منحة الحكومة التركية للبكالريوس و الماجستير 2016 – 2017

4 4٬464

فى حالة انك طالب جامعي او خريج ” أياً كانت كليتك اية ! “.. او حتى فى ثانوية عامة ^_^ فأستأذنك تركز جداً .. لأ جداااً .. لان واحدة من افضل المنح الدراسية هيبدأ التقديم ليها النهاردة .. منحة الحكومة التركية للبكالريوس و الماجستير 2016 – 2017
المنحة ممولة بالكامل و شاملة مصاريف الدراسة والإقامة في تركيا ورعاية صحية طول فترة دراستك وكمان تذاكر الطيران .. بالأضافة لـ مرتب شهري 600 ليرة لو انت طالب بكالوريوس. و 850 ليرة لو ماجستير

كمان الدراسة بال English .. ولو مستواك فى ال English مش قد كده 🙂 فـ هيدرسولك كورس تركي لمدة سنة قبل الجامعة “مجانا ” و طبعاً لو عارف تركي هتمتحن امتحان و توفر سنة الكورس

المنح الدراسية في تركيا

منحة البكالوريوس :
لو انت في تالتة ثانوي السنه دي او أولي جامعة او تانية جامعة .. فتقدر تقدم علي منحة البكالوريوس طالما جايب اكتر من 70%
بالنسبة للمنحة الطبية ” ابن سينا ” . هتختار ما بين ” طب بشري . اسنان. صيدلة ” بس لازم مجموعك اكتر من 90 %

منحة الماجستير :
لو انت السنه دي في آخر سنة ليك في الجامعة تقدر تقدم عليها ولما تخلص السنة هترفعلهم نتيجتك . بس لازم تكون جايب اكتر من 75%
لو خلصت بكالوريوس تقدر تقدم طالما لسه سنك أقل من 30 سنة

في منحة كمان خاصة بالبحث العلمي ، ومنحة للدكتوراه

هتعمل ايه؟ هتملي الابلكيشن اونلاين من علي موقع السفارة وهيبعتولك رسالة تأكيد علي الإيميل انك قدمت ، ولو طلبك اتقبل ، هيتصلوا بيك عشان تعمل الانترفيو، ممكن تروح السفارة وممكن يبقي انترفيو اونلاين لو في عذر . وبعدين هيجيلك ايميل نهائي بالقبول وتبدأ اجراءات السفر ، وتكون في تركيا ان شاء الله في اول شهر 9 .
ده الموقع اللي هتقدم عليه
http://www.turkiyeburslari.gov.tr/index.php/en

الورق المطلوب منك ” صورة شخصية / صورة بطاقة / كشف درجات لو انت مخلص ثانوية عامة او اثبات قيد من المدرسة لو انت في تالته ثانوي / لو بكالوريوس يبقي شهادة التخرج ” الكلام ده تصوره سكانر وتقدمه علي الموقع PDF .وضيف معاهم أي شهادات حصلت عليها بقي ، سواء كورسات او اعمال تطوعية ”

المهارات والمواهب: ودى بتكتب فيها مهاراتك وهواياتك ولو بتحب تشارك فى جمعيات خيرية او بتحب الموسيقى او بتحب القراءة او الرياضة ..
الجوائز والشهادات: لو انت واخد شهادة مثلا فى اى دورة (تنمية بشرية مثلا .. قوله عليها ) او واخد جائزة فى اى مسابقة محلية او دولية .. قوله عليها برضه
خطابات التوصية : ودى بقى بتبقى ورقه بتخلى دكتور جامعة او مدرس ثانوى او اى حد يعرفك .. يكتب مميزاتك والحاجات الحلوه اللى فيك .. اللى تأهلك للمنحة .. وطبعا كل ما كانت الشخصية اقرب الى مجالك اللى هتدرسه وتكون تعرفك كويس .. هيكون فى صالحك

اهم حاجة.. التقديم علي المنحة مستمر ليوم 31/3/2016 .. يعني شهر كامل .. فـ وانت بتملي الابلكيشن خد وقتك جدا في كتابة الاجابات لأن الحاجات دي بتفرق جدا في الاختيار

كمان ده ملف PDF رسمي من السفارة فيه شرح كل التفاصيل ” بالعربي ” :
https://drive.google.com/file/d/0B6Xevo69B4u2cy1tdVdLNTZyVWc/view

و ده رقم السفارة لو عندكم أي استفسار تاني عن المنحة : 0227978459

المعلومات دي بنشارككم بيها عن طريق : Ahmed Essam
و دي تجربتة : ” السنة اللي فاتت انا قدمت وانا قاعد علي بلاط المستشفي ، والحمدلله اتقبلت من بين 80 الف طالب . ”

4 تعليقات
  1. محمد البسيونى يقول

    شكراً جداً يا جماعة على المعلومات القيمة.
    انا بحاول اسجل فى الموقع لكن ديما بيطلب فى الpassword 8 chractracts رغم انى بكتبهم
    ده طبيعى.
    شكراً

  2. Osama gamal يقول

    It is wanderful

  3. مصطفى جمعه يقول

    شكرا على مجهودكم الخرافى لكن معلش انا عايز اتقل عليكم شويه وعايزكم تنشرو intership اكتر خاصة فى مجال accounting q ضرورى جدا معلش

  4. حفصه عبدالله يقول

    لو سمحت هل شرط اكييييد لازم 75% فما اكثر عشان اتقبل ف منحة الماجستير
    مينفعش التغاضي عنها بأي سُبل تانيه؟؟؟

اترك رد

لن يتم نشر عنوان بريدك الإلكتروني.