معاً نصنع المُستقبل

5 أسباب كفيلة تخليك تعتمد على مستقلين بدل من توظيف فريق عمل تقليدي

ليه تعتمد كصاحب مشروع ناشئ على المستقلين Freelancers بدلاً من الموظفين التقليدين ؟
دي 5 أسباب كفيلة تخليك كصاحب مشروع ناشئ تعتمد على مستقلين مش موظفين تقليدين ..

1- تكلفة المستقل أقل من تكلفة الموظف :
مفيش شك إنك كصاحب مشروع ناشئ تحتاج في بداية الأمر إلى تقليل التكاليف قدر الإمكان واستغلال ميزانيتك بشكل كامل الاستغلال الأمثل خصوصاً لو كانت ميزانيتك محدودة ومصادرك كمان محدودة، في الحالة دي المستقل هيكون خيارك الأفضل .. لأن هيكون عندك في بداية العمل بعض المهام المطلوب تنفيذها ولو اعتمدت على تعيين موظف هيتوجب عليك أن تدفع له بصفة شهرية ، سواء كان عندك عمل دائم أو مهام يشتغلها أم لا وفي ده تكلفة كبيرة عليك بالطبع خصوصاً مع قلة العملاء في البداية .
أما لو بصينا للجانب التاني وهو الاعتماد على مستقل … فسيكون ده الخيار الأفضل لأن المستقل هياخد أجره عن العمل الفعلي المنفذ فقط ، وبعد ما ينتهي العمل الملزم منه هينتهي دوره وينتهي التعامل معاه، وفي حالة ما إذا قررت التعامل مع مستقلين في بداية مشروعك هيكون عندك فرصة كبيرة في أنك تختار مستقلين حسب ميزانيتك .. لأن كل مستقل سيقدم عرضاً على طلبك، وأنت هتختار الأنسب منه وفقاً لوضعك المالي وللخبرات المطلوبة ..

2- عدم تقيدك بحدود المكان أو الزمان:
صاحب أي شركة ناشئة بيعتمد على موظفين بيكون في الغالب مقيد بحدود الزمان والمكان، بحدود الزمان لأن للشركة وقت عمل محدد هيبدأ مثلاً من الثامنة صباحاً وحتى الخامسة مساءاً، وأما فيما يتعلق بحدود المكان فهيكون من اللازم عليه أنه يوفر لهم مكان يشتغلوا فيه كمقر للشركة مثلاً كمان لابد على الموظفين أن يتواجدوا التواجد الفعلي في مقر العمل أو مقر الشركة ده وفي ده تكلفة كبيرة جداً على صاحب المشروع ..
كمان سيكون الاختيار مقيد .. فهو ملزم أنه يختار موظفين من الأماكن القريبة من مقر الشركة علشان يسهل عليهم التواجد في المواعيد المحددة للعمل من غير تأخير.
أما لو إعتمدت على المستقلين في تنفيذ أعمال الشركة فمش هيكون عندك أي قيد في الزمان أو المكان ولن يحدك حد ..
فعندك القدرة على تكلف العمل إلى مستقل من أي مكان في العالم ، ويمكنه أن يؤدي العمل في أي وقت دون التقيد بمواعيد رسمية .. وهيكون عندك مساحة أكبر في الاختيار فستختار الأنسب لأداء المهمة أياَ كان مكانه ..

3- حرية الاختيار أكبر:

