معاً نصنع المُستقبل

مواقع تعليمية لتنمية اهتمامات طفلك

تخيل انه فى نفس ذات الوقت اللى انت كنت بتقنع فية اخوك الصغير انه بلاش يحط جل على شعره عشان ميصلعش زيك !! “ريلي شندلر” كان بيدي كام محاضرة فى ” علم الحفريات ” لـ طلبة اكبر منه عن شوية حفريات لديناصورات كان لقاها اثناء تجولة فى الجبال القريبة من المسيسيبي ^_^ أه نسيت اقولك ” ريلي ” عنده 9 سنين و ان الصورة اللي تحت دي من برنامج TheEllenShow .. واحد من اشهر البرامج الحوارية الامريكية !!
ما علينا من بقية حكاية “ريلي” اللى ممكن تكمل قرايتها بعدين ^_^ .. “ريلي” شايف انه وصل لكونة مصنف كأصغر ” عالم حفريات ” عن طريق النت و الافلام الوثائقية .. !! يعني العملية ملهاش علاقة بانك امريكي او مصري !! بما ان النت و الافلام الوثائقية عندنا احنا كمان ..
و بعيداً عن موضوع الجل .. و شعرك اللي خف من قدام ! 😛 لسه قدامك فرصة تخلق جو افضل .. ينمي اهتمامات ابنك او اخوك الصغير .. و دي شوية مواقع هتساعدك
Fun Brain
فى حالة حسيت ان طفلك ميال للرياضيات و العمليات الحسابية .. فـ في نفس الوقت اللي هيلعب فية الموقع ده هينمي قدراته العقلية
http://funbrain.com

Nat Geo for Kids
نسخة مخصصة من موقع مجلة ناشونال جيوجرافيك المشهورة بأفلامها الوثائقية عن الحياة البرية والجولوجيا للأطفال …
http://kids.nationalgeographic.com

Highlights Kids
اما لو طفلك عنده بذرة المخترع اللى غاوي تجارب .. ف الموقع ده هيقدملة فرصة اجراء التجارب دي اثناء ما هو بيلعب
http://highlightskids.com/

easy science for kids
الموقع ده بيحاول يبسط العلوم بشكل يتناسب مع عقول الاطفال من 5 ل 10 سنين .. سواء فى الكيمياء او الفيزياء .. علم الاحياء .. علم النبات
http://easyscienceforkids.com

مؤسس وادي المشمش .. طالب بعد الضهر .. ريادي أعمال .. مُحرض على ترك الوظيفة و الدخل الثابت و البدء فى المشاريع الخاصة ..

تواصل معي : http://www.facebook.com/nagy.kid

2

أضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
Loading...