كورس لغة أندونيسية #مجاناً من المركز الثقافي الاندونيسي

2 4٬196

– اية رأيك لو تاخد كورس لغة أندونيسية #مجاناً من المركز الثقافي الاندونيسي
– هو انا عارف اتكلم English عشان اتكلم اندونيسي ” هو دة بتاع اندونسيا .. اللى بيتكلموه الاندوليسيييين ! صح ؟ ” أصلاً هستفاد اية ؟

– طيب خلينا نتفق انك وانت بتسأل السؤال دة كان زمانك اتعلمتلك كلمتين اندونيسي ! ^_^ آه و الله بتكلم جد لغة سهلة جداً .. و ركز كده عشان اقولك هتستفاد اية .. بعد ما اعرفك ان الدراسة فى المركز ساعتين ل 6 ساعات اسبوعياً ف اكتر يوم و اكتر من ميعاد انت بتحدده #ملكش_حجة

هتستفاد اية ؟
1- الاندونيسية لغة بيتكلم بيها أكتر من 30 مليون .. و لغة مفيش ناس كتير بيتعلموها فى مصر
يعني انت خلقت لنفسك فرصة ملكش فيها منافسيين كتير .
غير ان اندونيسيا دولة من دول مجموعة العشرين “مجموعة بتمثل ثلثلي التجارة في العالم ” .. خلينا نتكلم بطريقة ابسط يعني دولة اقتصادياً كويسة يعنى فى سياحة .. يعنى تجارة .. يعني فى اكتر من مجال هتفتح لنفسك فيهم فرصة

2- هتنشط مخك .. آه و الله تعلم لغات جديدة من الحاجات اللى بتنشط المخ .. خاصة بقي و اننا اتفقنا انها لغة سهلة جداً
3- هتستفيد بوقت فراغك ” لو حضرتك فاضي ” دي هتبقي اكبر استفادة ليك .. انت بتستثمر ف نفسك و بتستغل و قت فراغك

نظام الدراسة :

يخصص المركز اسبوعيا 3 ايام للدراسة وهى ايام السبت والثلاثاء والخميس من كل اسبوع
يوفر المركز ميعادين للدراسة يتختار الدارس من بينهما ما يناسب وقته
تبدأ الحصة الاولى فى الساعة الرابعة وتنتهى فى الساعة السادسة مساء
اما الحصة الثانية فتبدأ فى الساعة السادسة والنصف وتنتهى فى الثامنة مساء

عنوان المركز: 63 شارع مصدق -الدقى — الجيزة. ت: 0194424480

كمان فى المركز الثقافى الاندونيسي عندهم أنشطة ثقافية وأدبية وفنية ودورات تعليمية و فن القتال وغيرها وكلها #مجانا

2 تعليقات
  1. احمد شاهين يقول

    كلام جميل جدا ويا ريت فعلا يبقى فى حاجه زى كده والواحد عنده مليون استعداد لكده
    لكن برضه نفس المشكله فى اى حاجه كويسه انها برضه بس بتكون فى القاهره وبس يعنى دى فرصه لشباب القاهره بس
    حتى اللى نفسه فى حاجه زى كده وومكن يقدر يجى ويسافر كل يوم مش مشكله بتبقى مواعيدها صعبه جدا لما اجى 6 واخلص 8 ولا حتى اخلص 6 مساء ارجع تانى بلدى فى قريه فى الارياف الزاى يااااريت حل او مواعيد مناسبه للناس البعيده

  2. احمد عبد الحميد حسن يقول

    شكرا علي مبادراتكم الهائله بس الكورس هيبدا امتي واقدر احجز ازاي

اترك رد

لن يتم نشر عنوان بريدك الإلكتروني.