كصاحب شركة ناشئة بيعتمد على المستقلين من السهل عليك أن تجزئ المهمة الواحدة إلى أجزاء صغيرة ينفذها أشخاص متخصصة وبأسعار أقل بكثير وده بالطبع هيحسن من جودة العمل النهائي المطلوب..
أما صاحب الشركة الذي اللي بيعتمد على موظفين مش عنده القدرة على تعيين أشخاص كتيرة لأداء مهام متعددة وهيكون عليه إنه يقبل بموظف واحد أو بعض الموظفين لتنفيذ كل عمل الشركة بشكل كامل.
علشان تلاقي الموظف الكفء أمر صعب جداً، كمان من الممكن أن بعد تعيين الموظف تكتشف أنه مش هو الشخص المناسب للعمل عندها هيكون عليك البحث عن بديل، وده هيتم بصورة بطيئة وقد وممكن إنك تخسر عملاءك وسمعتك بسبب ذلك ..
أما لو فكرت إنك تعتمد على مستقلين،هيكون عندك القدرة من البداية على تقييم المستقل بشكل كامل وبصورة دقيقة وده بيتم من خلال الإطلاع على معرض أعماله، وتقييمات العملاء السابقين لعمله وغيرها من الأمور اللي سهل معرفتها، أما في التوظيف فكل ما هو متوفر عندك هو سيرة ذاتية ومن الممكن إنها تكون غير معبرة عن الواقع .. عندها هتقع في مشكلة.
4- القدرة الكبيرة على التوسع:
بميزانية قليلة يمكنك أن توظف عشرات بل مئات المستقلين، وعلى العكس فقدرتك محدودة في توظيف أشخاص دائمين مهما كانت الميزانية كبيرة.
والميزة دي هتقودنا إلى نقطة هامة وهي بأقل التكاليف يمكنك أن توسع من حجم مشروعك.

5- سهولة التعامل والتواصل مع المستقليين:
لو تعاملت مع شركة كمورد لك أو مع موظفين تابعين لشركة تانية بيقدموا لك خدمات تكميلية مثلاً، فمن الممكن إنك تلاقي صعوبة في التعامل وعدم التزام بمواعيد وأعذار كثيرة وحجج كتيرة ملهاش نهاية، أما تعاملك مع مستقل خصوصاً من خلال منصة من المنصات الخاصة بالعمل الحر.. ستضمن ليك إن المستقل هيلتزم بمواعيده وهيكون عندك القدرة على التواصل معه في أي وقت وبكل الصور المتاحة .
كمان فالمنصة تضمن لك هذا الالتزام وفي حالة إخلال المستقل بأي شرط من الشروط هيكون عندك القدرة في طلب تنفيذ العمل المتفق عليه أو أن تاخد فلوسك مرة تانية.
أمثلة على شركات ناشئة تقدر قيمتها بملايين الدولارات تأسست ونجحت من خلال مستقلين
أهم الأمثلة على الشركات دي شركة سكايب، ومين منا لا يعرف شركة سكايب خدمة التواصل والدردشة الأشهر عالمياً، اللي انشأها أنشأها وطورها مستقلين من استونيا وجميع فريقها لغاية دلوقتي من أستونيا واللي مش تعرفه عن الشركة دي أنها اتباعت لإيباي بمبلغ 2.6 مليار دولار وبعد كدا أشترتها مايكروسوفت بـــ8.5 مليار دولار!
شركات تانية كتير في القائمة مش هتصدق لما تعرفها:
Operaالمتصفح الشهير، MySQL نظام وقواعد بيانات، SeatGeek محرك بحث ومتجر متخصص لبيع التذاكر، وغيرها الكتير من الشركات ومن النماذج العربية الناجحة اللي بتعتمد على مستقلين لإدارتها شركة “حسوب”

دي بعض المشاريع التي اعتمدت فيها حسوب على مستقلين :
https://mostaql.com/vip

جدير بالذكر ان منصة “ مستقل ” واحدة من افضل المنصات اللى ممكن تعتمد عليها فى ايجاد مستقلين لانجاز المهمات المطلوب

علشان كدا مش تقلل أبداً من أهمية إستخدامك وتوظيفك للمستقلين في شركتك، فمن الممكن أن تصبح شركتك شركة بمليارات الدولارات في يوم من الأيام ..

مؤسس وادي المشمش .. طالب بعد الضهر .. ريادي أعمال .. مُحرض على ترك الوظيفة و الدخل الثابت و البدء فى المشاريع الخاصة ..

تواصل معي : http://www.facebook.com/nagy.kid

2

أضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
Loading...