كمل تعليمك فى جامعات بره مصر خلال شهر أغسطس #مجاناً

0 813

فرق كبير بين جامعات مصر و بين جامعات بره .. طب و مالوا ^_^ ما انت ممكن تكمل تعليم فى جامعة بره #مجاناً .. University of California او Stanford فى امريكا .. او حتي ممكن تكمل ف Melbourne فى استراليا .. و جامعة Tokyo اليابانية

لأ بقولك اية انا مش فاهم حاجة ازاى جامعة بره و ازاى مجاناً ؟!
طب اية رأيك ان الجامعة هي اللى هتجيلك لحد عندك مش انت اللى هتسافر , و كمان هتاخد شهادة معتمدة من الجامعة ^_^

الجامعات دي يا صديقي اقتنعت ان العلم مش محصور على الطلبة اللى جوة حرم جامعتهم بس ! و قررت تقدم نفس الكورسات بنفس الدكاترة اللى بتشرح Online ..
يعني حضرتك هتقدم عشان تنضم للكورس و بيبقي لية ميعاد بداية و بيستمر لفترة معين ” 6 اسابيع مثلاً ” و بيبقي فى مواعيد لمحاضراتك .. و ممكن تسأل الدكتور .. و فى امتحانات و بعد ما تخلص بيبعتولك شهادة معتمدة .

كمان خلينا متفقين ان مش شرط تدرس حاجة ليها علاقة بمجال دراستك او مجموع الثانوية العامة .. اصلاً #الجامعة_مش_كفاية .. تمام كده ؟ ^_^
نيجي بقي للكورسات اللى ممكن تدرسها من الجامعات دي #الجزء_الأول :

1- Introduction to Negotiation | جامعة Stanford الامريكية
كورس مهارات التفاوض فى الفترة من 4 أغسطس 2014 لـ 12 سبتمبر 2014

https://novoed.com/introduction-negotiation

2- Managing Your Time, Money, and Career: MBA Insights for Undergraduates | جامعة California الامريكية
كورس ادارة الوقت و المال و الوظيفة .. مقدمة لماجيستير ادارة الاعمال MBA .. فى الفترة من 4 أغسطس 2014 ل 8 سبتمبر ( 5 اسابيع دراسة )
https://www.coursera.org/course/managingmoney

3- Advanced Chemistry | جامعة Kentucky الامريكية
كورس الكيمياء المتقدمة لمدة ( 10 اسابيع ) من 11 أغسطس 2014 ل 20 أكتوبر

https://www.coursera.org/course/advancedchemistry

4- Interactive Computer Graphics | جامعة Tokyo اليابانية
الكورس مهم للي شغالين graphic design و ال user interface كـ برمجة هيستمر لمدة ( 7 اسابيع ) من 5 أغسطس 2014 ل 13 اكتوبر

https://www.coursera.org/course/interactivegraphics

5- Linear Circuits | جامعة Georgia Institute of Technology
كورس مفيد جداً لطلبة هندسة .. و اسلوب العرض مناسب ايضاً لغير المهندسين .. الكورس هيمتد ( 10 اسابيع ) من 18 أغسطس لـ 24 أكتوبر

https://www.coursera.org/course/circuits

طيب استني .. انا عندي مشكلة فى ال english بسمع بس مش بلحق اترجم كله .. لا تقلق بيبقي فى ترجمة بال English كتابة اثناء الشرح ^_^
طيب اية ده مفيش و لا كورس مناسب ليا و انا عاوز استغل الاجازة ؟! 🙁 لا تقلق ده يدوب كان الجزء الاول و يومياً الساعة 2 ظهراً هيكون فى جزء جديد و تخصصات جديدة ^_^ تابعنا على وادي المشمش
ولحد ما تلاقي المناسب ليك .. #share_فى_الخير متعرفش مين حياته ممكن تتغير بسببك ^_^

اترك رد

لن يتم نشر عنوان بريدك الإلكتروني.