فرصة تدريب فى المفوضية الاوروبية بمرتب 1200 يورو

5 3٬864

اتخرجت من الجامعة و بتدور علي فرصة للتدريب .. مش لاقي تدريب مناسب ليك .. طيب ايه رأيك تتدرب 5 شهور مع المفوضية الاوروبية .. ومش بس كده بمرتب 1200 يورو في الشهر ( حوالى 24 الف جنية مصري ) ^_^

كل سنة المفوضية الاوروبية بتطلب خريجين للتدريب في مقرها الرئيسي في بلجيكا او لوكسمبرج وبداية التدريب لعام 2018 هيبدا من 1 اكتوبر لـ شهر فبراير2019

وطبعا لو تم اختيارك من ضمن المرشحين فانت هتحصل علي خبرة كبيرة جدا لانك هتتعامل مع ثقافات مختلفة وده اكيد هيفيدك في مشوارك المهني.

وكمان انت مش هتستفيد بخبره مهنية فقط لا انت كمان هتستفيد في خبرتك الحياتية والاجتماعية

لان كل دفعة من المتدربين بتنظم مجموعة انشطة بيوصل عددها من 40 الي 50 نشاط مختلف زي نشاط كرة القدم وتنظيم الحفلات والمناسبات الاجتماعية ومش بس كده …..ده كمان بيتم تنظيم معرض لفرص العمل اللي بيساعدك في حياتك المهنية المستقبلية.

طبعا اسئلة كثييير بتدور في دماغك زي ايه طبيعة العمل

المفوضية الاوروبية شغالة في مجالات مختلفة وانت اللي بتحدد وبتختار المجال المناسب ليك اللي عايز تتدرب فيه زى مجال التعليم – الطاقة- ريادة الاعمال – الموارد البشرية …الخ

والعمل اليومي للمتدرب بيكون مفيد وشيق جدا لانه بيتكون من :

  • حضور وتنظيم الاجتماعات , والانضمام لمجموعات العمل , والمنتديات , وجلسات الاستماع العامة .
  • البحث وجمع الوثائق والتقارير والمشاورات,والاجابة علي الاستفسارات
  • المشاريع الجارية

وطبعا من خلال التدريب مع المفوضية الاوروبية

هيكون عندك معرفة بالاتحاد الاوروبي وهتشاهد بنفسك العمليات وسياسات المؤسسات الاوروبية.

ده غير الخبرة العملية وفرصة للعب دور داخل المفوضية اثناء العمل والتدريب .

شروط التقديم

التدريب متاح لخريجي الجامعات من جميع انحاء العالم .

ويكون عنده معرفة جيدة جدا  للغة من اللغات الاتية الانجليزية او الفرنسية او الالمانية مستوى c1/c2 طبقا للإطار المرجعي الأوروبي المشترك للغات http://www.coe.int/t/dg4/linguistic/cadre1_EN.asp?

بالشروط دى تقدر تقدم في اي قسم من المجال الاداري

لكن لو هتشتغل في مجال الترجمة

فشروطه معرفة بلغتين غير اللغة الرئيسية  (لغتك الام) وكمان لازم لغتك الرئيسية تكون من ضمن 24 لغة رسمية للاتحاد الاوروبي

https://ec.europa.eu/info/departments/translation

بالنسبة للتكلفة التدريب ممول بالكامل من مصاريف التاشيرة و تذاكر الطيران

اخر موعد للتقديم 31 يناير 2018

طريقة التقديم سهلة 

بتعمل اكونت علي الموقع وبعدين تملي استمارة التقديم من هنا

http://ec.europa.eu/stages/applying/procedure_en

ولو انت لسه طالب ومش في المستوي المطلوب من اللغات . عندك فرصة تستعد وترفع مستوي اللغة وتقدم في تدريب المفوضية الاوروبية اول ما تتخرج من الجامعة .

5 تعليقات
  1. Ali hassan fawzy يقول

    I’m study in Arab academy for science technology and maritime transport,study logistics and supply chain management

  2. Ehab Mohamed Mohamed يقول

    Hi
    Speaking of education
    Shall I be a teacher or what?!. And if I became a teacher, what subject Shall I teach!??
    Thanks a lot

  3. Moment Must Ali يقول

    I’m on going studying Master of Agrctural Economics and excepting to be the study by June 2018
    Very interested to work in the project M@E for the up coming traing.

  4. mohamed adam يقول

    I’m totally interested in this program

  5. Nazar Fadul Almoula يقول

    كلام ممتاز وانا انوي التقديم للمفوضية الأوربية
    حاجة تفرح موفقين

اترك رد

لن يتم نشر عنوان بريدك الإلكتروني.