معاً نصنع المُستقبل

كورس مجاني لتعلم اللغة الاسبانية مع senor Jordan

اللغة الأسبانية مش بس 3 اكثر لغة استخداماً و انتشاراً على مستوي العالم و بيتكلم بيها بيها اكتر من 517 مليون شخص ^_^ اللغة الاسبانية واحدة من اكتر اللغات المطلوبة فى سوق العمل ومنح الدراسة فى الخارج .. بجانب كونها واحدة من اسهل اللغات تعلماً و اللى هتفتحلك الباب لتعلم لغات مقاربة ليها زي الايطالي و البرتغالي

كده ممكن نعتبر نفسنا جاوبنا على سؤال ” لية اتعلم اسباني ” ؟ .. نيجي للسؤال الأهم ” ازاى اتعلم اسباني ” ؟

و بعيداً عن اللينكات و الكورسات اللى ملهاش اول من آخر .. واللى فى الغالب مصيرها مش هيفرق عن اللي سبقوها و هيتركنوا فوق بعض فى ال Saved Links !! ” .. او ف احسن الظروف هتبدأ فيها و مش هتكمل !!
ممكن تبدأ فى الكورس اللى بيقدمة Senor Jordan .. و ان كان مش كورس اوي ^_^ لانك فى الغالب هتحس انه ستاند اب كوميدي ^_^ .. و هتلاقي الموضوع مرح بزيادة فمظنش انك هتكسل او هتمل

قناة Senor Jordan عليها اكتر من 650 فيديو قدمهم على مدار ال 8 سنين اللى فاتوا .. الجميل انهم متقسمين فى قوائم تشغيل ” Playlists ” بشكل منظم
و اللى تقدر توصلهم من هنا :

https://www.youtube.com/user/tontitofrito/playlists?sort=dd&view=1

الفيديوهات متقسمة مستويات و طرق مختلفة للتعلم.. و بتغطي كل الجوانب اللى هتساعدك تتعلم و تتقن اللغة الاسبانية .. بجانب النصايح اللى بيقدمها ” زي ازاى تستغل الافلام و الاغانى لتعلم اللغة ”
الفيديوهات مدتها من 4 ل 10 دقايق .. يعني لا هتتحجج بالوقت و لا مشوار و لا مصاريف .. كل المطلوب منك كشكول و قلم و سمّاعة و مج نسكافيه , و ساعة كل يوم ^_^ #ملكش_حجة

مصدر معلومة عدد المتحدثين Wikipedia : List of languages by total number of speakers

https://en.wikipedia.org/wiki/List_of_languages_by_total_number_of_speakers

مؤسس وادي المشمش .. طالب بعد الضهر .. ريادي أعمال .. مُحرض على ترك الوظيفة و الدخل الثابت و البدء فى المشاريع الخاصة ..

تواصل معي : http://www.facebook.com/nagy.kid

19

أضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
Loading...