معاً نصنع المُستقبل

مهارات التواصل .. لماذا هي مهمة ؟ كيف تنميها ؟

Abdalrahman Salem

مهارات التواصل جزء مهم جدا من حياتنا اليومية سواء الاجتماعية او المهنية .. لكن للاسف مش كل الاشخاص بيمتلكوا المهارات دى .. و محتاجين انهم يتدربوا ويتعملوا عشان يقدروا يتواصلوا بسهولة .

و عشان تتعلم ازاى تطور مهاراتك فى التواصل لا بد فى البداية انك تتعلم المبادىء الاساسية للتواصل الفعال بحيث انك تكون عندك مصداقية فى الكلام وقدرة على ايصال المعلومات للمستمعين وقدرة على عرض الافكار .

دي عبارة عن 5 طرق من خلالها تقدر انك تنمى مهارات التواصل الخاصة بيك :

 

  1. البحث عن فرص القيادة

اهم ما يتميز به القادة والرواد هو قدرتهم على التواصل وافضل طريقة لتحسين مهارات التواصل هو استغلال الفرص المتاحة للقيادة .

والمقصود باستغلال فرص القيادة انك تكون شخص نشط ومتحمس للنجاح ، بحيث انك تمتلك القدرة على حل المشاكل وتطوير الافكار وادارة المشروعات واللى فى النهاية هتمنى مهاراتك فى التواصل

 

  1. دراسة كيفية التخاطب

دراسة كيفية التخاطب هتحسن من مهاراتك فى التواصل بحيث انها هتزود من ثقتك فى نفسك وقدرتك على عرض افكارك بدون تردد.

  1. الكتابة
    من خلال الكتابة هتقدر انك تعبر عن نفسك و وهتنمى مهاراتك فى التفكير اللى هيزود من قدراتك فى عرض الافكار والمعلومات.
  2. استخدام اداة للتسجيل
    -من خلال التسجيل لنفسك هتتمكن من انك تسمع وتكتشف طريقتك فى التحدث ولغة الجسد و مستوى الصوت ومدى ثقتك فى نفسك وعن طريق الملاحظات اللى انتا هتعرفها من خلال التسجيل هتقدر تنمى الاخطاء اللى عندك بسهولة وهتتمكن فى النهاية من التواصل بشكل افضل .
  3. دراسة التمثيل

    من خلال التمثيل هتقدر انك تتعامل مع اشخاص كتير وهتزود من ثقتك فى نفسك ولغة الجسد الخاصة بيك وهتتمكن من ايصال المعلومات للمستمعين واكتساب احترامهم .

وعشان تقدر انك تتواصل بفاعية اكتر حاول انك تبحث عن الاشخاص اللى ليهم اثر سواء فى حياتك او المجتمع والاشخاص اللى ليهم دور فى نجاحك وحاول انك تتعلم منهم وتتواصل معاهم بصفة مستمرة.

Abdalrahman Salem
النواة #701 مترجمين | وادي المشمش
4

التعليقات على مهارات التواصل .. لماذا هي مهمة ؟ كيف تنميها ؟

  • بارك الله فيك , وفعلا معاك حق , وان كنت حابب اضيف انه الواحد لازم يحاول يحط نفسه في دائرة غير دائرة اصدقائة عشان يعرف ازاي يتعامل مع ناس ما يعرفهمش

    محمد فبراير 5, 2016 10:05 ص رد

أضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
Loading...