معاً نصنع المُستقبل

ازاي تبدأ ؟ اياً كان اللى ناوى تبدأ فيه

فعلياً معرفش بقالك اد اية ناوي تبدأ مذاكرة و لسه مبدأتش .. و عاوز تبدأ تروح الجيم و مروحتش .. بجانب كم الاحلام و الامنيات اللى شاغلة بالك و بردو لسه مبدأتش فى تحقيقها .. لكن أقدر أؤكد لك ان الوضع هيستمر كده لفترة طويلة .. طول مانت ثابت مكانك و معودتش نفسك تاخد خطوة و تبدأ
أزاي تبدأ ؟

دة السؤال اللى هنجاوب علية بالتفصيل فى هيئة خطوات عملية .. اياً كان اللى ناوى تبدأ فية اية ..

بداية : أختار حاجة واحدة تبدأ بيها .. لان ديماً الحماس اللى بيجيلك بضيع عالفاضي بسبب التشتيت من رغبتك فى تغيير كل حاجة للاحسن مرة واحدة و الاحباط اللى بيجيلك بسبب كم الحاجات دي

ثانياً : مش مهم الكمّ .. المهم استمرارك بعد البداية .. كفاية نص ساعة مذاكرة لكن كل يوم .. كفاية 10 دقايق رياضة فى البيت لكن كل يوم .. و تدريجياً مع الوقت المدة دي هتتضاعف و المهمة دي هتتحول لعادة بالنسبة ليك

ثالثاً : اطلب مساعدة اللى حوليك .. اصحابك .. اهلك .. جيرانك عرفهم مشكلتك و اطلب منهم يشاركوك .. ” انا مقصر فى المذاكرة و محتاجك تذاكر معايا .. عشان ناوي على تقدير السنة دي ” .. ” وزني زايد و عاوزك تنزل تجري معايا ” .. مشاركة حد معك هتشجعك جداً علي الأستمرار .. بجانب توضيحك للمشكلة حاول تطلب منه تنبيهك و متابعتك .. عشان تحسن من مستواك ديماً

رابعاً : فكر نفسك ديماً .. انت بدأت لية ؟ بتذاكر لية ؟ بتتمرن لية ؟ بتتعلم English لية ؟؟
علق ورقة على التلاجة .. غير ال Background بتاعت موبايلك او لابك .. اكتب ع الحيطة ^_^ المهم انك تفضل فاكر ديماً لية مينفعش تقف

خامساً : احتفل بنجاحك .. و استمتع باللى وصلتلة لكن متسمحش لنفسك تقعد فاضى أبدأ علطول فى حاجة جديدة .. أبدأ من تانى اشتغل على نفسك و على حاجة كنت مأجلها

سادساً : أبدأ حالاً .. أبدأ فى اول حاجة تيجي على بالك .. خد خطوة دلوقتى #مستني_اية

مؤسس وادي المشمش .. طالب بعد الضهر .. ريادي أعمال .. مُحرض على ترك الوظيفة و الدخل الثابت و البدء فى المشاريع الخاصة ..

تواصل معي : http://www.facebook.com/nagy.kid

4

أضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
Loading...