معاً نصنع المُستقبل

كيف تحصل على ماجستير ادارة الاعمال MBA ” شبه مجاناً “

ماجستير إدارة الأعمال – Master Of Business Administration المعروف بأختصار MBA ..
و اللى مرتبط فى عقل الاغلبية بانه خاصة بكلية تجارة او الناس اللى هتعمل مشاريع بس !! لكن الحقيقة ان ماجستير إدارة الأعمال مهم بنفس القدر للـ دكتور و المهندس و أي حد اتخرج او لسة بيدرس فى اى كلية و حابب يبدأ Business.. او يعلي من قيمتة و مكانتة لو كان شغال.
و دة اللى هياخدنا للمشكلة الأكبر .. تكلفة ماجستير إدارة الأعمال MBA .. و اللى بتبدأ من 4500 جنية أسترليني = ما يعادل 90.000 جنية مصري !
و للى فى الحقيقة مش مشكلة لان حلها بسيط و ” شبه مجاني ” ^_^ .. لكن قبل ما نتكلم عنه خلينا نتكلم عن أهمية ماجستير إدارة الأعمال :
– فى حالة انك فى كلية تجارة ” كلية الشعب و الدفعة ال 6000 طالب ” .. فـ ياتري اية اللى ممكن يميزك عنهم حتى لو تقديرك جيد جداً او امتياز ؟؟!! ..
بأختصار اللى هيميزك انك تكمل فى اللى درستة بشكل تطبيقي اكتر منه اكاديمي و بعقلية الشركات و المؤسسات

– طيب انا مهندس و هو محامي .. ماجستير إدارة الأعمال ده هيفيدنا ازاي ؟

ماجستير إدارة الأعمال بيضيفلك مهارات ادارية و مؤسسية بجانب مهارات التخطيط .. يعني اية بردو ؟؟
يعني لما تيجي تتقدم لوظيفة او تترقي فى وظيفتك لمنصب أعلي تبقي مميز عن اللى حواليك …
يعني لو هنحتاج مهندس يدير مصنع او طبيب يدير مستشفى او حتي مدرس يدير مدرسة … لية يختاروك انت بالتحديد ؟؟ ماهو سهل جداً تلاقي حد خبير في مهنته و شاطر فى دراستة .. لكن ميعرفش حاجة عن التسويق والنواحي المالية والنواحي التنظيمية وكيفية اتخاذ القرارات وكيفية التخطيط للمؤسسة أو للقطاع اللي بيديره.

حلو دة بس الشركات الحكومية عندنا فى مصر بتمشيها بالاقدمية و المحسوبية ؟ ما احنا الكلام ده اكبر من شركة حكومة و موظف تقليدي .. الكلام ده لواحد ناوي يطور من نفسه و يبدأ Business .. او حد هدفه الشركات ال Multinational و انها هي اللى تجري وراه ^_^

طيب ازي الماجيستير “شبه مجاناً ” ؟
اولاً : لازم تبقي عارف ان ال MBA عبارة عن مجموعة كورسات و منهج دراسي كامل .. و الازمة الحقيقية ان اغلب اللى بتدرسه فيهم غير قابل للتطبيق مباشرة !!! لان اغلبه نظريات و مصطلحات و نماذج عمل .. مش هتقدر تترجمها لفعل الا لو كان عندك خبرة ادارية اصلاً .. و بالتالى هتكون مجرد ورقة .. يمكن تضيفلك و يمكن لأ بعيداً عن تكلفتها اللى اعلي من امكانيات الاغلبية

ثانياً : مفيش حاجة اسمها Mini MBA ^_^ و الورقة ” الشهادة ” اللى اخدتها ب 3000 .. 4000 جنية ملهاش قيمة حقيقية !!
طب و الحل ؟
الحل عند ” Chris Haroun ” .. الدكتور الجامعي و المحاضر الدائم فى كليات ال Business فى اشهر جامعات العالم Berkeley و Stanfordو The Hult International School of Business ..
و مؤلف كتاب “101 Crucial Lessons They Don’t Teach You in Business School,” اللى صنفتة Forbes فى 2015 و 2016 كواحد من افضل 10 كتب المفروض اى رائد اعمال يقراهم

