من حوالى 20 سنة .. هزم الحاسوب الفائق “Deep Blue” التابع لشركة IBM أفضل لاعب شطرنج في التاريخ وبطل العالم ” جاري كاسباروف” في المبارة الفاصلة و السادسة بينهم
الحدث ده كان مثابة نقطة تحول رئيسية في تقدم الذكاء الاصطناعي “AI” ومع ان البعض قلل من قيمة الحدث باعتبار لعبة الشطرنج لعبة منطقية والكمبيوتر أساسا جهاز منطقي ، لكن نقطة التحول التانية والأكثر اثارة للاعجاب حصلت في 2011 لما هزم جهاز تاني ل آي بي إم اسمه “واتسون” أبطال لعبة “Jeopardy“وحصل على جايزة المليون دولار ، وهي عبارة عن لعبة في مختلف الميادين زي التاريخ، الأدب، الثقافة، العلوم، الفنون وغيرها ، بتدي المتسابقين الاجابة وهم يكتشفوا السؤال وفي نسخة عربية للبرنامج اسمها “المحك” ، وممكن تتفرج علي الهزيمة ^_^ من هنا
ومع مرور الوقت وتقدم التكنولوجيا بقينا بنتصور وبنتقبل أكتر مفاجآت الـ “AI” لكن لما يتعلق الموضوع بوجود جهاز كمبيوتر يتطابق في الواقع مع الذكاء البشري بكل تعقيده بنلاقي نفسنا لسه متشككين في إمكانية تحقيق ده بصورة كاملة ،لان هناك فرق جوهري ما بين الطريقة التي بيشتغل بيها العقل البشري والطريقة اللي بتشتغل بيها أكثر الآلات تطورا وهو فرق نوعي صعب انه ينتهك .
لكن المخترع الشهير والمستقبلي “راي كورزويل” بيعتقد العكس ^_^ .. الرجل ده عمل كتاب اسمه “How to Create a Mind” بيجادل فيه على انه على الرغم من ثراء وتعقيد الفكر الإنساني –الا ان المبادئ الأساسية والشبكات العصبية المسؤولة عن التفكير العالي بتاعنا هي في الواقع بسيطة نسبيا، و قابلة للتكرار بشكل كامل.
و بالنسبة ل كورزويل، آلات AI الأكثر تطور اللي بدأت بالفعل لتوظيف نفس المبادئ وبتحاكي نفس الهياكل العصبية الموجودة في الدماغ البشري، الرجل ده قابل CEO بتاع جوجل”لاري بادج ” في 2016 وقاله انه عايز يعمل شركة يبدأ يطور فيها أفكاره اللي في الكتاب لبناء كمبيوتر حقيقي ذكي بيفهم لغة البشر وبيعمل استنتاجاته وياخد قرارته لوحده بدون أي تدخل من الانسان ^_^ ، ولاري رد عليه بدل ماتعمل شركة لوحدها تعال اشتغل معانا في جوجل وخصوصا ان مافيش حاجة هتقدر تساعده في اللي عايز يعمله زي القدرة الحاسوبية والبيانات الموجودة عند جوجل ، والرجل اشتغل معاهم على انه ” كبير المهندسين” في يناير السنة اللي فاتت^_^، وده فيديو ليه على ted بيشرح ايه اللي ممكن نوصل ليه في الأيام الجاية “بس خلينا نتجاهل حتة دارون بتاعة التطور الي بيقولها ^_^”
