودة قابل للتطبيق في شغلك بسهولة لو كنت self-employed. أما لو كنت موظف في مكان خليك فاكر إن الإبداع في الشغل في مكان بالتحديد مش عمل فردي بس، إنما هو عملية بتحتاج قيادة جيدة من صاحب العمل عشان يقدر يطلع أفضل حاجة عند الموظفين، بالإضافة للتعاون مع الموظفين وتقديرهم من خلال الاعتراف علنا بكل فكرة مبدعة ومبتكرة.

اتكلمنا قبل كده في أكتر من مقال عن الذكاء الاصطناعي AI و رشحنا ليكم اكتر من كورس

لكن خلينا النهاردة نسيب الكورسات على جنب شوية ^_^ .. و نعرفكم على اهم مصادر تقدروا تتابعوا من خلالها كل جديد فى عالم الذكاء الاصطناعي AI

1. ” AI Trends “

يعتبر الموقع ده من أهم القنوات الاعلامية في مجال الذكاء الاصطناعي و بيوفرلك حاجات كتير زي اخر المؤتمرات و اية اللي تم اعلانه فيها ، اخر الابحاث ، مصادر مختلفة ممكن تستفيد منها سواء فيدوهات او كتب او اصدرات الصحف ، بجانب طبعا اخبار مجال الاعمال في AI وكل انواع التكنولوجي المستخدمة فيه : https://aitrends.com/

2. “Ai Topics”

مصدر لانهائي من اخبار AI اللي بيجمعها NewsFinder عن طريق البحث في كل المواقع الموثوقة وتجميع أفضل معلومات ، و الحلو كمان ان الموقع يعتبر نفسه تطبيق ل AI ، فشوف بقى الألة محضرة ليك ايه علشان تقرأه ^_^ :

https://aitopics.org/search

3. ” machine learning mastery “

لو انت حابب موضوع machine learning لكن تايه فيه ومش عارفة تقرا فين او تبدا ازاي يبقى دكتور جيسون براونلي ممكن يفيدك ، الرجل ده ليه خبرة واسعة في مجال AI وتطبيقه في مجالات التنبؤ بالجو و الصناعات الدفاعية ، الخبرة دي فادته انه يكتب مقالات و كتب مفيدة ممكن تستفيد منها من المدونة بتاعته : http://machinelearningmastery.com/blog/

4. ” Machine Learning “

لو عايز تعرف المستقبل هيكون عامل ازاي بعيد عن التكهنات و أفلام الخيال العلمي ^_^ و بناء على الحقائق ، يبقى المدونة دي هتكون مفيدة ليك و كمان المقالات بتاعتها مش هتلاقيها مليانة بالتفاصيل التقنية فتكون سهلة الفهم حتى لغير المتخصصين https://machinelearnings.co/

5. “Chatbots Magazine”

يعتبر chatbot أحد تطبيقات AI المنتشرة واللي أي منا هيكون قابل تطبيق منهم ، وعلشان كده في مجلة متخصصة بالموضوع ده ، هتلاقي فيها تفاصيل خاصة ب chatbot و الفيس و المسينجر و التليجرام وغيره :

https://chatbotsmagazine.com/

6. ” Chatbots Life”

لو انت بقى عايز تتعلم عن chatbot فالموقع ده هيكون أفضل مكان ليك ، بجانب هتتعلم برضه AI و NLP عن وتطبيقاتهم : https://chatbotslife.com/

]]> https://mshmshvalley.com/%d9%85%d8%b5%d8%a7%d8%af%d8%b1-%d8%a7%d9%84%d8%b0%d9%83%d8%a7%d8%a1-%d8%a7%d9%84%d8%a7%d8%b5%d8%b7%d9%86%d8%a7%d8%b9%d9%8a-ai/feed/ 0 https://mshmshvalley.com/%d8%a7%d8%b2%d8%a7%d9%89-%d8%aa%d9%83%d9%85%d9%84-%d8%af%d8%b1%d8%a7%d8%b3%d8%aa%d9%83-%d9%81%d9%89-%d8%a3%d9%84%d9%85%d8%a7%d9%86%d9%8a%d8%a7-%d9%85%d8%ac%d8%a7%d9%86%d8%a7%d9%8b-%d9%88-%d8%aa%d9%82/ https://mshmshvalley.com/%d8%a7%d8%b2%d8%a7%d9%89-%d8%aa%d9%83%d9%85%d9%84-%d8%af%d8%b1%d8%a7%d8%b3%d8%aa%d9%83-%d9%81%d9%89-%d8%a3%d9%84%d9%85%d8%a7%d9%86%d9%8a%d8%a7-%d9%85%d8%ac%d8%a7%d9%86%d8%a7%d9%8b-%d9%88-%d8%aa%d9%82/#respond Thu, 04 Apr 2019 19:17:51 +0000 https://mshmshvalley.com/?p=4782 لكل الخريجين من جميع التخصصات واللي عندهم خبرة مهنية لمدة سنتين على الأقل .. المانيا طلباكم بالاسم ^_^ أيوة زي ما توقعتكم .. بنتكلم عن خدمة التبادل الأكاديمي الألمانية (DAAD) .. أكبر منظمة تمويل في العالم للتبادل الدولي للطلاب والباحثين و اللي بتقدم منح دراسية للدراسات العليا يعني بنتكلم على فرصة الحصول على شهادة الماجستير […]]]>

