معاً نصنع المُستقبل

تعلم اللغة الالمانية فى مكتبة معهد جوته #مجاناً

س : هو انتم لية مهتمين فى وادي المشمش بالسفر لألمانيا و تعليم اللغة الالمانية الفترة الاخيرة ؟ ” اوعي تكون المانيا بتمولكم ”
ج : لان ببساطة المانيا فرصة لاي حد حابب يكمل دراسة بجد و يرفع من قيمتة العلمية .. او يبدأ شغل و حياتة العملية .. بالاضافة لان المانيا هى مدخلك لدول اوروبا بالكامل بفرصها المختلفة .. نظراً لان المانيا واحدة من اقوي دول الاتحاد الاوروبي

س: هو الموضوع بالسهولة اللى انتوا مصورينها دي ؟
ج : أسهل مما تتخيل كمان و الحكومة الالمانية بتييسر الانتقال سواء للدراسة او العمل الفترة الحالية و الفترة الجاية .. #المهم انك تكون حد مميز فى مجالك او ناوي يتميز ” مش بس عاوز يهاجر ”

طيب انا دلوقتى فاكر كام كلمة الماني من ايام ثانوي0.. و بتعلم المانى من الكورسات اللى انتم بتنزلوها اونلاين .. بس محتاج اطور نفسي اكتر 🙁

طلبك موجود في شارع البستان بالظبط 5 شارع البستان ^_^ هتلاقي معهد جوته القديم المعهد ده فيه مكتبة فيها كتب الماني و كتب تعليم الماني و نت مجاني لاعضاء المكتبة مكتبة فعلا رائعة و اشتراكها السنوي 50 جنية بس .. كمان هتقابل المان و فى رواية اخري المانيين كتير 🙂 و ده الاهم فى الموضوع هتتمرن عليهم و تحسن المحادثة عندك #ملكش_حجة

و طبعاً مش ناسينكم يا أسكندرانية ^_^ عنوان المكتبة في الإسكندرية
١٠ شارع البطالسة، الأزاريطة

مواعيد العمل و ارقام التليفونات و اي استفسارات تانية تقدروا تعرفوها عن طريق الويب سايت بتاع المعهد :
http://www.goethe.de/ins/eg/kai/kul/bib/auo/arindex.htm

بالنسبة لموضوع السفر لـ المانيا و تفاصيل برنامج الحكومة الالمانية Make it in Germany :
http://mshmshvalley.com/make-it-in-germany/

مؤسس وادي المشمش .. طالب بعد الضهر .. ريادي أعمال .. مُحرض على ترك الوظيفة و الدخل الثابت و البدء فى المشاريع الخاصة ..

تواصل معي : http://www.facebook.com/nagy.kid

4

التعليقات على تعلم اللغة الالمانية فى مكتبة معهد جوته #مجاناً

  • هو فعلا مجانا طيب اقدر اتواصل ازاي ؟!

    سندس ديسمبر 20, 2015 1:01 م رد

أضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
Loading...