معاً نصنع المُستقبل

عقدة الانجليزي و السفارة الامريكية

بما ان الانجليزى عامل لأغلبنا مشاكل ^_^

و اتفقنا اننا لازم ناخد خطوة حتي لو متأخرة و لقينا حل لو مفيش وقت تقعد تتعلم الانجليزى كله ( فى حالة انك متفأقتش معانا فـ هتلاقي التفاصيل ف آخر البوست 🙂 ) و ركز عشان تلحق تيجي تكمل معانا ف السفارة الامريكية #ايوة_السفارة_الامريكية 🙂

برنامج التدريب من السفارة الامريكية هتروح تتكلم مع امريكان هناك … كل حاجة متاحة و مجاناً بس انت اللى غاوى انتخة وتقعد تقول هبقى وهعمل 🙂

فية ناس هتحس ان الموضوع عادى وانة مش مهم , بس الاهمية الكبرى ان :

اولا:انك تسمع اللغة من صاحب البلد نفسة face to face ودا لية اهمية كبيرة
ثانيا: انك تكسر حاجز الرهبة اللى عندك وخوفك من انك تتكلم انجلش وتغلط ف الناس تتريق عليك وتقل ثقتك فى نفسك
ثالثاً : الموضوع اكبر من ال English 🙂 فى أجهزة آبل و انترنت بسرعات متعرفش انها موجودة ( هتبقي تجربة مختلفة ) و كله مجاناً لا تقلق 🙂

Information resource center (IRC)
او مكتبة السفارة الامريكية
كلنا سمعنا عن مكتبة السفارة الامريكية وانها فيها انشطة انجلش وكدا
الموضوع باختصار ,ان المكتبة دى موجودة بداخل السفارة الامريكية , خلف مجمع المحاكم فى ميدان التحرير

وليها جدول بينزل كل شهر موضح فية الانشطة اللى بتتم داخل المكتبة خلال الشهر دا
وكمان يوجد بداخل المكتبة دى اجهزة كمبيوتر ابل ونت سريع جدا
تقدر تجلس على اى جهاز و تتصفح الانترنت براحتك
والمكتبة غنية بالكتب المختلفة فى شتى المجالات وتقدر تستعير كتب كمان

ومن ضمن الانشطة الموجودة فى المكتبة
technology club & Gaming in English & scrabble club
ومن ابرز الانشطة , حاجة اسمها English conversation club
ودى عبارة عن محادثة لمدة ساعة بالانجليزية كل اربعاء من الساعة 3 الى الساعة 4 عصرا
وبتنقسم ل اتنين Beginners and intermediate وانتا اللى تحدد عاوز تحضر اى اى واحد فيهم بناء على مستواك اللى انتا شايفة
واللى بيقوم بالمحادثة دى احد الموظفين بالسفارة وموضوع المحادثة بيكون موضح فى الجدول الشهرى بتاع المكتبة

فية ناس هتحس ان الموضوع عادى وانة مش مهم , بس الاهمية الكبرى بتعتة بتتلخص فى حاجتين
اولا:انك تسمع اللغة من صاحب البلد نفسة face to face ودا لية اهمية كبيرة
ثانيا: انك تكسر حاجز الرهبة اللى عندك وخوفك من انك تتكلم انجلش وتغلط ف الناس تتريق عليك وتقل ثقتك فى نفسك

متطلبات حضور ال conversation club هى كالاتى
1_الذهاب لمكتبة السفارة وعمل كارنية هناك مجانا ,كل ما عليك هوا ان تحضر معك صورة البطاقة
دا طبعا غير ان بتكون رايح بالبطاقة بتعتك , وبيصوروك هناك وبيتم عمل كارنية لك فى خلال 5 دقائق
بعد كدا بتبعت ايميل لمكتبة السفارة بتقولهم انك عاوز تحضر ال English conversation club وتحدد اذا كانت beginners اوintermediate وتكتب اسمك والرقم اللى موجود على الكارنية اللى هتعملة بس كدا , وهيجيلك تأكيد بالموافقة من المكتبة

ملحوظة : لا تاخذ معك فلاشة او قصافة او شاحن لانك مش هتقدر تدخل بيهم السفارة وهتضطر تسيبهم فى اى مكان خارج السفارة
وانتا داخل السفارة بتقفل تليفونك وبتسيبة فى امانات السفارة و انت داخل

ودا الموقع بتاعهم
egypt.usembassy.gov/index.html
ولو عايزين تسألوا على اى حاجة ابعتىولهم على الايميل دا
IRCCairo@state.gov

ودا الجدول بتاع الشهر دا

us

مؤسس وادي المشمش .. طالب بعد الضهر .. ريادي أعمال .. مُحرض على ترك الوظيفة و الدخل الثابت و البدء فى المشاريع الخاصة ..

تواصل معي : http://www.facebook.com/nagy.kid

25

التعليقات على عقدة الانجليزي و السفارة الامريكية

  • ممكن اعرف عنوان السفارة
    هو لازم نسيب الموبايل برى في الأمانات ؟؟

    Ahmed Ali يونيو 10, 2014 2:08 ص رد
  • جزاك الله خيرا على هذا الموضوع.

    مروة يونيو 10, 2014 11:50 ص رد
  • جزاكم الله خيرا 🙂

    Samar يونيو 10, 2014 12:57 م رد
  • يعني كل ده مجانا ؟؟ اروح اعمل الكارنيه وابدأ اشارك ف ال English conversation club مجاااانااا !!

    Mariam يونيو 10, 2014 9:14 م رد
  • هو المفروض المكان فى القاهرة بس ولا فى مكتبة فى كل المحافظات ؟

    Omnia يونيو 11, 2014 7:29 ص رد
  • شكرا جدا على المجهودات المتميزة بتاعتكم 🙂

    محمد رفعت يونيو 11, 2014 11:34 ص رد
  • هل يشترط سن معين؟

    Ismail يونيو 12, 2014 3:58 ص رد
    • فوق ال 16 سنة ( معاك بطاقة ^_^ )

      Mohamed Nagy يونيو 12, 2014 6:55 م رد
  • لو سمحت هو انا جنسيتي سوري ينفع لو رحت هيقبلوني ولو اخدت معاي جواز السفر ؟؟؟

    alaa يونيو 16, 2014 12:39 م رد
  • بعد اذنكم فين جدول شهر 12 ؟؟؟

    Eman Selim ديسمبر 12, 2014 5:52 م رد
  • انا بشكرك جدا ولكن انا اعرف الجامعة الامريكية فين بالضبط لان انا عايز اشترك

    Ahmed Mahmoud Abd Elmaaboud ديسمبر 24, 2014 9:22 ص رد
  • طيب هو الكرنية مكتوب عليةغير رسمى هو امتى هيكون رسمى

    eman يناير 16, 2015 4:08 م رد
  • هو ممكن ادخل عادي بالشنطة بيكون فيها كتب بس ؟

    mohamed gamal يناير 29, 2015 3:32 ص رد
    • انت بتتفتش بشكل دقيق جدا و مبتدخلش بحاجة خالص

      MshMshA يناير 29, 2015 4:25 م رد
  • مفيش حاجة كده فى
    اسكندية

    asmaaseif فبراير 22, 2015 4:52 م رد
  • هو الكلام ده لسه موجود اصلى دخلت على السايت وملاقتش حاجه تفيدنى

    mira abdo فبراير 25, 2015 2:21 م رد

أضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
Loading...