إزاي لعبة علي الموبايل ممكن تدخل لك 1000$ شهريا؟

0 1٬404

ياتري تعرف إن أرباح جوجل سنة 2017 تجاوزت ال12 مليار دولار من تطبيقات الأندرويد، وإن أرباح مطوري التطبيقات دي  كانت اضعاف الرقم !

على سبيل المثال أرباح لعبة كاندي كراش تجاوزت مليار دولار في سنة 2014،  و لعبة زي فليبي بيرد صممها شاب في يومين بس وصلت أرباحها ل50 ألف دولار في اليوم من الإعلانات بس!

هتقولي طب وأنا إيه علاقتي بالكلام ده؟

علاقتك بالكلام ده إنك تقدر أنت كمان تصمم لعبة للأندرويد وتكسب منها 1000 دولار شهريا بدون مبالغة، الفرصة موجودة وسهل إستغلالها وفي مطورين عرب أرباحهم بتوصل فعلاً للرقم ده من ألعاب وتطبيقات بسيطة جداً زي لعبة كلمات متقاطعة ،تخمين اسم الصورة ولعبة 4 صور وكلمة، التطبيقات دي منتشرة جداً علي الجوجل بلاي وفي منها إلي عدي المليون تحميل!

طب إزاي هصمم لعبة وأنا مش مبرمج؟
مش شرط إنك تكون مبرمج، و للعلم نسبة مش قليلة من أصحاب التطبيقات دي مش مبرمجين في الأساس، لأن في مواقع مجانية و مدفوعة  كتير علي الإنترنت بيتيح لك إنك تصمم ألعاب مشابهه من غير ما تكتب سطر برمجة واحد بنفسك، وبتوفر لك أكتر من نوع من الألعاب إلي مكن تصممها وبيكون ليك التحكم الكامل في شكل اللعبة ،ألوان التطبيق وتصميم مراحل اللعبة.

إزاي أبدأ أصمم تطبيقي؟
موقع Quickappninja
https://quickappninja.com
بيتيح لك تصمم ألعاب زي إيجاد الكلمة، تخمين الصورة و4 صور وكلمة، ألعاب بسيطة لكن شعبيتها كبيرة بين المستخدمين وعدد تحميلات الألعاب دي في الجوجل بلاي بيكون كبير جداً. التسجيل في الموقع مجاني لكن بعد ما بتصمم تطبيقك وتنشره علي الجوجل بلاي، نص أرباحك بتروح للموقع لأن الموقع لازم يستفيد من ورا الخدمة المجانية إلي بيقدمها لك.
بعد ما بتسجل بتختار نوع اللعبة وبتقدر تغير في شكل اللعبة زي الألوان المستخدمة في التطبيق وإضافة الصور وتصميم المراحل للعبة، لازم تكون اللعبة علي الأقل 30 مرحلة وبتكون المرحلة عبارة عن صورة وحروف أو حروف بس علي حسب نوع اللعبة.
في فيديوهات كتير علي اليوتيوب بتشرح طريقة التصميم علي الموقع بالتفصيل هقولك عليها في نهاية المقال.

طب بعد ما أصمم اللعبة إزاي هكسب منها؟
بعد ما تصمم اللعبة لازم بتحط إعلانات في تطبيقك عشان تقدر تكسب منه.
حضرتك بتروح لموقع Admob، موقع تابع لجوجل للإعلان علي تطبيقات الموبايل.
بتسجل في الموقع وبتختار نوع الإعلان إلي هتعرضه علي تطبيقك وبتاخد كود الإعلان وبتروح علي موقع Quickappninja وتحط الكود في تطبيقك.
وبكده بيكون تطبيقك جاهز للنشر علي الجوجل بلاي وتبدأ تربح منه.

إزاي هنشر تطبيقي علي الجوجل بلاي؟
لازم عشان تنشر تطبيقك علي الجوجل بلاي يكون عندك حساب مطور من جوجل، وعشان جوجل تحافظ علي جودة التطبيقات الموجودة علي الجوجل بلاي خلت التسجيل لحساب مطور غير مجاني وبسعر 25 دولار بتدفع مرة واحدة بس عن طريق فيزا أو ماستركارد وبعد كده بتقدر تنشر أي عدد من تطبيقاتك من خلال الحساب علي الجوجل بلاي،
طبعا 25 دولار يعتبر مبلغ بسيط جدا بالنسبة للأرباح إلي ممكن تحققها من تطبيقك.

هل التطبيق هيحقق أرباح من أول يوم؟
أكيد لا، في البداية لازم تسوق لتطبيقك عن طريق نشره في الجروبات علي الفيسبوك، المنتديات المتخصصة في برمجة التطبيقات أو حتي التعليقات علي التطبيقات التانية المشهورة في الجوجل بلاي، بس ده في البداية بس لأن جوجل بلاي بيدخله ملايين المستخدمين يومياً ومع الوقت تحميلات تطميلات تطبيقك هتزيد لوحدها وهتوصل لألفات التحميلات كل يوم من غير أي مجهود منك وهيحقق لك دخل يوصل ل1000 دولار شهرياً وأنت في بيتك.

إزاي هسحب أرباحي من الإعلانات؟
بتقدر تسحب أرباحك كل شهر لما توصل ل100 دولار أو أكتر من موقع Admob عن طريق تحويل الفلوس لحسابك البنكي أو التحويل من خلال ويسترن يونيون وتقدر وتقدر تستلم فلوسك من أقرب فرع كاش وبالدولار.

كورس طريقة تصميم لعبة علي موقع Quickappninja

https://www.youtube.com/watch?v=zUso4s2c7TU&t=243s

كورس طريقة وضع الإعلانات في التطبيق والتسويق للتطبيق

فيديو طريقة إنشاء حساب مطور علي جوجل بلاي

https://www.youtube.com/watch?v=9cw5tdd5_A0
فيديو طريقة سحب الأرباح من Admob
https://www.youtube.com/watch?v=TquNN0Ialm4

اترك رد

لن يتم نشر عنوان بريدك الإلكتروني.