معاً نصنع المُستقبل

ماهي عملة البيتكوين ؟ | كورس مجاني

0 1167


من 8 سنين و تحديداً في يناير 2009 .. ظهرت عملة جديدة اسمها ” بيتكوين” .. تم اختراعها على ايد شخص مجهول الهوية اسمه “ساتوشي ناكاموتو” ..  الBitCoin عبارة عن عملة الكترونية افتراضية (مالهاش وجود مادي) يعني تعاملاتها بس على النت وما تقدرش تمسكها أو تشوفها زي الجنيه او الدولار وده مش الاختلاف الوحيد مابينهم ولكن في اختلافين تانين مهمين :

– البيتكوين عملة مشفرة ماتقدرش تتبع عمليات البيع والشراء اللي تمت بيها او حتى تعرف مين صاحبها .. وبتروح من
حساب مستخدم لتاني بشكل فوري ومن غير أي رسوم تحويل أو المرور عن طريق أي بنوك أو أي جهات وسيطة
من أي نوع كان ..وبيتم تخزينها في محفظة الكترونية مشفرة برضه .. و ده اللي بيخليها اختيار كويس في كتير من
العمليات الغير المشروعة للآسف .. على سبيل المثال  فيروس الفدية الاخير و اللي طلب فيه الهاكرز المسئولين عنه
استلام اموالهم بالبيتكوين

– البيتكوين ما فيش هيئة تنظيمية واقفة وراها يعني مش مرتبطة ببنك مركزي في منطقة جغرافية معينة وده مش بيخليها
تخضع لسيطرة أي جهة .
طيب بتيجي منين ؟
الطريقة الرئيسية للحصول على البيتكوين هو التعدين بصورة رقمية ، فبدل ما كنا بندور على الدهب باستخدام ادوات
الحفر ، احنا هنا بنقب عن البيتكوين باستخدام اجهزة كمبيوتر ليها قوة معالجة ضخمة ، الاجهزة دي بتسخدم برامج
مخصصة بتقوم بفك الشفرات والعمليات الحسابية المعقدة علشان تستخرج البيتكوين ، ومع ان البرامج دي مجانية
ومفتوحة المصدر لكن للاسف مش هنقدر نستخدمها على أجهزتنا اللي على قد حالها ^_^ لانها مش هتستحمل الضغط
الكهربي العالي الناتج من استخدام البرامج دي (وفاتورة الكهربا مش ناقصة ^_^) ، فالحل بيكون في حاجة اسمها التعدين السحابي وهي عبارة عن شركات متخصصة في المجال ده عندها اجهزة امكانياتها عالية وانت بتستثمر عندهم .
سعر البيتكوين اول ما بدأ كان شوية سنتات .. اما دلوقتي تخطي سعر العملة الواحدة الأربع الاف دولار ^_^ واحتمال يزيد مع الوقت
وممكن تتبع سعرها من الموقع ده : /https://www.coindesk.com/price

جدير بالذكر ان حاليا الدولة الوحيدة المعترفة بيها كعملة الكترونية هي ألمانيا .. و متوقع ان مزيد من الدول تبدأ تعترف بيها بشكل رسمي قريباً
عشان كده .. لو عايز تعرف اكتر عن البيتكوين و ازاي بتشتغل بصورة تقنية اكتر فـ في كورس ” مجاني ” بتقدمه جامعة برينستون على منصة كوررسيرا الكورس اسمه Bitcoin and CryptocurrencyTechnologies الكورس هيبدا يوم 2اكتوبر وهيستمر لمدة 11أسبوع ، وده اللينك الخاص بالكورس :
https://www.coursera.org/learn/cryptocurrency

تعليقات
Loading...