معاً نصنع المُستقبل

الانجليزي بتاعك بة سّم قاتل

السادة المستمعين نآسف لقطع برنامجكم المفضل ” أنتخ مين قدك ” و نذيع اليكم البيان التالي .. من حكمدار بوليس العاصمة الى طلاب جامعات و مدارس مصر .. الانجليزي بتاعكم بة سم قاتل .. الانجليزي بتاعكم بة سم قاتل ..

احنا مش جايين نهز ثقتكم ف نفسكم .. و لا نقلقكم .. احنا لقينا ان أغلبيتنا دلوقتى معاه موبايلات … كلها Candy crush على Flapping bird على Subway وغيرهم , كل اللى إحنا هنعمله إننا هنزود الApps دى واحد , وهنحمل برنامج يعلمنا إستماع ونطق إنجليزى , فى أى وقت وفى أى مكان .

البرنامج إسمه : Learn English, Speak Englishl .. البرنامج ده بيوفرلك دروس فيديو على الموبايل فى كل التخصصات تقريباً , الدروس دى عبارة عن أسئلة وأجوبة , الشخص اللى فى الفيديو بيسألك سؤال وإنت بتجاوبه عليه بالإنجليزى من خلال نطقك للكلمات اللى قدامك , وبعد كده البرنامج بيديك تقييم معين وبيصححلك أخطائك فى النطق , عن طريق متحدث أجنبى Native Speaker بيقول نفس الكلام اللى إنت قولته تانى ولكن بلهجته هوه … ^_^

هتسمع طريقته فى نطق الكلمات دى وتعيد نطقها تانى لحد ما تبقى 10 على 10 , وكل درس بياخد منك 60 ثانية كحد أقصى , بعد الدقيقة دى هتلاقى نفسك عارف تنطق وفاهم كلمات مكنتش تعرفها قبل كده , وكل ده على موبايلك , ومن غير ورقة ولا قلم كله بالصوت والصورة … ^_^ #ملكش_حجة

حمل البرنامج Android , Iphone , Nokia :
https://play.google.com/store/apps/details?id=com.speakingpal.speechtrainer.sp

البرنامج موجود على App Store بردوا للناس اللى عندهم Iphone , معرفش الحقيقة إذا كان متوفر للنوكيا ولا لا بس إحتمال كبير يكون نزل على Windows phone بردوا , للناس اللى معاها نوكيا دوروا لو لقيتوه على OVI يبقى خير وبركة , ملقتهوش إرموا النوكيا ده بقى وهاتوا سامسونج … النوكيا ده إنقرض

و على كل من يعرف طالب من طلاب الجامعات او المدارس يعملوا Mention .. و يـ #share_فى_الخير متعرفش مين حياته ممكن تتغير بسببك ^_^

وادي المشمش | معاً نصنع المُستقبل

مؤسس وادي المشمش .. طالب بعد الضهر .. ريادي أعمال .. مُحرض على ترك الوظيفة و الدخل الثابت و البدء فى المشاريع الخاصة ..

تواصل معي : http://www.facebook.com/nagy.kid

1

التعليقات على الانجليزي بتاعك بة سّم قاتل

  • ربنا يخليييييييييك .. اموووووووت و اعرف بتجيب الحاجات دية منييييييين 🙂 ^_^

    مفيش حاجة حلوة زيه كدة بس للـ PC انا نوع الفون بتاعى نوكيا 225 هههههههه يعنى مش موجود فى دول ^_^

    joseph نوفمبر 25, 2014 5:07 م رد
    • في برنامج اسمه bluestack دا بينزل علي ال PC دا كانك جبت موبايل اندويد و حطيته علي الPC بتاعك ممكن تنزل عليه Apps و اي حاجه للاندرويد

      Mohamed أبريل 15, 2016 1:20 م رد
  • حلو جدا

    Abeermagdy سبتمبر 17, 2015 7:01 ص رد

أضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
Loading...