ازاى تستغل وقتك الضايع فى المواصلات ! ( الكتب المسموعة )

1 188

بتركب مواصلات كثير .. اكيد طبعا بتحس بالملل .. واكيد دماغك بتوجعك من الدوشة اللي بتسمعها طول الطريق من كلاكسات العربيات .. وغالبا بيتفرض عليك حوارات مضطر تسمعها من الركاب اللي معاك لما بتصدع من اصواتهم العالية .. ده غير عمرك اللي بيضيع وانت محشور في اشارات المرور خاصة لو حضرتك من سكان  محافظة القاهرة .. واللى بتتصنف من  ضمن اوائل العواصم  العالمية في مستوي الزحام يعني نصف يومك بيضيع في المواصلات

انت عارف انك تقدر تستفيد من وقتك وانت في المواصلات … ايوه متستغربش انت تقدر تعمل حاجات كثير في الوقت ده منها تستفيد وتشغل وقتك ومش بس كدة انت هتتثقف و تطور من نفسك عن طريق قراءة الكتب .

متقلقش مش هتمسك كتاب في ايدك وتركز فيه والكتاب يطير اول ما الاتوبيس يفرمل ده لو عرفت تمسكه اصلا في زحمه المواصلات

انت كل اللي هتعمله هتحمل الكتب علي الموبايل وتسمعها … ايوه تسمعها

في مواقع دلوقتي بتقدم الخدمة دي انك تسمع الكتاب بدل ما تقرأه

يعني بتوفرلك كتب صوتية مسموعة في جميع المجالات وانت تختار اللي تحبه وتسمعه

سواء بقي باللغة العربية او اي لغة تانية تعرفها او عايز تطور مهاراتك فيها من خلال الاستماع

كل اللي عليك تحط الهاند فري في ودنك وتعيش في عالم تاني .

دي اهم 5 مواقع عربية بتقدم الخدمة دى وتقدر تستفيد منها بشكل مجاني

 

موقع أقرأ لي
الموقع غير ربحي وبيعتمد علي متطوعين عندهم مهارات الالقاء وعندهم كتب متنوعة في جميع المجالات . ده غير ان عندهم تطبيق تقدر تحمله علي موبايلك ومش بس كدة . هما كمان عدلوا التطبيق الخاص بيهم علشان يناسب اخواتنا من المكفوفين . وتقدر تتابعهم من هنا
http://menassah.com/iqraaly

موقع الكتاب المسموع

عندهم كتب في مجالات كثييير تقدر تستفيد منها وتتابعهم من هنا

http://www.audiobookar.com/

موقع مسموع

عندهم مكتبة صوتية رقمية بجودة عالية ومش بس كدة عندهم كتب مترجمة للعربية تقدر تسمعها وتستفيد منها من خلال موقعهم

http://www.masmoo3.com/

اسمعلي

وهو عبارة عن تطبيق مجاني للموبايلات تقدر تحمله وتسمع الكتب عليه من هنا

https://esm3.ly/

 

المكتبة الصوتية

وفيها كتب عربية وكتب مترجمة في مجالات مختلفة وتقدر تتابعهم من هنا

http://feed.mijobooks.com/

شوفت بقي ازاي تقدر تستفيد من التكنولوجيا وتستغني عن الكتاب الورقي وتستفيد منه عن طريق الاستماع سواء كنت في المواصلات او اي مكان موجود فيه .

 

قد يعجبك ايضا المزيد عن المؤلف

تعليق 1

  1. عصام جمال حمدى يقول

    احببت ذلك..كنت حابب لو اشارك مع الناس اللى بتقرا الكتب دى..عندى مهاره على الالقاء وامتلك الكثير من الكتب

اترك رد

لن يتم نشر عنوان بريدك الإلكتروني.