معاً نصنع المُستقبل

3 كورسات مجانية فى الاسعافات الاولية

0 1661

ساعات الواحد بيواجه ظروف و مواقف صعبة بتفرض نفسها فجأة و من غير انذار، و لما تكون عارف ازاي تتعامل في
المواقف دي ممكن تكون السبب في انقاذ حياة الانسان .
علشان كده تعالوا نستفيد من الاجازة السنة دي و نتعلم مهارة جديدة مهمة جدا وهي الاسعافات الأولية ^_^
و نستغل ال 3 كورسات المجانية .. اللى بتقدمهم منصة Futurelearn البريطانية ..

1- كورس First Aid for Babies and Children
في كل سنة بيموت تقريبا 830 ألف طفل نتيجة اصابات عرضية ومفاجأة اما من حوادث المرور على الطرق أو الغرق أو الحروق أو السقوط أو التسمم ، وفي حالة عدم توفر طبيب سريعا بيكون على أفراد الأسرة او المدرسين انهم يكونوا اول حد يتعامل مع الحوادث دي وممكن يكون تدخلهم الفعال والسريع سببب في انقاذ حياة الطفل .
وعلشان كده الكورس ده هيعلمك تقنيات الاسعافات الاولية لمواجهة الأسباب الخمسة الأكتر انتشارا في اصابات الاطفال وهي ) الاختناق ، النزيف ، الحروق ، الجروح ، السكتة القلبية (
و على مدار أربع ساعات هتتعلم المهارات الأساسية للمحافظة على حياة الطفل المصاب وتقليل
الاصابة ، وهتتعلم ازاي تنفذ الاسعافات على الرضع و الأطفال بطرق آمنة
الكورس بدأ يوم 22مايو و هيستمر لمدة أسبوعين بمعدل ساعتين كل أسبوع ” حاول تلحقه ”
https://www.futurelearn.com/courses/child-first-aid
2- كورس First Aid for Adults
الكورس ده بقى علشان الاسعافات الاولية الرئيسية اللي مفروض تاخدها علشان تتعامل مع السبع أسباب الرئيسية لاصابات البالغين وهي (السكتة القلبية ،والاختناق ، والنزيف ، والحروق ، والسكتات الدماغية ، وحوادث الطرق ، والإسعافات الأولية النفسية الأساسية للشخص المصاب) ، وهتتعلم أساسيات الاسعافات الاولية اللي تقدر بيها تقيم الحالات الطارئة ، وتعرف اذا كان المصاب بيتنفس ولا لا ، وتقنيات الانعاش
الكورس هيبدأ يوم ي 12 يونيو  و هيستمر لمدة أسبوعين بمعدل ساعتين اسبوعياً
https://www.futurelearn.com/courses/adult-first-aid

3- كورس Basic First Aid: How To Be An Everyday Hero
الكورس بيعلمك ليه الاسعافات الأولية مهارة مهمة و حيوية لازم تكون عندك و امتى تستخدمها ، و بيعلمك ازاي تعرف المريض اللي فقد وعيه بيتنفس ولا لأ وازاي تتعامل مع الحالتين ، و لو حد بينزف بشدة او بيختنق ازاي تتعامل مع الموقف ، بجانب انه بيوفرلك مصادر تانية ممكن تتتعلم منها الاسعافات الاولية
الكورس هيبدا يوم يوم 5 يونيو و هيستمر لمدة أسبوعين بمعدل ساعة واحدة اسبوعياً

https://www.futurelearn.com/courses/basic-first-aid

 

تعليقات
Loading...