معاً نصنع المُستقبل

كيف تحصل على شهادة معتمدة من افضل جامعات العالم مجاناً

التعليم فى مصر مش ولابد ! طب و مالوا ^_^ .. فرق كبير بينا و بين جامعات بره !! .. ما احنا عارفين 🙂 .. أعلي مستوي تعليمي “الجامعة” مبقاش يأكل عيش !!! .. ايوة صح ^_^

عشان كده بدأنا مبادرة #الجامعة_مش_كفاية .. فى وادي المشمش من سنة و 4 شهور .. و حاولنا نقدم من خلالها حلول بديلة .. كان أهمها الـ ( MOOCS) و المنصات اللي بتسمحلك تستفيد من الكورسات و المساقات التعليمية للى بتقدمها افضل و اشهر جامعات العالم و انت قاعد فى بيتكم #مجاناً ^_^

لكن الأزمة كانت .. فكرة الشهادة المعتمدة ! و اية اللي يثبت انى درست الحاجة دي .. و اللى تداركتها اغلب المنصات و اشهرها ( Coursera) و بدأت توفر شهادات معتمدة و موثقة من الجامعة اللى خدت منها الكورس ..
و ظهرت هنا أزمة جديدة .. تكاليف الشهادة !! اللي بتبقي بمتوسط 70$ ( حوالي 500 جنية )
لكن اللى انت متعرفهوش انك تقدر تستفيد من اى شهادة معتمدة و موثقة من الجامعة اللى اخدت منها الكورس #مجاناً و ^_^ #ملكش_حجة

بعد ما تحدد الكورس المناسب ليك .. هتدوس على ” Financial Aid is available only for learners who cannot afford the fee. Learn more and apply.” هتلاقيها موجودة تحت ( Enroll ) اللي محددنها بالبرتقالي فى الصورة
شهادة معتمدة مجاناً

هيحولك لصفحة زي الصورة دي .. و بتقدم طلبك .. هيسألك عن متوسط دخلك السنوي .. و بلدك .. و بعدين الأسئلة الاهم انك تبينلهم موقفك المالي و تشرح انك طالب و محتاج الكورس دة لية و هيساعدك فى اية .. و لية الشهادة هتفرق معاك !
طلب شهادة معتمدة
اجابة الأسئلة دي هتكون فى حدود ال 50 ل 300 كلمة .. الأجابات سهلة جداً و موافقتهم مش هتاخد دقايق .. طول ما انت عارف انت بتاخد الكورس لية .. مش فرحان ان فى شهادة معتمدة ببلاش و خلاص ^_^

حاولوا تاخدوا لفة كويسة فى Coursera و قرروا اية افضل كورس فعلاً هيضيف لكم قيمة و الشهادة هتفرق معاكم بجد

‫#‏share_فى_الخير‬ متعرفش مين حياته ممكن تتغيير بسببك ^_^

مؤسس وادي المشمش .. طالب بعد الضهر .. ريادي أعمال .. مُحرض على ترك الوظيفة و الدخل الثابت و البدء فى المشاريع الخاصة ..

تواصل معي : http://www.facebook.com/nagy.kid

15

التعليقات على كيف تحصل على شهادة معتمدة من افضل جامعات العالم مجاناً

  • بجد شكرا اضفتوا كتير لحياتى جزاكم الله حير

    mahasen kamal ديسمبر 4, 2015 7:25 م رد
  • شكرا جزيلا

    ѦՊԻ يناير 5, 2016 7:28 م رد
  • شكرا جزيلا بس علهش انا لسه بتابعكم من فترة قريبة فياريت لو هتلقوا الضوء على حاجة كنتم عملتوها قبل كده تبقوا تعملوا اشارة للبوست عشان الجدد اللى زيى يعرفوا يوصلوله و شكرا …يعنى مثلا ايه هى المنصات التى تمنح كورسات مجانية ؟؟ غير MOCS??

    هاله على يناير 8, 2016 9:42 ص رد
  • كل كلمات الشكر لا يمكن ان تكفي لشكركم على ما تقومون به .. فالف تحية وتقدير ^^

    Osama يناير 19, 2016 11:01 م رد

أضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
Loading...