معاً نصنع المُستقبل

أتعلم Customer Service صح

أقفل الراوتر و افتحة تانى ..
النهاردة بتتريق عليهم و بكرة لما تخلص جامعة و تبقي مستني موقفك من الجيش .. او جضرتك لما تبقي لسة مش لاقية وظيفة .. هتكملوا مسيرة اخونا و تشتغلوا customer service فى شركة تاتا تاتا و غيرها من الشركات اللى بتبهرونا فيها بردودكم من نوعية اقفل الراوتر و هز السلك 🙂 .. مش بمزاجك و ده سيستم الشركة و انت محتاج ال 1500 جنية المرتب .. كل ده حلو .. بس ده ميمنعش انك تتعلم Customer Service صح و تاخد دبلومة فيها .. يا عم بقولك جابر نفسي ع العك دة عشان اقبض مرتب .. تقولي ادفع عشان دبلومة ؟؟!!

مين قال تدفع .. دي دبلومة #مجانية و هتاخد شهادة كمان .. و انت قاعد في بيتكم.. يعني من الآخر #ملكش_حجة
كل المطلوب منك تفضي نفسك ساعة يومياً لمدة اسبوع .. و جنبك كوباية الشاي وورقتين و قلم
و تدخل على ALison تاخد الكورس : http://alison.com/courses/Diploma-in-Customer-Service

الدبلومة دي عبارة اكتر من كورس .. هيبدأوا معاك من الاساسيات لحد ما تبقي فاهم كل كبيرة و صغيرة .. و بعدها هيديك كورسات متخصصة فى خدمة عملاء المستشفيات و التسويق العقاري و قطاع الخدمات بشكل عام .. و فى امتحانات فى النص عشان تتأكد انك ماشي صح ..
ده كله هيفتح لك فرص اكتر فى شركات اكبر جوا و بره مصر و بمرتبات و مستوي شغل تانى 🙂
#المجد_لكل_واحد بيطور من نفسه ^_^
#share_فى_الخير متعرفش مين حياته ممكن تتغير بسببك ^_^

مؤسس وادي المشمش .. طالب بعد الضهر .. ريادي أعمال .. مُحرض على ترك الوظيفة و الدخل الثابت و البدء فى المشاريع الخاصة ..

تواصل معي : http://www.facebook.com/nagy.kid

4

التعليقات على أتعلم Customer Service صح

  • السلام عليكم ورحمه الله وبركاته
    جزاك الله كل الخير هل يوجد فرص عمل واقعية باستخدام النت يعنى العمل من خلال النت
    وجزاك الله كل الخير

    منى سبتمبر 15, 2014 9:30 ص رد
  • أولا جزاكم الله خيرا على الموقع الجميل دة … بجد أنا استفدت منه كتييييير 🙂
    بس لي تعليق صغير لو تكرمتم ، موقع Alison مجاني في الكورسات اللي بيقدمها ، لكن عشان تاخد شهادة منه لاااازم تدفع *_^ أنا جربت الموضوع دة بنفسي

    Moataz أكتوبر 31, 2014 2:11 م رد

أضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
Loading...