الجامعة مش كفاية يا بشمهندس

2 2٬718

ايوة زي ما بنقولك كده #الجامعة_مش_كفاية يا بشمهندس ^_^ جميل انك اجتهدت و جبت الكام و 90% ف ثانوية و حققت رغبة اهلك و مجتمعنا و بقيت فى كلية من كلية القمة #مبروك .. بس سواء لسه داخل هندسة او بقالك كام سنة فى هندسة و لو حتي اتخرجت .. خليني افكرك انك مش انت الوحيد المجتهد و لا انت الوحيد اللى ف هندسة !!! لأ مش بحقد عليك انا يدوب بفكر معاك ازاى ممكن تطور من نفسك و ترفع من قيمتك و تميز نفسك عن آلااف الخريجين كل سنة ؟!

و عشان توفر على نفسك مواويل ان التعليم فى مصر مش ولابد ! آه و مالوا …. و ان فرق كبير بينا و بين جامعات بره !! انا اقولك ازاي ممكن تطور من نفسك

1- شوية كورسات من افضل 100 جامعة فى العالم ف نفس التخصصات اللى درستها و هتدرسها فى كلُيتك .. تقدر تذاكرها online وتاخد شهادة معتمدة .. #مجاناً يعني #ملكش_حجة
2- شوية كورسات فى مجالات خاصة بدراستك بس للآسف مش هتسمع عنها فى الكلية

طيب قبل ما نكمل يا بشمهندس و نعرفك على الكورسات دي و ازاى تقدر تبدأ فيها .. لو حضرتك مش بشمهندس ف دة معناه انك حابب تطور من نفسك او تفيد غيرك ^_^ ف خليك فاكر ديماً ان شعارنا .. معاً نصنع المُستقبل .. و #share_فى_الخير فعلاً ممكن تبقي سبب ان حياة حد تتغير بالكامل بسببك .. حتي لو انت مستفدتش المره دي تأكد ان حد تانى هيـ share و هيغير حياتك

نرجع لك يا بشمهندس دي عناوين الكورسات اللى تقدر تبدأ فيها اونلاين خلال شهر سبتمبر و اغلبها هيستمر ما بين 6 ل 8 اسابيع بمعدل ساعتين ل 4 بس اسبوعياً .. الدراسة لسه متأجلة شهر يعنى #فرصتك .. و لو اول مره تبدأ ف كورس اونلاين خليني اعرفك على شوية مميزات ف السريع .. تقدر تسألأ الدكتور اللي بيشرح زية زي المحاضرة .. مش هتتحرك من بيتك .. كله مجاناً .. فى شهادة معتمدة .. بتكتب انك درست الكورس الفلاني ع الموقع الفلاني من الجامعة الفلانية فى ال CV ك Self Study و اللي بتبقي حاجة مميزة و بتتحسبلك ^_^

1- Introduction to Power Electronics | جامعة Colorado الامريكية | مدة الدراسة : 9 أسابيع
https://www.coursera.org/course/powerelectronics

2- Solar Energy | جامعة Delft الهولندية | مدة الدراسة : 14 أسبوع
https://www.edx.org/course/delftx/delftx-et-3034tu-solar-energy-1996

3- Structure Standing Still: The Statics of Everyday Objects | جامعة فلوريدا الامريكية | مدة الدراسة : 6 أسابيع
https://www.coursera.org/course/staticsofobjects

4- Introduction to Water and Climate | جامعة Delft الهولندية | مدة الدراسة : 8 أسابيع
https://www.edx.org/course/delftx/delftx-ctb3300wcx-introduction-water-2091

5- Mechanical Behavior of Materials | معهد MIT الامريكي | مدة الدراسة : 15 أسبوع
https://www.edx.org/course/mitx/mitx-3-032x-mechanical-behavior-2591

6- Calculus: Single Variable | جامعة Pennsylvania الامريكية | مدة الدراسة : 13 أسبوع
https://www.coursera.org/course/calcsing

7- Introduction to Engineering Mechanics | معهد Georgia Institute of Technology الامريكي | مدة الدراسة : 5 أسابيع
https://www.coursera.org/course/statics1

8- Principles of Electric Circuits | جامعة Tsinghua الصينية | مدة الدراسة : 15 أسبوع
https://www.edx.org/course/tsinghuax/tsinghuax-20220214x-principles-electric-2956

2 تعليقات
  1. Sameh يقول

    رائع يا ناجى .. جزاك الله كل خير ودايما فى تقدم زادك الله معرفه =D

  2. Hussein Taiseer يقول

    من الواضح ان انا جيت متأخر
    هي الكورسات دي مش هتتعاد تاني ولا ايه ؟؟
    :'(

رد على Sameh
إلغاء الرد

لن يتم نشر عنوان بريدك الإلكتروني.