لكل الخريجين من جميع التخصصات واللي عندهم خبرة مهنية لمدة سنتين على الأقل .. المانيا طلباكم بالاسم ^_^

أيوة زي ما توقعتكم .. بنتكلم عن خدمة التبادل الأكاديمي الألمانية (DAAD) .. أكبر منظمة تمويل في العالم للتبادل الدولي للطلاب والباحثين و اللي بتقدم منح دراسية للدراسات العليا
يعني بنتكلم على فرصة الحصول على شهادة الماجستير وممكن الدكتوراة كمان من أعرق الجامعات بألمانية (y)

آخر ميعاد للتقديم: 2019-05-30

مدة المنحة: من 12 لـ 36 شهر وبتختلف حسب نوع البرنامج اللي هتقدم عليه

شروط التقديم للمنحة: (y)
-أن يكون المتقدمين قد حصلوا على درجة البكالوريوس قبل 6 أعوام من الموعد النهائي لتقديم الطلبات
– يكون لدى المتقدمين خبرة لمدة سنتين على الأقل في مجال له علاقة بمجال الدراسة الذي يرغبون في الالتحاق به.
– أن يكون مستوى المُتقدم جيد جدًا في اللغة الإنجليزية
– يجب أن يكون المتقدمون حاصلين على درجة البكالوريوس في تخصص ذو علاقة ببرنامج الدراسات العليا الذي يرغبون في الالتحاق به.

تمويل المنحة:
جزئي ويشمل الآتي:
راتب شهري، تأمين، تكاليف السفر

المهارات اللغوية المطلوبة:
أولًا: بالنسبة للبرامج التي سيتم تدريسها باللغة الألمانية (تشمل المنحة دورة اللغة الألمانية لمدة 6 أشهر):
يجب أن يكون مستوى المتقدم في اللغة الألمانية A2  كحد أدنى في وقت تقديم الطلب.
يجب أن يحصل المتقدمون على شهادة DSH 2 أو Test DaF 4 مع بداية البرنامج الدراسي.

ثانيًا: بالنسبة للبرامج التي سيتم تدريسها باللغة الإنجليزية:
شهادة  IELTS  أو TOEFL (التوفل المؤسسي لن يتم قبوله)
درجة الحد الأدنى: 550 للامتحان الورقي، 213 للامتحان الحاسوبي، 80 للامتحان على الإنترنت.

البرامج الدراسية المتاحة بمنحة التبادل الأكاديمي الألمانية:
العلوم الاقتصادية وإدارة الأعمال، الاقتصاد السياسي، التعاون من أجل التنمية، الهندسة، الرياضيات، التخطيط الإقليمي والحضري، هندسة الطاقة المُتجددة، التخطيط الزراعي والغابات، العلوم الطبيعية والبيئية، الطب والصحة العامة، والتربية والقانون، الدراسات الإعلامية، التعليم، فنون التواصل .. وغيرها

الدول المستهدفة
الدول العربية: مصر، لبنان، تونس، ليبيا، الكويت، قطر، اليمن، تركيا، إيران، الجزائر، المغرب، قبرص، السودان، عمان، السعودية، الإمارات، فلسطين، الأردن، البحرين

طريقة التقديم على منحة التبادل الأكاديمي الألمانية:
تقديم السيرة الذاتية من خلال الرابط التالي شرط أن تكون موقعة باليد:
https://europass.cedefop.europa.eu
خطاب تحفيزي شرط أن يكون موقع باليد
خطابي توصية أحدهما أكاديمي من الجامعة + والخطاب الآخر من جهة العمل الرسمية
إثبات إجادة اللغة (أيلتس أو تويفل أو إثبات إجادة اللغة الألمانية كما سبق وأوضحنا)
نسخة من السجلات الأكاديمية
نسخة من شهادة الثانوية العامة
نسخة من الدرجات العلمية التي حصلت عليها

وقم بملء استمارة التقديم بعناية من هنا:
https://www.daad.de/medien/deutschland/stipendien/formulare/forschungsstipendium_en.pdf

ولمزيد من الاستفسارات والتفاصيل ادخل على الموقع الرسمي للمنحة من خلال الرابط التالي:
https://www.daad.or.th/th/2017/06/08/ทุน-development-related-postgraduate-courses-epos-201920/

ازاى شاب عنده 21 سنة من قرية صغيرة فى نيجريا .. بيأثر فى جزء من حياة اغلبنا يومياً .. ومقابل دة مرتبة بيتجاوز ال 100 الف دولار سنويا ؟!

