منحة الحكومة التركية لدراسة البكالريوس #مجاناً

4 3٬635
التقديم على مرحلتين(المرحلة الاولى .. (تقديم الكترونى)
وفى حالة النجاح تليها المرحلة الثانية ..( المقابلة الشخصية)
 
المرحلة الاولى : التقديم الكترونى .. وهذه متطلبات التقديم ويجب سحبها  اسكانر :
– شهادة الثانوية العامة
– صورة شخصية
– صورة البطاقة الشخصية
– المهارات والمواهب
– الجوائز او الشهادات
– خطابات توصية
– رسالة النية – الاهداف – الدوافع
& شهادة الثانوية العامة : تقدر تاخدها اسكانر من الكلية (او) صورة طبق الاصل مختومة بختم الكلية (أو) مستخرج شهادة الثانوية من مديرية التربية والتعليم 
المهارات والمواهب: ودى بتكتب فيها مهاراتك وهواياتك ولو بتحب تشارك فى جمعيات خيرية او بتحب الموسيقى او بتحب القراءة او الرياضة .. 
الجوائز والشهادات: لو انت واخد شهادة مثلا فى اى دورة (تنمية بشرية مثلا .. قوله عليها ) او واخد جائزة فى اى مسابقة محلية او دولية .. قوله عليها برضه
خطابات التوصية : ودى بقى بتبقى ورقه بتخلى دكتور جامعة او مدرس ثانوى او اى حد يعرفك .. يكتب مميزاتك والحاجات الحلوه اللى فيك .. اللى تأهلك للمنحة .. وطبعا كل ما كانت الشخصية اقرب الى مجالك اللى هتدرسه وتكون تعرفك كويس .. هيكون فى صالحك
و رسالة النية دى بقى بتكتب فيها انت ليه اخترت الدراسة فى تركيا ؟! وليه اخترت مجالك ؟! وتعرف ايه عنه ؟! وايه خطتك خلال الدراسة وما بعد الدراسة
***** شهادة اللغة: لو معكش شهادة فى اى لغة ممكن تدرس بالتركي ، ولو حابب تدرس بالانجليزى يبقى لازم تكون واخد تويفل او ايلتس – وممكن تدرس بالالمانى او الفرنساوي
وسواء كنت هتدرس بأي لغة فلازم  تاخد سنة  تتلعم تركي ( عمن ضمن المنحة #مجاناً ^_^ )
وطبعا هتبقى سنة تركى +(سنين التخصص بتوعك) بمعنى انك هتبدأ الدراسة من الاول
 
لو ربنا وفقك واتقبلت فى المرحلة الاولى (الالكترونية ) هتجيلك رسالة على الايميل .. بالقبول .. وميعاد المقابلة الشخصية ومكانها
 
المرحلة الثانية: المقابله الشخصية :- لينا بوست تانى فى حالة نجاحك ان شاء الله 😀
 
ما تقدمه المنحة :-
– 550 ليرا تركيه شهريا
– اعفاء من المصاريف الدراسية
– سنة لتعلم اللغة التركية مجاني
– تأمني صحي شامل مجاني
-سكن طلابي مجاني
– تذكرة طيران عند الذهاب فى اول مرة لتركيا
وتذكرة اخري عند العودة فى اخر سنة دراسية
موقع الحكومة التركية (للتقديم) :
https://basvuru.turkiyeburslari.gov.tr/en/OBS_K/OnlineBasvuru/BasvuruKilavuz
التقديم مستمر لـ يوم الأتنين 19/5/2014 ..
#المجد_لكل_واحد بيطور من نفسه
#share_فى_الخير متعرفش مين حياته ممكن تتغير بسببك  ^_^
4 تعليقات
  1. عبدالله محمد ابو الوفا يقول

    اللنك اللى هبعت عليه الورق ايه ؟؟؟؟

  2. osama mustafa muhaamed يقول

    ربنا يوفق

  3. esraa raafat يقول

    its my dream

  4. Naji يقول

    شكرا عزيزي استفدت جدا ربنا يوفقك

رد على Naji
إلغاء الرد

لن يتم نشر عنوان بريدك الإلكتروني.