اية علاقة دة كله بقي بالموضوع ؟
Chris .. لخص دة كله بجانب المشاكل اللى قابلتة بعد دراستة لمجاستير ادارة الاعمال MBA من جامعة Columbia .. اثناء تجربتة المهنية فى عدد من الشركات و ادارة رؤس اموال بمليارات الدولارات
فى كورس واحد اسمه ” An Entire MBA in 1 Course:Award Winning Business School Prof
الهدف منه انه ينقلك كله اللى هتدرسة فى ماجستير ادارة الاعمال من خلال 80 محاضرة .. فى 56 ساعة
بيركز فيهم على التجربة الواقعية و التطبيق العملى للمصطلحات و النظريات المملة
الكورس استفاد منه اكتر من 32,095 طالب فى 2016 .. و متصنف كأفضل كورس خاص بال Business على منصة Udemy
المشكلة الوحيدة فى الكورس ان تمنه 200$ ” حوالى 3000 جنية ” و اللى يعتبر سعر مناسب لكم المعلومات و الاستفادة اللى هتخرج بيها منه .. لكن للآسف عقبة للاغلبية ( لا تقلق .. محلولة بردو )
الحل زي ما بدأنا كلامنا ” شبة مجانى ” .. لان حالياً Udemy موفرة خصم 93% على اغلب كورساتها لمدة 72 ساعة .. و بالتالى سعر الكورس دة بقي 15$ ( حوالى .. 200 جنية مصري ^_^ ) #ملكش_حجة

الكورس بعد الخصم :   https://goo.gl/8BDZoK

كمان بمجرد ما تشتري الكورس Chris هيقدملك نسخة من كتابة اللى قيمتة ( 99$ ) مجاناً ^_^

للى مش مستوعب ازاى هياخد الكورس .. الكورس عبارة عن كورس اونلاين على منصة UDEMY ” اكبر منصة للتعلم عبر الانترنت ” .. بتاخد الكورس و انت قاعد فى مكانك مش محتاج اكتر من الانترنت و اللاب او الموبايل .. و بتابع الكورس كمحاضرات فى الوقت الانسب ليك انت .. و تقدر تبدأ و تكمل و تعيد فى اى وقت .. بجانب انه بيبقي فى Quizs عشان تقيس مستواك .. و تقدر تتواصل مع المحاضر و تسيبلة اى أسئلة او تطلب منه يوضحلك اى نقط مقدرتش تستوعبها

للتوضيح : تقدر تشتري الكورس بأي فيزا او ماستر كارد من اى بنك ( لو ممعكش .. حاول تتصرف من اى حد حوليك .. هتلاقي كتير ) و الدولار بيتخصم بسعر البنك المركزي مش سوق سودا .. و لا عزاء للى هيكسلوا كالعادة ” الخصم لمدة 4 ايام ”

بمجرد ما بتخلص الكورس .. بتوصلك شهادة معتمدة من Udemy .. و فى حالة حبيت تضمن الكورس فى ال CV .. بتضمنه عن طريق اسم المحاضر ” Prof. Chris Haroun ” و ملخص فى 140 حرف عن الكورس تحته
لعدم اللبس الكورس لا يعادل MBA طبعاً .. لكن بيأهلك لخطوة اكبر و هي ان بأضافتة فى ال CV الخاص بيك .. بجانب اجتيازك لامتحانين ال GMAT و ال EILTS او TOEFL
و دي الامتحانات الاساسية عشان تتقبل فى برنامج ماجستير ادارة اعمال بيكون ليك فرصة ان الشركة اللى بتشتغل فيها تتحمل تكاليف ال MBA و لحصولك على الترقية ..
لان ببساطة انت اللى جاهز بشروط القبول .. و انت اللى مستعد بخلفية سابقة عن ال MBA وتجهيز فاجتيازك للبرنامج مضمون بنسبة اعلى و بالتالى تحملهم لتكاليف دراستك استثمار ناجح .. و ترقيتك فى محلها

و فى حالة انك مهتم ببدأ او تطوير ال Business الخاص بيك ف الشهادة فى الواقع اخر حاجة ممكن تشغل بالك بيها هى و ال CV

مؤسس وادي المشمش .. طالب بعد الضهر .. ريادي أعمال .. مُحرض على ترك الوظيفة و الدخل الثابت و البدء فى المشاريع الخاصة ..

تواصل معي : http://www.facebook.com/nagy.kid

3

أضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
Loading...