الوظايف من 2002 لـ 2020 ( وظائف المستقبل )

0 1٬884

برامج الطبخ على التليفزيون بنشوف فيها الشيف بيحط شوية مكونات على بعض ويدخلهم الفرن وتطلع
شكلها وطعمها حلو وبيخلصها بسرعة !! فى حين لما إحنا بنيجى نقلده وناخد الوصفة ونعمل الخطوات بناخد وقت
أطول ومبنطلعش الحاجة بنفس الجودة، طب ليه الكلام ده بيحصل؟

السبب بسيط وهو إن الطباخ اللى على التليفزيون أول ميزة عنده ومش عندنا هو انه عارف الخطوات والطريقة فبيمشى فيها علطول غيرنا اننا
بنحاول نفتكر اللى شوفناه وهو بيعمله او بنقرأ من اللى كتبناه وراه فده بيعطلنا والميزة التانية انه بيكون
قايس كل المقادير قبل مايطلع على البرنامج وبالتالى كل حاجة بتبقى متقاسة عنده بالظبط على العكس
مننا فبتطلع الطبخة بتاعته احلى
نفس الكلام ده بينطبق علينا فى سوق العمل اللى لو معرفناش الخطوات اللى لازم نخطوها فيها او ايه هى
الحاجات اللى المفروض تكون محضرها له عشان تقدر تدخل سوق العمل الصح هتلاقى نفسك بتاخد وقت
طويل ومبتوصلش للى نفسك فيه
وعشان كدا النهارده فى الجزء التانى من شرح الوظايف اللى هتكون كل الشركات بتوظفها بحلول سنة 2020
هنتكلم على اخر 4وظايف موجودة معانا فى التقرير اللى عملته World Economic Forumبالتعاون مع
Business Insider
فى الأول عايزين نوضح تانى ان فى الوقت الحالى سوق العمل بيتغير أسرع مما نتخيل فمش من الآمن أبداً
اننا نتطمن على المجالات اللى احنا موجودين فيها من غير مانطور نفسنا كل فترة عشان نواجه احتياجات
سوق العمل وفى حين ان المنظر العام الحالى للوظايف متوقع انه هيشهد تغييرات جذرية فى السنين الجاية
احنا النهارده هنقدملكم الجزء التانى من المتوقع يكون عليه الطلب من الوظايف
لو مكنتش شوفت المقال الأول عن تغير شكل الوظايف من سنة 2002لـ سنة 2020ممكن تشوفه من هنا :

https://mshmshvalley.com/%d8%a7%d9%84%d9%88%d8%b8%d8%a7%d9%8a%d9%81-%d9%85%d9%86-2002-%d9%84%d9%80-2020/

Senior Managers -5
فى مختلف الصناعات هيكون فى احتياج للمديرين أصحاب الخبرات عشان يقدروا يقودوا الشركات فى فترات
التغير، لكن ده ميمنعش ان الشركات هتكون محتاجة لنوع جديد من المديرين اصحاب الخبرات والسبب فى
كدا ان الشركات ديه هتكون محتاج توجيه أثناء فترات التغيير اللى هيمر بيها معظم الصناعات والمجالات
المختلفة فى المستقبل
وأنواع الصناعات اللى هتحتاج النوع الجديد من المديرين هتكون من الإعلام والترفيه والمعلومات
Product Designer -6
مصممين المنتجات مش هيتأثروا بالتغييرات اللى هتحصل لأنها واحدة من اهم المهارات اللى عليها طلب
فى سنة 2020هى الإبداع، والإحتياج هنا سببه ان على الرغم من ان معظم الوظايف هيكون من الممكن يحل
محلها الآلة لكن الحاجة الوحيدة اللى الآلة مش هتعرف تحل محل الإنسان فيها هى الإبداع
والتركيز على مصممين المنتجات هيكون بالتحديد فى ازدياد فى المجالات التجارية والتصميم الصناعى
الناس ديه هى اللى هتكون بتصمم وبتطور المنتجات زى العربيات والأجهزة والمنتجات المصنعة
وظايف المستقبل 2
Human Resources & Organizational Development (HR & OD) -7
الـ HR & ODمن الوظايف اللى هتكون الشركات محتاجاهم عشان يساعدوهم فى تدريب الموظفين بتوعهم
لأن بسبب التغيرات التكنولوجية هيحصل اختفاء لبعض الوظايف، وهيكون فى بردو وظايف جديدة بتتخلق
وناس بتقدم عليها، وطريقة من الطرق اللى بتخطط الشركات انها تتعامل مع المواهب اللى هتحتاجها فى
الوظايف الجديدة هتكون عن طريق انهم يدربوا الموظفيين الموجودين فعلاً فى الشركة على أدوراهم
الجديدة من خلال الـ HRو الـ OD

Regulatory and government relations expert -8
الطلب على الأشخاص اللى دورهم يسهلوا التعامل مع الحكومات والشركات التانية عن طريق العلاقات
العامة هيستمر فى الزيادة بما ان الشركات هتحاول انها تتبنى التكنولوجيات الأحدث دايم ًا
والطلب هنا هيزداد لان الشركات هتحتاج الاشخاص اللى يسهلوا الجزء القانونى من التقدم التكنولوجى اللى
هتحاول الشركات ديه انها توصله
دلوقتى احنا اتكلمنا على تقرير وظايف المستقبل وحاولنا نشرحهولكوا عشان تقدروا تعرفوا المستقبل جايبلنا
ايه معانا ومستنين نعرف منكم اذا كان فى وظيفة من الوظايف اللى اتكلمنا عليها فى اخر جزئين محتاجة

اترك رد

لن يتم نشر عنوان بريدك الإلكتروني.