معاً نصنع المُستقبل

منحة جامعة الملك فهد للبترول والمعادن فى مجالات الهندسة والعلوم

فى حالة انك خريج كلية علوم او هندسة او تجارة ” ادارة اعمال ” .. انت دلوقتى قدام فرصة مش هتتكرر كتير .. ف ركز شويتين
اما فى حالة انك مش خريج او مش دي مجالات دراستك ف أقرأ كويس و جهز نفسك .. عشان اكيد هيجي عليك الدور و تاخد فرصتك .. و لحد اللحظة دي #share_فى_الخير متعرفش مين حياته ممكن تتغير بسببك ^_^

لأن جامعة الملك فهد للبترول والمعادن KFUPM السعودية .. و اللى ممكن نختصر التعريف بيها ف واحدة من افضل 100 جامعة فى العالم ^_^

مقدمة منح كاملة للماجيستير و الدكتوراة فى مجالات الهندسة والعلوم و ادارة الاعمال .. منح كاملة يعني كل مصاريفك هم متكفلين بيها .. بمعنى أدق هتاخد ماجيستير او دكتوراة “مجاناً” #ملكش_حجة

مش بس كده المنح دي بالتعاون مع جامعة Stanford الامريكية و California Institute of Technology .. و ابحاثك هتبقي بالتعاون مع الشركات دي Aramco (the largest oil company worldwide) و SABIC

عرفت لية بنقولك فرصة مش هتكرر كتير ^_^ .. ندخل ف الكلام الجد بقي ..
الاوراق المطلوبة :
1- صورة scan من ال بتاعك Passport ” مينفعش البطاقة الشخصية ”
2- صورة من شهادة التخرج
3- Cover letter ” ده عبارة عن ورقة A4 ” بتوضح فية انت لية شايف انك مناسب للحصول على المنحة .. و اية اهدافك و طموحاتك ؟
4- Recommendation Letters .. ده ورقة توصية بيكتبها ليك اى دكتور عندك فى الكلية

اما بالنسبة للشروط فهي بسيطة جداً :
1- تقديرك جيد جداً “تكون جايب GPA 3.00 ”
2- تعدي ال TOEFL ب score مش اقل من 68 .. و متقلقش لسه فى وقت تذاكر .. لان اخر ميعاد للتقديم 15/9/2014 عشان تدخل فى Spring Semester

ده لينك التقديم : http://www.kfupm.edu.sa/deanships/dgs/Pages/information.aspx

التفاصيل بالكامل : http://www.kfupm.edu.sa/SitePages/en/DetailPage.aspx?CUSTOMID=12&LinkID=Link34

بالتوفيق ^_^ .. ولو فى اى مشكلة واجهتك تقدر تسيبلنا comment او تراسلنا على ال بيدج بتاعتنا على ال FaceBook

مؤسس وادي المشمش .. طالب بعد الضهر .. ريادي أعمال .. مُحرض على ترك الوظيفة و الدخل الثابت و البدء فى المشاريع الخاصة ..

تواصل معي : http://www.facebook.com/nagy.kid

1

أضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
Loading...