الحكاية بدأت فى 2012 لما ” Elvis Chidera ” كان لسه عندة 14 سنة .. ومعاه موبايل نوكيا عادي .. لكن الالعاب والتطبيقات اللى علية مكنتش عادية بالنسبة لية وكانت شاغلة جزء كبير من تفكيره .. فقرر انه يبحث على جوجل ازاى ممكن يصمم تطبيق او لعبة للموبايل.
و من هنا اكتشف انه محتاج يتعلم ” برمجة ” .. و بدأ رحلة فى التعلم الذاتي اونلاين من خلال المصادر المجانية و المدفوعة.

وفى 2015 بدأ ” Elvis ” شغله ك freelancer .. و بدأ يساعد اهله فى مواجهة ظروف المعيشة الصعبة فى قريتهم .. بعد ما قدر يحول فضوله لمعرفة و من ثم الى مصدر دخل من خلال الإنترنت.
و تستمر رحلته فى العمل بعد كده مع عدد من الشركات و المشاريع الناشئة داخل وخارج نيجريا .. وصولا للمحطة الاهم و هي تعيينه ك مطور تطبيقات فى شركة careem ( خدمات نقل الافراد – منافس Uber فى الشرق الاوسط).

مقابل مرتب 100 ألف دولار سنوياً و هو لم يتجاوز ال 20 سنة !
فعلياً Elvis مش قصة النجاح الوحيدة لمبرمج اتعلم بشكل ذاتي عن طريق الانترنت ! و أصبح جزء من شركة كبيرة .. فى مئات القصص المشابهة
و الاهم ان ظروف اغلبنا فى الوقت الحالى أفضل من الظروف اللى كان اغلبهم بيمر بيها وقت البداية .. دة طبعاً بجانب تنوع و تعدد المصادر المتاحة للتعلم عن طريق الانترنت حالياً
علي سبيل المثال ( اكاديمية حسوب ) التابعة لشركة حسوب ” المالكة و المسؤلة عن ادارة أهم منصتين للعمل الحر فى المنطقة خمسات,حسوب ”

أطلقت دورة تطوير تطبيقات الجوال باستخدام تقنيات الويب
و اللى من خلالها و على مدار 15 ساعة تدريبية هتتحول من مبتدئ لمحترف قادر على إنشاء تطبيقات لأنظمة أندرويد وأيفون و ويندوز فون بإستخدام تقنيات الويب البسيطة زي : JavaScript, HTML, CSS .
مبتدىء نقصد بيها ” من الصفر ” و بدون الحاجة الى خبرة مسبقة .. مع دعم متواصل و متابعة أثناء الدورة وبعد الانتهاء من قبل فريق مختص هتتحول لمحترف ومعاك شهادة معتمدة من أكاديمية حسوب بعد اجتياز امتحان نهاية الدورة.

و ضمان انك تبدأ فى تحقيق دخل و تنفيذ مشاريع خلال 6 شهور بعد اجتياز الامتحان .. او تستعيد استثمارك ( ثمن الدورة ) .
و الاهم انك تقدر تستفيد بالدورة مدي الحياة وترجع لاي معلومة فى اى وقت .. و تستفيد بالتحديثات الدورية مجاناً

ثمن الدورة : 160 دولار فقط ( 2800 جنية مصري ) .. و بالتالى انت قصاد كنز حقيقي .. واستثمار مضمون لو كان عندك الحماس و الاستعداد للتطوير من نفسك و من مستقبلك وفرصك الوظيفية

تقدروا توصلوا لكافة التفاصيل الخاصة بالدورة و الانضمام ليها من خلال الرابط التالى :
https://academy.hsoub.com/learn/hybrid-mobile-application-development/
و فى حالة انه كان عندكم اي استفسارات فرجاءً متترددوش فى التواصل معانا

المصادر:
https://medium.freecodecamp.org/how-i-went-from-programming-with-a-feature-phone-to-working-for-an-mit-startup-40ca3be4fa0f

https://www.linkedin.com/in/elvischidera