معاً نصنع المُستقبل

دليل البشمهندس الناصح

إخوانا المهندسين و المهندسات ^_^
دول حبة مواقع مفيدة لطلبة الهندسة و كدا .. حاول تقلب و تعيش فيهم و دور على اللى انت عاوزه
المواقع دى بتغطى حاجات كتير من حاجات طلبة الهندسة من كورسات و ماتريال و فيديوهات و نقاشات و ازاى تجتاز انترفيو و ازاى تظبط الـ career بتاعك و ازاى تقدر تكون مهندس مبدع #ملكش_حجة

خلونا نبدأ واحدة واحدة :

http://www.engineering.com
الموقع دا من المواقع المهمة جدا للهندسة، بيوفر ليك دروس و فيديوهات كتير فى تطبيقات و مجالات كتير، هتلاقى كمان فيه شرح و تبسيط لمفاهيم كتير انت ممكن تكون مستصعبها بطريقة مسلية جدا بجانب انه فيه نقاشات فى بعض الأسس العلمية و مش بس كدا

بيرشدك للطريق الصحيح انك ازاى تقدر تقتنص انترفيو

http://www.efunda.com/home.cfm
دا بقى مميز فى انه بيوفرلك مجلات هندسية فى كتير من المجالات و دا بيخليك تتابع آخر الأخبار اللى تخص الهندسة أول بأول ، و كمان بيوفرلك زى آلة حاسبة كدا بتساعدك فى العمليات التكاملية و المعادلات و حلها و اشياء من هذا القبيل

http://www.engineeringtoolbox.com/
فى كتير من المهندسين بيعانوا من مشكلة الوحدات و تحويلاتها

هنا بيوضحلك الوحدات و تحويلاتها و العلاقات اللى بتربطهم ببعض بطريقة شيقة جدا هتحبها

http://www.manufacturingiscool.com/
اما عن الموقع دا فبيوفرلك و بيعرفك بالفرص و المنح الدراسية و البرامج و الصيفية اللى تخص الهندسة و يعرفك ايه اللى محتاجه عشان تقدر تسافر و كدا بجانب انه فيه قسم اسمه real life engineers و دا مهم جدا خدولكوا لفة فيه ^^

http://pbskids.org/designsquad/
هنا هتلاقى متعة الهندسة لأن الموقع دا بيقولك ان ازاى الهندسة داخلة فى كل حاجه من فن و موسيقى و و أكل و روبوتات و حتى الحيوانات

http://www.futuresinengineering.com/
هنا هتلاقى الإرشاد للطريق انك ازاى تبنى و تقدر تأسس career ليك كويس فى مجال الهندسة و يساعدك فى انك تقدر تحط خطواتك أول بأول عشان تقدر تكون مهندس فعال و ناجح

http://www.engineergirl.org/
وعشان الهندسة مش عنصريين ضد المرأة

فدا موقع خاص بالمهندسات بس بيساعدهم ازاى المهندسات يبنوا طريقهم المهنى فى الهندسة و ازاى يجتازوا الصعوبات اللى بتواجههم اثناء الشغل و كدا ^_^ و كمان فيه حلقات نقاش بين المهندسات على مستوى العالم بينقلوا خبراتهم لبعض

http://www.tryengineering.org/
هذا التحفة الفنية بيساعدك انه بيوفر دروس فى مجالات كتير و كمان مسموح انك تحملها عادى و انك تقدر تسأل الاسئلة اللى عندك و هيوفرلك مهندسين ذوى خبرة يردوا على اسئلتك و يجاوبوك 🙂

http://thecivilengineer.org/
دا بقى خاص بالمهندسين المدنيين فى تخصصات الهندسة البيئية و الإنشائية و كمان هندسة النقل ^^

احتفظ بيه عندك و كل فترة القى نظرة على المواقع و اشبع شغفك فى كونك مهندس

المعلومات دي وصلتلنا عن طريق : Mahmoud Kishk

مؤسس وادي المشمش .. طالب بعد الضهر .. ريادي أعمال .. مُحرض على ترك الوظيفة و الدخل الثابت و البدء فى المشاريع الخاصة ..

تواصل معي : http://www.facebook.com/nagy.kid

1

أضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
Loading...