معاً نصنع المُستقبل

مستقبلك مش محتاج غير وصلة انترنت !!

Marwa Ashraf

مفيش احلى من احساسك لما تحقق حاجة في حياتك مهما كانت صغيرة لأن الفرحة بتيجي من مجرد الإحساس بالإنجاز في اي مجال من مجالات الحياة .. و خلينا نتكلم عن التعليم كواحد من المجالات دي و افتكر فرحتك لما بتخلص سنة دراسية و لما تاخد شهادة و تعرف إن مجهودك ماضاعش .

فى وقتنا الحالى الموضوع مبقاش مقتصر على إنك تروح الجامعة و تحضر المحاضرات .. لا الجامعة هي اللي بتجيلك عن طريق الكورسات اللي بتقدمها الجامعة على الانترنت من خلال منصات زي coursera و Edx

http://mshmshvalley.com/visit-coursera

فبقى اي حد في اي حته في العالم يقدر يدرس في جامعة من افضل جامعات العالم و يستفاد من شهادة معتمدة من الجامعة دي ولو كانت في قارة تانية كل اللي محتاجه انترنت  و رغبة حقيقية في التعليم ..

وكذلك بالنسبة للشهادة انت لما تدرس على مواقع زي Lynda او  Udemy :

http://mshmshvalley.com/visit-udemy

ممكن تاخد شهادة في نهاية الكورس يعني مثلا علىUdemy انت مجرد ما بتخلص الكورس بيتم تفعيل لينك ( الجائزة الخضرا اللي في الصفحة من فوق ) تدخل منه علي صفحة تقدر من خلالها تنشر الشهادة بين اصحابك او زملائك في الشغل او تحملها بصيغة JPG او PDF و بعد كده الموقع بيبعتلك ايميل فيه لينك تأكيد تدخل منه على الشهادة بتاعتك و طبعا مش كل الشهادات دي بتبقى معتمدة .. بس ده ميمنعش انها ليها وزنها في سيرتك الذاتية و بتخليك من المرشحين بقوة لما تدور على شغل.

بس برضو مش معنى اني بادرس على Udemy بقالي سنتين و خلصت اكتر من 100 كورس إني معايا شهادة لكل كورس في الحقيقة انا مبهتمش بموضوع الشهادة قد ما باهتم بالمهارة اللي انا باخدها من الكورس ده غير إن مش كل الكورسات بكملها للاخر.

Marwa Ashraf
النواة #701 مترجمين | وادي المشمش
2

أضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
Loading...